Habakouk 3:11 - Labib An Kreol Seselwa

¹¹ Soley ek lalin i reste san bouze devan lalimyer ou bann dart, devan zekler ou bann lans.

Habakouk 3:11 ပူးပေါင်းရင်းမြစ်များ

Psonm 19:4

Me zot mesaz i ganny tande partou lo later. Zot parol i fer letour lemonn. Bondye in dres en latant pour soley.

Ezai 28:21

Akoz SENYER pou leve parey lo montanny Perazim, i pou pran lakoler parey dan vale Gabaon, pour li fer son travay, en drol kalite travay! E pour fini sa travay, en travay ekstraordiner!

Ezai 38:8

Mon pou fer lonbraz ki lo kadran soley retourn 10 degre. Annefe, soley ti retourn 10 degre an aryer lo sa ki i ti'n deza kouver.

Ezai 49:2

In fer mon labous parey en lepe ki byen fite; in kasyet mwan dan lonbraz son lanmen; in fer mwan vin parey en dart byen pwenti; in protez mwan dan son sak fles.

Nahoum 3:3

Bann kavalye i atake, avek lepe ek lans ki zot fer klate. I annan en kantite blese, en ta lekor mor. Kadav i partou, bann gerye i per lekilib lo zot!

Habakouk 3:9

Ou prepar ou fles; ou bann parol i parey bann dart. Ou fer later ouver e larivyer i aparet.

Zakari 9:14

Apre sa, SENYER pou aparet par lao zot e son fles pou sorti parey zekler. Senyer BONDYE pou soufle tronpet. I pou avanse dan tanpet sorti dan Sid.