Habakouk 3:19 - Labib An Kreol Seselwa

¹⁹ BONDYE i mon Senyer, li menm mon lafors: I rann mon lipye parey lipye gazel; i fer mwan taye e sote lo bann oter. Pour sef lakoral: Avek bann lenstriman lakord.

Habakouk 3:19 ပူးပေါင်းရင်းမြစ်များ

2 Samyel 2:18

Ti annan la sa trwa garson Serouya: Zoab, Abisai ek Asael. Asael ti rapid parey enn sa bann gazel ki taye dan lakanpanny.

2 Samyel 22:34

I fer mwan taye parey en serf e met mwan debout lo montanny.

Psonm 18:1

SENYER! Mon kontan ou. Ou menm mon lafors.

Psonm 18:32

Bondye ki ranpli mwan avek lafors e i met mwan lo bon semen.

Psonm 18:33

I fer mwan taye parey en serf e met mwan debout lo montanny.

Psonm 18:34

I antrenn mwan pour konba; i ed mwan redi en fles an bronz.

Psonm 27:1

SENYER i mon lalimyer e mon sover. Lekel ki mon pou per? SENYER i mon protekter kont tou danze. Mon pa pou zanmen per.

Psonm 46:1

Bondye i pour nou en labri e en sekour. I touzour avek nou dan letan maler.

Psonm 54:1

Mon Bondye! Par ou pwisans, sov mwan. Par ou lafors, pran desizyon dan mon faver.

Kantik Salomon 2:7

Fiy Zerizalenm! Mon sipliy zot: Par bann gazel ek bann pti kabri an liberte, pa deranze, pa revey lanmour avan ki i pare.

Ezai 12:2

Bondye i mon sover. Mon pou fer li konfyans, mon pa pou per, akoz Senyer BONDYE i mon lafors e mon pwisans. Li menm ki sov mwan.

Ezai 45:24

Zot pou dir lo mwan: Zis SENYER ki annan lazistis ek pwisans. Tou sa bann ki ti ankoler kont mwan pou retourn ver mwan dan laont.

Ezai 58:14

alor, ou pou trouv lazwa dan SENYER, e mon pou fer ou vwayaz an triyonf; mon pou nouri ou avek patrimwann ou zanset Zakob. Labous SENYER ki'n koze.

Ezekyel 36:2

La sa ki Senyer BONDYE i deklare: Lennmi Izrael ti dir an riyan: Aprezan, sa bann vye montanny in vin pour nou.

Zakari 10:12

Zot pou met zot lafors dan SENYER e zot pou mars anba son non. SENYER ki deklare.

Efezyen 3:16

Mon priy Bondye ki, dan larises son laglwar, i fortifye zot par pwisans son Lespri,

Deterononm 32:13

I ti plas li lo oter pei e fer li manz prodwi pei. I ti fer li manz dimyel sorti dan ros avek delwil sorti dan ros granit;

Deterononm 33:29

Izrael! Ou byennere. Lekel ki parey ou? En pep ki SENYER in sove; ou boukliye ki sekour ou ou lepe ki donn ou laviktwar. Ou bann lennmi pou kourbe devan ou; ou pou mars lo zot.

Filipyen 4:13

Mon kapab fer fas avek tou difikilte gras a Kris ki donn mwan lafors.

Kolosyen 1:11

Nou demann Bondye pour fortifye zot par pwisans son mazeste, pour ki zot ava kapab siport tou avek pasyans.