Lamantasyon 1:2 - Labib An Kreol Seselwa

² I plere tou lannwit, larm i koule lo son lazou. Tou sa bann ki ti kontan li in abandonn li; napa personn pour konsol li. Tou son bann zanmi in trai li; zot in vin son lennmi.

Lamantasyon 1:2 ပူးပေါင်းရင်းမြစ်များ

Liv Zob 6:15

Mon bann frer, zot trai mwan parey en larivyer sek ki disparet.

Liv Zob 7:3

Mwan, mon konn zis bann mwan dan maler. Mon pas mon bann lannwit dan lapenn.

Psonm 126:5

Sa enn ki senm avek larm pou rekolte avek lazwa.

Psonm 31:11

Mon bann lennmi i ensilte mwan; mon bann vwazen i mepriz mwan; mon fer per bann ki konn mwan. Ler zot war mwan dan semen, zot sove.

Psonm 6:6

Mon fatige afors plennyen. Tou le swar, mon lili i mouye avek mon larm; afors mon plere, mon lili i tou tranpe.

Psonm 69:21

Zot donn mwan pwazon pour manze. Ler mon ti swaf, zot ti donn mwan vineg pour bwar.

Proverb 19:7

En pov i ganny deteste menm par son bann frer; Anplis, son bann zanmi i les li tonbe. Ler i apel zot pour koz avek zot, zot nepli la.

Zeremi 13:17

Si, akoz ou vantardiz, ou pa ekoute, mon pour al asiz dan mon kwen. Mon pou al pler bokou, akoz troupo SENYER pe ganny deporte.

Zeremi 2:25

Izrael! Fer atansyon ou pou fini san sandal e lagorz sek. Me ou dir: I'n tro tar pour mwan sanze; mon kontan bann bondye etranze mon pa kapab aret swiv zot.

Zeremi 3:1

La sa ki SENYER i deklare: Kan en zonm i divorse avek son fanm, e sa fanm i kit li pour en lot zonm, son mari pou kapab repran li ankor? Si i fer sa, pa i pe rann pei enpir? Sa ki Izrael in fer: In prostitye li avek en kantite lanmoure. Aprezan i oule retourn kot mwan!

Zeremi 30:14

Tou ou bann lanmoure in oubliy ou; zot nepli pran ka avek ou. Mon'n atak ou parey en lennmi i fer; mon'n pini ou san pitye, akoz ou bann fot i tre grav e ou'n fer en kantite pese.

Zeremi 4:30

Zerizalenm! Ou pe al ganny detri. Akfer ou'n met ou pli zoli rob rouz? Akfer ou'n met ou bann bizou annor? Akfer ou'n penn ou lizye pou fer ou zoli? Me tousala pa servi dan nanryen; ou bann lanmoure in rezet ou e zot oule touy ou.

Zeremi 9:1

Si zis mon latet ti en rezervwar delo e mon lizye en sours larm! Mon ti ava kapab plere lizour koman lannwit, pour bann viktim parmi mon pep.

Lamantasyon 1:19

Mon ti apel mon bann zanmi, me zot in les mwan tonbe. Mon bann pret ek mon bann konseye in mor dan lavil, letan zot ti pe rod keksoz pour manze, pour zot kapab repran zot lafors.

Lamantasyon 1:21

Zot in antann mwan plennyen; napa personn pour konsol mwan. Tou mon bann lennmi in antann mon maler e zot kontan sa ki ou'n fer avek mwan. Fer vini sa zour ki ou'n promet, pour ki zot osi, zot ava vin parey mwan.

Lamantasyon 1:9

Son lenpirte i lo son rob; i pa'n mazin son lavenir. In tonm tre ba; napa personn pour konsol li. Alor, i kriye: SENYER! Get mon soufrans, akoz mon lennmi in ganny laviktwar.

Lamantasyon 2:11

Mon lizye i fatige plere. Mon leker i boulverse, mon dan dezespwar. Lennmi in detri mon pep. Bann zanfan e bann pti baba pe mor lo bann semen dan lavil.

Ezekyel 16:37

mon pou rasanble tou ou bann galan avek ki ou'n ganny plezir, bann ki ou'n kontan ek bann ki ou pa'n kontan. Mon pou rasanble zot kont ou, sorti tou kote. Mon pou tir ou, touni devan zot e zot ava war ou touni.

Oze 2:7

I pou tay deryer son bann galan, me i pa pou zwenn zot. I pou rod zot, me i pa pou trouv zot. Alor, i ava dir: Mon pou retourn kot mon premye mari. Otrefwa, mon ti pli ere ki ozordi.

Mise 7:5

Pa bezwen fye lo ou zanmi, pa fer konfyans ou bann pros. Pa ouver ou labous avek sa fanm ki dormi dan ou lebra.

Revelasyon 17:13

Zot tou, zot annan menm lentansyon: Donn sa bebet zot pwisans ek zot pouvwar.

Revelasyon 17:16

Sa dis korn ki ou ti war ek sa bebet, pou ay sa prostitye. Zot pou depouy li avek tou sa ki i posede e kit li touni. Zot pou devor son laser e bril li avek dife.