Lamantasyon 1:16 - Labib An Kreol Seselwa

¹⁶ Se pour sa bann rezon ki mon pe plere. Mon lizye pe noye dan larm, akoz mon konsolater, sa enn ki kapab redonn mwan lavi, in abandonn mwan. Napa okenn lavenir pour mon bann zanfan, akoz lennmi in ranport laviktwar.

Lamantasyon 1:16 ပူးပေါင်းရင်းမြစ်များ

Psonm 106:42

Lennmi ti kraz zot e soumet zot anba zot pouvwar.

Psonm 119:136

Mon larm i koule parey en larivyer, akoz dimoun pa obei ou lalwa.

Psonm 69:20

Mon leker i fermal afors ganny ensilte; mon dan dezespwar. Mon vin rod senpati, me personn pa pran pitye pour mwan, personn pa'n vin rekonfort mwan.

Eklezyas 4:1

Mon'n war tou bann eksplwatasyon imen ki egziste anba soley. Kriye bann ki ganny kraze e napa personn pour ed zot. Pouvwar i dan kote bann ki pe dominen e napa personn pour sekour zot

Ezai 54:11

Zerizalenm! Ou ki malere! Ou ki tanpet in sekwe e ki pa'n ganny okenn konsolasyon! Mon pe al ranplas ou fondasyon avek marb, e refer ou fondasyon avek pyer presyez.

Zeremi 13:17

Si, akoz ou vantardiz, ou pa ekoute, mon pour al asiz dan mon kwen. Mon pou al pler bokou, akoz troupo SENYER pe ganny deporte.

Zeremi 14:17

La sa ki ou ava dir lepep: Mon lizye i ranpli avek larm nwit e zour; mon pa aret plere, akoz mon pep ki mon kontan parey mon fiy in soufer en kantite. Son blesir i vreman grav.

Zeremi 15:5

Lekel ki pou pran pitye pour ou, Zerizalenm? Lekel ki pou sagren pour ou? Lekel ki pou deranz li pour vin pran ou nouvel?

Zeremi 8:18

Napa okenn remed pour geri mon lapenn. Mon leker i fer mal.

Zeremi 9:1

Si zis mon latet ti en rezervwar delo e mon lizye en sours larm! Mon ti ava kapab plere lizour koman lannwit, pour bann viktim parmi mon pep.

Zeremi 9:10

Mon pou lamante lo bann montanny e plere pour bann laplenn, akoz zot in ganny brile. Personn pa pase e nepli annan tapaz bann troupo. Zwazo ek zannimo sovaz in ale; pa reste nanryen.

Zeremi 9:21

Lanmor in mont kot nou par lafnet; in antre dan nou zoli lakaz; i'n pran bann zanfan dan lari, ek bann zennzan dan bann plas piblik.

Lamantasyon 1:2

I plere tou lannwit, larm i koule lo son lazou. Tou sa bann ki ti kontan li in abandonn li; napa personn pour konsol li. Tou son bann zanmi in trai li; zot in vin son lennmi.

Lamantasyon 1:9

Son lenpirte i lo son rob; i pa'n mazin son lavenir. In tonm tre ba; napa personn pour konsol li. Alor, i kriye: SENYER! Get mon soufrans, akoz mon lennmi in ganny laviktwar.

Lamantasyon 2:11

Mon lizye i fatige plere. Mon leker i boulverse, mon dan dezespwar. Lennmi in detri mon pep. Bann zanfan e bann pti baba pe mor lo bann semen dan lavil.

Lamantasyon 2:18

Zerizalenm! Les ou miray kriy ver SENYER! Lannwit koman lizour, les ou larm koule parey en toran. Kontinyen plere menm; pa pran okenn repo.

Oze 9:12

Menm si zot fer grandi zot zanfan, mon pou pran zot tou, san les en sel. Maler lo zot kan mon kit zot!