Lamantasyon 1:5 - Labib An Kreol Seselwa

⁵ Son bann ladverser in vin son sef son bann lennmi i trankil. SENYER in fer Zida soufer akoz tou son bann dezobeisans. Son bann zanfan in vin prizonnyen; zot in ganny anmennen annegzil.

Lamantasyon 1:5 ပူးပေါင်းရင်းမြစ်များ

2 Rwa 21:15

akoz zot in fer sa ki depler mwan e provok mwan, depi zour zot bann zanset ti sorti Lezip ziska ozordi.

Psonm 80:6

Ou'n fer nou vin en size dispit pour nou vwazen. Nou bann lennmi i riy nou.

Psonm 89:42

Ou'n donn lennmi laviktwar; ou'n fer tou son bann lennmi kontan.

Ezai 22:5

Annefe, sa zour, SENYER Bondye liniver in anvoy lazitasyon, konfizyon ek lafreyer. Dan Vale Vizyon, miray i ganny kraze; en lapel osekour i monte dan montanny.

Ezai 63:18

Ou pep sen ti pran posesyon pei pandan en pti pe letan; me la aprezan, nou bann lennmi in kraz ou sanktyer.

Zeremi 10:20

Nou bann latant in ganny detri; bann lakord ki ti tenir zot in kase. Zanmen nou pou revwar nou bann zanfan; zot tou zot in ale. Nou nepli annan personn pour pik nou bann latant e fikse bann rido.

Zeremi 12:7

La sa ki SENYER i deklare: Mon'n abandonn Izrael; Mon'n rezet mon nasyon prefere. Mon'n livre sa pep ki mon kontan dan lanmen son bann lennmi.

Zeremi 23:14

Me mon'n war bann profet dan Zerizalenm fer keksoz degoutan: Zot komet adilter e zot viv dan mansonz. Zot ankouraz dimoun kontinyen fer sa ki mal, e personn pa sanz son mannyer fer. Pour mwan, zot osi move ki bann zabitan Sodonm ek Gomor.

Zeremi 39:9

Finalman, Nebouzaradann sef bann gard, ti fer deport Babilonn, tou dimoun ki ti'n reste dan lavil. I ti fer deport osi popilasyon ki ti'n dezerte.

Zeremi 5:29

Pa fodre mon pini sa bann dimoun pour sa, SENYER i deklare? Pa fodre mon revanze kont en nasyon parey?

Lamantasyon 1:16

Se pour sa bann rezon ki mon pe plere. Mon lizye pe noye dan larm, akoz mon konsolater, sa enn ki kapab redonn mwan lavi, in abandonn mwan. Napa okenn lavenir pour mon bann zanfan, akoz lennmi in ranport laviktwar.

Lamantasyon 1:18

SENYER ti annan rezon azir konmsa anver mwan, akoz mon'n revolte kont son komannman. Tou bann pep! Ekout mwan: Get mon soufrans. Mon bann zenn fiy ek mon bann zennzan in ganny anvoye annegzil.

Lamantasyon 1:8

Zerizalenm in fer bokou pese; in sali son lekor. Tou dimoun ki ti annan respe pour li, pe mepriz li aprezan, akoz zot in war son touni. Li menm i onte e i kasyet son figir.

Lamantasyon 2:17

Parey i ti'n deside depi byen lontan, SENYER in detri Zerizalenm san pitye. Sa ki i'n fer avek nou i'n fer lennmi rezoui lo ou maler; i'n fer ou bann lennmi vin pli for.

Lamantasyon 3:46

Tou nou bann lennmi in ensilte nou.

Ezekyel 9:10

Mwan, mon pa pou montre okenn konpasyon, ni pitye pour personn, me mon pou fer zot siport konsekans zot bann aksyon.”

Ezekyel 9:9

I ti reponn, “Pese pep Izrael ek Zida i tre grav. Pei i ranpli avek disan e lavil i ranpli avek lenzistis akoz zot pe dir: SENYER in abandonn sa pei e SENYER pa war nou.

Deterononm 31:29

Annefe, mon konnen ki apre mon lanmor, zot pou vin koronpi, zot pa pou swiv semen ki mon'n ordonn zot. A lavenir, maler pou tonm lo zot, akoz zot pou fer sa ki mal devan SENYER e provok son lakoler par zot bann aksyon.