Habakouk 3:16 - Labib An Kreol Seselwa

¹⁶ Mon tande e mon tranble dan mwan menm; sa tapaz i fer mon lalev tranble; mon bann lezo pe pouri; mon lazanm i tranble. Dan silans, mon atann zour maler, pour fer fas avek sa pep ki vin atak nou.

Habakouk 3:16 ပူးပေါင်းရင်းမြစ်များ

Liv Zob 30:17

Aswar, tou mon lezo i fer mal; sa douler i lanse, e anpes mwan dormi.

Liv Zob 30:30

Mon lapo in vin nwanr e i pe deplise; lafyev pe bril mwan ziska dan mon lezo.

Psonm 119:120

Mon lekor i ganny frison akoz respe devan ou. Ou bann desizyon i fer mwan per.

Psonm 91:15

Kan i ava kriy ver mwan, mon pou reponn li. Dan son maler, mon pou la avek li; mon pou sov li e fer li loner.

Proverb 12:4

En bon fanm i fer lafyerte son mari; me en fanm ki fer onte, i parey en maladi dan lezo son mari.

Proverb 14:30

En lespri trankil i favoriz lasante; me lapasyon i ronz lekor.

Ezai 21:3

Pour sa rezon ki mon leren i fer mal; douler in pran mwan parey douler lakousman. Mon tro dekouraze pour mwan tande. Mon tro per pour mwan gete.

Zeremi 23:9

La sa ki SENYER i deklare lo size bann profet: Mon leker i fer mal. Tou mon lekor pe tranble. Mon parey en zonm sou, en zonm ki'n tro bwar, akoz tou sa ki SENYER in fer, akoz bann parol ki i'n dir mwan.

Zeremi 30:7

Maler! En zour terib pe vini; en zour ki ou pa kapab konpare. I en letan detres pour Zakob! Me i pou ganny delivre.

Zeremi 4:19

Zot! Mon vant i fer mal. I vreman fer mal! Mon leker pe palpit anmor. Mon pa kapab reste trankil. Mon bezwen koze. Mon antann tronpet pe soufle ek bann tapaz lager.

Zeremi 5:15

Zabitan Izrael! Mon pe anvoy kont ou, en pep ki sorti lwen. I pou atak ou. I en pep for e ansyen ki pa'n zanmen perdi okenn lager. Zot pa ni konn son langaz, ni kapab konpran li.

Lamantasyon 1:13

Depi lao dan lesyel, in anvoy dife ki'n penetre mon lezo. I'n met en latrap anba mon lipye e i'n fer mwan savire. I'n abandonn mwan; mon douler pa zanmen fini.

Lamantasyon 1:20

SENYER! Gete dan ki maler mon ete; gete koman mon boulverse; mon leker i fer mal akoz mon'n revolte kont ou. Deor, dimoun pe ganny masakre. Dan lakaz, ou war zis lanmor.

Ezekyel 3:14

Lespri ti soulev mwan e anmenn mwan. Mon ti irite e ofanse, me lanmen SENYER ti pez for lo mwan.

Danyel 10:8

Alor, mon ti reste tousel pour get sa vizyon enpresyonnan. Mon lafors ti kit mwan, e mon figir ti sanz kouler e vin tre pal, mon ti nepli annan lafors.

Danyel 10:9

Mon ti antann son lavwa; mon ti antann son lavwa e mon ti tonm san konnesans, lafas ater.

Danyel 8:27

Mwan Danyel, mon ti feb e malad pandan plizyer zour. Apre, mon ti leve e repran mon travay kot lerwa. Mon ti reste boulverse akoz sa vizyon; mon pa ti konpran li.

Habakouk 3:2

SENYER! Mon'n antann koz lo ou bann mervey. SENYER! Mon tranble devan ou bann gran aksyon. Pandan ki nou ankor vivan, fer ankor sa bann mervey. Fer zot ganny konnen! Me dan ou lakoler, pa oubliy ou konpasyon.

Levanzil dapre Lik 21:19

Par zot perseverans, zot ava sov zot lavi.”