Lamantasyon 1:12 - Labib An Kreol Seselwa

¹² Zot ki pas par la, zot pa konpran ki personn pa'n soufer otan parey mwan? SENYER li menm, ki'n anvoy sa soufrans dan letan son gran lakoler.

Lamantasyon 1:12 ပူးပေါင်းရင်းမြစ်များ

Psonm 88:16

Dife ou lakoler in pas lo mwan; ou bann latak in detri mwan.

Ezai 13:13

Alor, mon pou fer lesyel tranble. Later pou ganny sekwe lo son fondasyon devan lakoler SENYER liniver, dan sa zour terib.

Zeremi 10:19

Lepep ki reste Zerizalenm i kriye: En gran katastrof in tonm lo nou. Blesir ki nou ti krwar nou ti ava kapab andire, pa pou geri.

Zeremi 18:16

Zot in telman devaste pei, ki tou dimoun ki pas par la i soke e sekwe latet.

Zeremi 30:23

Lakoler SENYER i arive parey en tanpet, en siklonn ki pe soufle an tourbiyon lo latet bann malfeter.

Zeremi 30:24

Sa lakoler vyolan ki sorti kot SENYER, pa pou arete tan ki tou sa ki i'n deside, pa ganny realize. Plitar, zot ava konpran sa.

Zeremi 30:7

Maler! En zour terib pe vini; en zour ki ou pa kapab konpare. I en letan detres pour Zakob! Me i pou ganny delivre.

Zeremi 4:8

Pour sa rezon, met zot lenz dey; plere, lamante, akoz SENYER pe devers son gran lakoler lo zot.

Zeremi 48:27

Moab! Ou ti abitye mepriz pep Izrael. Ou ti sanble pran li pour en voler. Annefe, sak fwa ki ou ti koz lo li, ou ti sekwe ou latet avek degou.

Lamantasyon 1:18

SENYER ti annan rezon azir konmsa anver mwan, akoz mon'n revolte kont son komannman. Tou bann pep! Ekout mwan: Get mon soufrans. Mon bann zenn fiy ek mon bann zennzan in ganny anvoye annegzil.

Lamantasyon 2:1

Dan son lakoler, SENYER in met Zerizalenm anba en nyaz. Depi lesyel, in zet ater, sa ki ti fer splander Izrael. Zour son lakoler, SENYER pa ti ni menm mazin landrwa kot i poz son lipye.

Lamantasyon 2:13

Zerizalenm! Ki mon kapab dir dan ou faver? Avek ki mon kapab konpar ou? Ki mon kapab fer pour konsol ou? Zanmen personn in soufer parey ou. Dezas ki ou'n pas ladan i osi gran ki losean. Lekel ki pou kapab geri ou?

Danyel 9:12

Bondye in akonpli sa ki i ti dir kont nou e kont bann sef ki gouvern nou; i'n anvoy lo nou, dan Zerizalenm, sa pli gran maler ki pa'n zanmen deza arive anba lesyel.

Zoel 2:2

En zour fernwanr ek brouyar, en zour avek nyaz epe ki kouver montanny. En gran larme zensek, nonbre e for, ki nou pa'n zanmen war, pe vini. Zanmen en keksoz parey in deza arive, e i pa pou zanmen ariv ankor dan lavenir.

Matye 24:21

Annefe, sa pou en letan gran soufrans, pli terib ki'n deza arive depi konmansman lemonn ziska konmela, i ki pa pou zanmen ariv ankor.