Habakouk 2:4 - Labib An Kreol Seselwa

⁴ I gonfle avek lorgey, i pa fer sa ki drwat. Me sa enn ki zis, pou viv par son lafwa.

Habakouk 2:4 ပူးပေါင်းရင်းမြစ်များ

Psonm 49:18

Ler zot ti vivan, zot ti vant zot lekor e dimoun ti felisit zot pour zot byennet.

Ezai 13:11

Mon pou pini lemonn pour son mesanste e bann move dimoun pour zot krim. Mon pou met en lafen avek dimoun ki arogan. Mon pou tenny lorgey bann diktater.

Ezekyel 18:9

I obei mon lalwa e swiv mon bann regleman avek fidelite. Sa i en zonm zis e i pou viv. Senyer BONDYE ki'n deklare.

Danyel 11:12

Avek son laviktwar lo sa gran larme, leker lerwa Sid pou ranpli avek lorgey. I pou touy plizyer milye gerye, me son laviktwar pa pou dire.

Danyel 4:30

I ti dir: La sa gran Babilonn ki mon'n konstri pour mon rezidans! Mon'n fer li par mon lafors, par mon pwisans, pour mon loner e mon laglwar!

Danyel 4:37

Aprezan mwan, Naboukodonozor, mon loue e mon elev lerwa lesyel! Akoz tou son bann mervey i vre e son bann aksyon i zis. I annan pouvwar abes bann ki ranpli avek lorgey.

Levanzil dapre Lik 18:14

Mon dir zot, sa kolekter taks ti retourn kot li son pese pardonnen, me pa sa Farizyen. Annefe, tou dimoun ki esey pas pour pli enportan, pou ganny abese e bann ki abes zot, pou vin pli enportan.”

Levanzil dapre Zan 3:36

Sa enn ki krwar dan son Garson, i ganny lavi eternel. Sa enn ki pa obei son Garson pa pou ganny sa lavi, me i ekspoz li anba lakoler Bondye.”

Romen 1:17

Annefe, Bonn Nouvel i revele koman Bondye i rann bann imen zis devan li: Sa i selman par lafwa depi konmansman ziska lafen, parey Lekritir i deklare: Sa enn ki zis, pou viv par lafwa.

Galat 2:16

Nou konnen ki en dimoun pa ganny zistifye devan Bondye an pratikan sa ki Lalwa Moiz i ordonnen, me par lafwa dan Zezi-Kri. Nou osi nou'n krwar dan Zezi-Kri, pour ki nou ganny zistifye par lafwa dan Kris, e non pa akoz nou pratik tou sa ki Lalwa Moiz i ordonnen. Annefe, personn pa pou ganny zistifye akoz i pratik sa ki Lalwa Moiz i ordonnen.

2 Tesalonisyen 2:4

Li menm sa lennmi ki pou kont tou sa ki zonm i adore, e ki'n ganny konsakre pour Bondye. I pou menm enstal li dan Tanp Bondye e fer li pas pour Bondye.

Ebre 10:38

Me sa enn ki zis, pou viv par lafwa. Mon pa pran plezir avek sa enn ki retourn annaryer.

1 Pyer 5:5

Demenm, zot bann zennzan! Obei bann ki pli aze ki zot. Montre bokou limilite dan zot relasyon avek kanmarad. Annefe, Lekritir i deklare: Bondye i kont bann orgeye, me i bon anver bann ki annan limilite.