Habakouk 3:18 - Labib An Kreol Seselwa

¹⁸ Sepandan, mon pou dan lazwa akoz SENYER; mon pou zwaye akoz Bondye i mon sover.

Habakouk 3:18 ပူးပေါင်းရင်းမြစ်များ

2 Samyel 6:15

David ek tou pep Izrael ti fer monte Kof SENYER avek laklamasyon ek lanmizik tronpet.

Liv Zob 13:15

I kapab touy mwan, mon napa nanryen pour perdi. Me mon pou defann mwan devan li.

Psonm 104:34

Mon swete ki mon parol i fer li plezir. Mon rezoui dan SENYER.

Psonm 149:2

Izrael! Montre ou lazwa akoz ou Kreater. Zabitan Zerizalenm! Selebre zot lerwa.

Psonm 25:5

Gid mwan, ansenny mwan dan ou laverite. Ou menm Bondye ki sov mwan. Mon kont lo ou tou le zour.

Psonm 27:1

SENYER i mon lalimyer e mon sover. Lekel ki mon pou per? SENYER i mon protekter kont tou danze. Mon pa pou zanmen per.

Psonm 33:1

Zot ki zis! Sant an loner SENYER. Zot ki drwat! I bon pour zot loue li.

Psonm 85:6

Eski ou pa pou fer nou reviv e fer ou pep retrouv son lazwa?

Psonm 97:12

Ou ki obei SENYER! Reste dan lazwa. Sant bann louanz pour son non sen!

Egzod 15:1

Alor, Moiz avek pep Izrael ti sante an loner SENYER: Mon pou sant pour SENYER; in montre son grander dan en tre gran laviktwar. I'n zet seval ek son kavalye dan lanmer.

Egzod 15:2

SENYER i mon lafors ek mon pwisans. Li menm mon sover. Li menm mon Bondye, mon pou loue li. Li menm Bondye mon zanset; mon pou loue li.

Ezai 12:2

Bondye i mon sover. Mon pou fer li konfyans, mon pa pou per, akoz Senyer BONDYE i mon lafors e mon pwisans. Li menm ki sov mwan.

Ezai 25:9

Sa zour, dimoun pou dir: Li menm li nou Bondye; nou'n esper li. In vin sov nou. Li menm SENYER ki nou ti pe espere. Annou selebre! Annou rezouir! I'n sov nou.

Ezai 41:16

Ou pou vann zot e zot pou anvole dan divan; tanpet pou dispers zot. Apre sa, ou pou dan lazwa akoz SENYER; ou pou met ou lafyerte dan Bondye sen Izrael.

Ezai 61:10

Mon pou rezoui dan SENYER. Tou mon leker pou dan lazwa dan mon Bondye, akoz in abiy mwan dan lenz delivrans, in kouver mwan avek rob lazistis, parey en nouvo marye, parey en pret avek son zoli lornman, parey en nouvel marye dan tou son bann bizou.

Zoel 2:23

Zot bann zabitan Siyon! Rezoui dan SENYER, zot Bondye. In fer tonbe lapli apre lasesres; in fer tonbe lapli annabondans: Lapli pour sak sezon, parey avan.

Mise 7:7

Mwan, mon pou tourn ver SENYER, mon pou esper Bondye, mon sover. Mon Bondye pou antann mwan.

Zakari 10:7

Apre sa, bann zabitan Efraim pou vin parey bann vayan gerye. Zot leker pou dan lazwa parey kan ou'n bwar diven. Zot bann zanfan pou kontan kan zot ava war sa; zot leker pou dan lazwa akoz SENYER.

Levanzil dapre Lik 2:30

Annefe, mon lizye in war ou delivrans

Deterononm 12:18

Ou ava manz sa bann keksoz dan prezans SENYER, ou Bondye, la kot SENYER, ou Bondye ava swazir, ou, avek ou bann garson ou bann fiy, ou bann serviter ek ou bann servant, avek bann levit ki reste dan ou bann lavil. Dan prezans SENYER, ou Bondye, zot ava zouir ansanm pour tou son bann travay.

Filipyen 4:4

Reste touzour dan lazwa, ini avek Senyer. Mon repete: Reste dan lazwa.

Let Zak 1:2

Mon bann frer! Aksepte avek bonker, tou bann leprev ki zot pas ladan.

1 Pyer 1:8

Zot kontan li, menm si zot pa'n zanmen war li. Zot krwar dan li, menm si zot pa ankor war li. Pour sa rezon, zot dan en lazwa si gran ki pa kapab ganny eksprimen par parol.

1 Samyel 2:1

Ann ti priye. I ti dir: SENYER i ranpli mon leker avek lazwa, SENYER in fer mwan lev mon latet. Aprezan, mon kapab defye mon bann lennmi; mon dan lazwa, akoz SENYER in sov mwan.