Habakouk 3:10 - Labib An Kreol Seselwa

¹⁰ Bann montanny i war ou, zot tranble avek lafreyer. Lapli i tonm avek lafors; losean i ronfle. I anvoy son laroul anler.

Habakouk 3:10 ပူးပေါင်းရင်းမြစ်များ

Nehemi 9:11

Ou ti ouver lanmer devan zot; zot ti travers lanmer lo later sek. Me bann ki ti pe pourswiv zot, ou ti anglouti dan profonder, parey en ros ki tonm dan fon lanmer.

Psonm 104:32

I get later, e later in tranble; i tous bann montanny e zot ganny kouver avek lafimen.

Psonm 148:7

Loue SENYER depi lo later: Zot tou bann mons ki viv dan lanmer e lezot ki viv dan profonder losean;

Psonm 18:15

SENYER! Devan ou bann menas, devan tanpet ou lakoler, fon lanmer ti aparet e fondasyon later ti ganny ekspoze.

Psonm 65:13

Laplenn i ranpli avek bann troupo. Bann vale i kouver avek dible. Zot kriye e sante dan lazwa.

Psonm 66:6

In fer lanmer vin later sek; dimoun ti travers larivyer apye. Alor, nou ti fer lafet.

Psonm 93:3

SENYER! Lanmer in monte; fon lanmer in lev son lavwa; fon lanmer i fer fraka.

Ezai 43:20

Bann zannimo sovaz pou loue mwan; sakal ek lotris pou onor mwan, akoz mon'n fer delo koule dan dezer e larivyer dan landrwa sek, pour ki mon pep ki mon'n swazir ava kapab bwar.

Ezai 55:12

Zot pou sorti dan lazwa e retourn dan lape. Devan zot, bann montanny ek bann kolin pou sant lazwa e tou pye dibwa ki dan bann laplenn pou bat lanmen.

Zeremi 4:24

Mon ti gete: Bann montanny ti pe tranble, e bann kolin ti pe sekwe.

Mise 1:4

Bann montanny pou fonn anba son lepa, e bann vale pou ouver. Zot pou fonn parey lasir devan dife, parey delo ki koule lo en lapant.

Nahoum 1:5

I fer tranble bann montanny, e fer fonn bann kolin. Dan son prezans, later i boulverse, e lemonn antye avek tou son zabitan.

Habakouk 3:6

Kan i arete, later i tranble. I get bann nasyon, zot tranble. Bann montanny ansyen i fann an de; bann kolin ek bann santye ki la depi lontan, zot afese; zot ki otrefwa ti son semen.

Matye 27:51

Alor, rido dan Tanp ti desir an de, depi anler ziska anba. Later ti tranble, bann gro ros ti fann.

Matye 8:24

En sel kou, en gro divan ti leve lo lak. Divan ti sitan for, ki kannot ti preski kouver avek laroul. Me Zezi ti pe dormi.

Ebre 11:29

Par lafwa, pep Izrael ti travers lanmer Rouz konmsi ti later sek. Me kan bann Ezipsyen ti esey fer parey, zot tou, zot ti noye.

Zozye 4:18

Ler bann pret ki ti pe anmenn Kof Lalyans SENYER ti sorti dan milye larivyer Zourden, e koman zot ti lev zot lipye pour al dan direksyon later, delo larivyer Zourden ti rekonmans koule e deborde lo sak kote, parey avan.

Revelasyon 16:12

Sizyenm lanz ti devers son lakoup lo sa gran larivyer Efrat. Son delo ti sek pour prepar en semen pour bann lerwa ki sorti dan Les.

Revelasyon 20:11

Apre, mon ti war en gran tronn blan e sa enn ki ti pe asiz lo la. Later ek lesyel ti disparet devan li; ti napa plas ankor pour zot.

Revelasyon 6:14

Lesyel ti disparet parey en roulo ki en dimoun i roule, e tou bann montanny ek bann zil ti ganny deplase.