Habakouk 2:7 - Labib An Kreol Seselwa

⁷ Eski dimoun ki ou dwa pa pou aparet en sel kou? Eski bann ki fer ou tranble pa pou leve en sel kou? Aprezan i zot tour, zot pou depouy ou!

Habakouk 2:7 ပူးပေါင်းရင်းမြစ်များ

Proverb 29:1

Sa enn ki ganny averti me ki rezenbe pour ganny tape en sel kou e san remed.

Eklezyas 10:8

Sa enn ki fouy en trou i riske tonm ladan e sa enn ki kas en miray i riske ganny morde par en serpan.

Ezai 11:13

Efraim pou nepli zalou, bann lennmi Zida pou ganny detri. Efraim pou nepli zalou Zida e Zida pou nepli lennmi Izrael.

Ezai 41:25

Mon'n apel en zonm sorti dan Nor; i'n arive sorti Les. In ganny apele par son non. I pou kraz bann dirizan parey labou; parey en potye i kraz larzil.

Ezai 46:11

Mon apel en zwazo rapas ki dan Les. En zonm ki sorti dan en pei lwenten, pour egzekit mon bann proze. Sa ki mon prozete, mon pou fer li.

Ezai 47:11

Me maler pou tonm lo ou san ki ou pou kapab eparny li. Dezas pou tonm lo ou e ou pa pou kapab evit li. Ou pou tonm dan larin en sel kou, san ki ou annan okenn lide.

Zeremi 51:11

Fit zot bann fles! Ranpli zot sak! SENYER in revey bann lerwa Med pour egzekit son plan pour li detri Babilonn. Konmsa ki i pou revanze kont sa bann dimoun ki ti detri son tanp.

Zeremi 51:57

Mon pou soul son bann sef, son bann saz, son bann gouverner, son bann gerye. Zot pou al dormi pour touzour e zot pa pou zanmen lev ankor, sa enn ki Lerwa, ki apel SENYER liniver i deklare.

Zeremi 8:17

SENYER i deklare: La mon pe anvoy tou kalite serpan kont zot. Personn pa pou kapab kontrol zot; zot pou ganny morde.

1 Tesalonisyen 5:3

Kan dimoun ava pe dir: Tou i anpe e an sekirite, alor en sel kou, destriksyon pou tonm lo zot, parey douler lakousman ki sezi en fanm ansent, e personn pa pou sape.