Habakouk 2:2 - Labib An Kreol Seselwa

² SENYER ti reponn mwan. I ti dir: Ekri sa vizyon; ekri li lo bann plak pour kapab lir li fasilman.

Habakouk 2:2 ပူးပေါင်းရင်းမြစ်များ

Ezai 30:8

Ale aprezan! Ekri sa devan zot lo en lafis; ekri li dan en liv, pour ki a lavenir, i ava reste koman en temwen pour touzour.

Ezai 8:1

SENYER ti dir mwan: Pran en gran tablo; ekri lo la avek bann gran let: Depese al fer piyaz.

Zeremi 30:2

La sa ki SENYER, Bondye Izrael i deklare: Ekri dan en liv tou sa ki mon'n dir ou.

Danyel 12:4

Me ou, Danyel, gard sekre sa bann parol e kaste sa liv ziska letan lafen. Dan sa lepok, bokou pou esey konpran e zot konnesans pou ogmante.

Danyel 7:1

Pandan premye lannen renny Baltazar, lerwa Babilonn, Danyel ti ganny en rev. I ti war en vizyon pandan ki i ti pe dormi lo son lili. I ti ekri sa rev. La sa ki i ti ekri:

Romen 15:4

Tou sa ki'n ganny ekri dan lepase in ganny ekri pour enstrir nou, pour ki par perseverans ek lankourazman ki Lekritir i donnen, nou posed lesperans.

1 Korentyen 14:19

Me devan en lasanble dan legliz, mon prefere dir senk parol ki dimoun i konpran, pour ansenny lezot, plito ki dir 10,000 mo dan en lalang ki zot pa konpran.

2 Korentyen 3:12

Akoz nou annan en tel lesperans, ki nou annan konfyans.

Deterononm 27:8

Ou ava grav lo sa bann ros, dan en fason byen kler, tou bann parol sa lalwa.

Deterononm 31:19

Aprezan alor, ekri sa kantik ki bann Izraelit ava aprann parker. Met son bann parol dan zot labous pour ki i vin en temwen kont bann Izraelit.

Deterononm 31:22

Sa menm zour, Moiz ti ekri sa kantik ki i ti ansenny bann Izraelit.

Revelasyon 14:13

Mon ti antann en lavwa sorti dan lesyel ki ti dir: Ekri: Byennere aprezan, bann dimoun ki mor an kominyon avek Senyer! Lespri i dir: Wi! Zot kapab repoze apre zot travay, akoz zot bann aksyon i swiv zot.

Revelasyon 19:9

Alor, lanz ti dir mwan: Ekri: Byennere, bann ki ganny envite pour festen maryaz Zenn Mouton. I ti azoute: Sa i bann vre Parol Bondye.