Lamantasyon 1:17 - Labib An Kreol Seselwa

¹⁷ Siyon i lev lanmen, me napa personn pour konsol li. SENYER in donn lord bann vwazen pour atak Izrael par tou kote. Zerizalenm in vin en ta salte parmi zot.

Lamantasyon 1:17 ပူးပေါင်းရင်းမြစ်များ

1 Rwa 8:22

Apre, Salomon ti debout devan lotel SENYER. La, devan pep Izrael antye ki ti'n rasanble, i ti lev son lebra ver lesyel.

1 Rwa 8:38

si ou pep Izrael, oubyen nenport ki dimoun ki rekonnet son maler e soufrans dan son leker, i tournen e lev lanmen ver sa lakaz avek lapriyer ek siplikasyon;

2 Rwa 25:1

Dan nevyenm lannen son renny, dizyenm zour dizyenm mwan, Naboukodonozor, lerwa Babilonn, ti atak Zerizalenm avek tou son bann gerye. I ti anserkle li. Zot ti konstri bann lenstalasyon latak toultour lavil.

Eklezyas 4:1

Mon'n war tou bann eksplwatasyon imen ki egziste anba soley. Kriye bann ki ganny kraze e napa personn pour ed zot. Pouvwar i dan kote bann ki pe dominen e napa personn pour sekour zot

Ezai 1:15

Ler zot lev zot lanmen ver mwan, mon pou ferm mon lizye. Menm si zot fer bokou lapriyer, mon pa pou ekoute; zot lanmen i ranpli avek disan.

Ezai 54:11

Zerizalenm! Ou ki malere! Ou ki tanpet in sekwe e ki pa'n ganny okenn konsolasyon! Mon pe al ranplas ou fondasyon avek marb, e refer ou fondasyon avek pyer presyez.

Zeremi 12:9

Sa pep ki mon'n swazir, i parey en zwazo ki pe ganny atake par tou kote. Rasanble tou bann zannimo sovaz! Dir zot vin pran par dan festen!

Zeremi 15:5

Lekel ki pou pran pitye pour ou, Zerizalenm? Lekel ki pou sagren pour ou? Lekel ki pou deranz li pour vin pran ou nouvel?

Zeremi 16:6

Ris koman pov, pou mor dan sa pei. Personn pou anter zot oubyen met dey. Personn pa pou sizle son lapo, ni raz son latet pour montre son lapenn.

Zeremi 34:22

Mon pou donn lord ki zot retournen e atak sa lavil, SENYER i deklare. Enn fwa ki zot kaptir sa lavil, zot pou met dife ladan. Mon pou devaste bann lavil dan Zida e fer zot vin parey en landrwa devaste, san zabitan.

Zeremi 4:31

Annefe, mon'n antann kriye konmsi en manman ti pe ganny son premye baba. Sa ti Zerizalenm ki ti pe kriye pour esey pran respirasyon. Lanmen anler, i pe kriye: Maler i lo mwan! Zot pe vin touy mwan!

Zeremi 6:3

Bann berze pe arive avek zot troupo. Sakenn pou pik son latant toultour li, sakenn i donn manze bann mouton.

Zeremi 8:18

Napa okenn remed pour geri mon lapenn. Mon leker i fer mal.

Lamantasyon 1:16

Se pour sa bann rezon ki mon pe plere. Mon lizye pe noye dan larm, akoz mon konsolater, sa enn ki kapab redonn mwan lavi, in abandonn mwan. Napa okenn lavenir pour mon bann zanfan, akoz lennmi in ranport laviktwar.

Lamantasyon 1:19

Mon ti apel mon bann zanmi, me zot in les mwan tonbe. Mon bann pret ek mon bann konseye in mor dan lavil, letan zot ti pe rod keksoz pour manze, pour zot kapab repran zot lafors.

Lamantasyon 1:2

I plere tou lannwit, larm i koule lo son lazou. Tou sa bann ki ti kontan li in abandonn li; napa personn pour konsol li. Tou son bann zanmi in trai li; zot in vin son lennmi.

Lamantasyon 1:21

Zot in antann mwan plennyen; napa personn pour konsol mwan. Tou mon bann lennmi in antann mon maler e zot kontan sa ki ou'n fer avek mwan. Fer vini sa zour ki ou'n promet, pour ki zot osi, zot ava vin parey mwan.

Lamantasyon 1:8

Zerizalenm in fer bokou pese; in sali son lekor. Tou dimoun ki ti annan respe pour li, pe mepriz li aprezan, akoz zot in war son touni. Li menm i onte e i kasyet son figir.

Lamantasyon 1:9

Son lenpirte i lo son rob; i pa'n mazin son lavenir. In tonm tre ba; napa personn pour konsol li. Alor, i kriye: SENYER! Get mon soufrans, akoz mon lennmi in ganny laviktwar.

Lamantasyon 4:15

Dimoun ti kriye: Sorti la! Enpir! Ale! Sorti! Sorti! Pa tous personn! Ensi, zot ti vin bann egzile e zot ti eran. Dimoun i dir parmi bann nasyon: Zot pou nepli reste parmi nou.

Ezekyel 36:17

Ou ki en imen, ekoute! Kan pep Izrael ti ankor pe viv dan son pei, i ti fer sa pei vin enpir par son konportman ek son bann aksyon. Son kondwit ti enpir parey disan en fanm dan son reg.

Oze 8:8

Izrael in ganny anvale. Aprezan, parmi bann nasyon, i parey en lobze san valer.