Habakouk 2:19 - Labib An Kreol Seselwa

¹⁹ Maler lo ou ki dir avek en morso dibwa: Leve e ki dir avek en stati an ros: Reveye! Eski i kapab ansennyen? I en stati kouver avek lor ek larzan, me i napa okenn souf lavi dan li.

Habakouk 2:19 ပူးပေါင်းရင်းမြစ်များ

Psonm 135:15

Zidol bann nasyon in ganny fer avek larzan e avek lor; zot in ganny fabrike par lanmen zonm.

Psonm 135:17

zot annan zorey, me zot pa tande. Napa okenn respirasyon dan zot labous.

Psonm 97:7

Zot devre onte, zot ki ador zidol, zot ki fyer avek zot bann zidol initil. Tou sa bann zidol i prosternen devan SENYER.

Ezai 26:14

Zot in mor, zot pa pou reviv, zot zis lonbraz e zot pa pou releve, akoz ou'n pini zot e ou'n detri zot; zot in ganny oubliye.

Ezai 40:19

En zidol? En artizan ki donn li en laform, en lorfev ti kouver li avek lor e moul bann kolye annarzan pour met li.

Ezai 41:26

Lekel ki'n anons sa depi konmansman pour ki nou kapab konnen? Lekel ki'n anonse depi lontan davans pour nou dir: Wi! I vre! Napa personn ki'n anonse, napa personn ki'n fer nou tande, napa personn ki'n antann ou parol.

Ezai 44:17

Avek leres dibwa, i fer en bondye, son zidol. I azenou devan li e ador li; i priy avek li e i dir: Sov mwan, akoz ou ki mon bondye!

Ezai 46:6

I annan ki gaspiy lor ki dan zot pos, ki pez larzan dan balans. Zot pey en lorfev pour li fer en bondye. Apre, zot tonm devan li e ador li.

Ezai 57:6

Parmi bann ros poli dan vale, sanmenm sa par ki vin pour zot. Zot in ofer sakrifis labwason; zot in anmenn sakrifis sereal. Eski zot krwar ki tousala i kapab apez mwan?

Zeremi 10:14

Zot tro bet e zot pa konpran nanryen ditou. Bann fabrikan zidol i kanmi, akoz sa bann stati ki zot fer i fo; zot napa okenn lavi.

Zeremi 10:3

Koutim sa bann nasyon napa valer. Zot koup en pye dibwa dan lafore; e en artizan i travay li avek en sizo.

Zeremi 10:4

Sa i ganny dekore avek larzan ek lor. Avek en marto, i fikse en klou pour li pa branle.

Zeremi 10:9

Zot ganny fabrike par en artizan e ganny dekore par en lorfev avek bann fey annarzan ki'n ganny enporte sorti Tarsis, oubyen avek lor sorti Oufaz. Answit, zot ganny abiye dan bann lenz kouler rouz e mov zot zis bann lobze lar, travay en artizan.

Zeremi 2:27

Zot dir avek en bondye an bwa: Ou menm mon papa! E avek en stati ros: Ou ki'n donn mwan lavi! Olye met ou konfyans dan mwan, ou'n tourn ou ledo avek mwan. Me zour ou pou dan traka, ou pou kriye: Leve! Vin sov mwan.

Zeremi 2:28

Me oli ou bann bondye ki ou'n fabrike pour ou menm? Izrael! Ou ki annan otan bondye ki i annan lavil dan Zida, kan ou dan maler, dir zot vin sov ou si zot kapab.

Zeremi 51:17

Sa ki war sa i reste ebet, san konpran. Bann forzron i kanmi, akoz sa bann stati ki zot fer i en mansonz e zot napa okenn lavi.

Zeremi 51:47

Sa zour pe vini kan mon pou azir kont bann fo bondye ki dan Babilonn. Pei antye pou dan laont. Lekor tou bann zabitan ki'n ganny blese anmor pou tale ater partou dan pei.

Danyel 3:1

Lerwa Naboukodonozor ti fer en stati annor 30 met oter e trwa met larzer. I ti plas li dan laplenn Doura, dan provens Babilonn.

Danyel 3:18

Menm si i pa fer li, nou fer ou konnen, ki nou pa pou servi ou bann bondye e nou pa pou ador sa stati annor ki ou'n fer.”

Danyel 3:29

Alor, mon ordonn tou bann pep, tou zabitan ki sorti dan diferan pei e ki koz bann diferan langaz: Okenn dimoun ki koz kont Bondye Sadrak, Mesak e Abed-Nego, pou ganny touye e zot lakaz pou ganny detri, akoz napa okenn lot Bondye ki kapab anmenn delivrans parey.”

Danyel 3:7

Alor, kan bann dimoun ti antann son tronpet, laflit, sitar, triyang, laarp, tanbour, e tou lezot lenstriman lanmizik, tou bann pep, sorti dan tou nasyon, e ki koz diferan langaz, ti prosternen e ador sa stati annor ki Lerwa Naboukodonozor ti'n fer.

Danyel 5:23

Ou'n met ou kont SENYER lesyel. Ou'n fer anmenn bann istansil son tanp devan ou. Ou avek ou bann zofisye rwayal, ou bann fanm ek ou bann menazer, zot in bwar diven ladan. Ou'n loue bann bondye annarzan e annor, an bronz e an fer, an bwa e an ros, ki pa ni war kler, ni tande e ki napa konnesans. Ou pa'n rann glwar sa Bondye ki tenir ou lavi e ki kontrol tou ou bann aksyon dan son lanmen.

Danyel 5:4

Zot ti bwar diven e loue bann bondye annor e annarzan, an bronz e an fer, an bwa e an ros.

Zonas 1:5

Bann maren ti per e sakenn ti kriy ver son bondye. Zot ti zet marsandiz dan lanmer pour fer bato pli leze. Pandan sa letan, Zonas ti'n al kasyet dan lakal bato kot i ti tonm dan en profon sonmey.

Akt de Zapot 17:29

Alor, akoz nou son bann zanfan, nou pa devre krwar ki Bondye i parey avek en divinite ki'n fer avek lor, larzan oubyen ros, ki lar ek limazinasyon imen in prodwir.

Revelasyon 17:4

Sa fanm ti'n abiy dan lenz rouz e kouver avek bizou annor, pyer presyez ek perl. Dan son lanmen, i ti annan en lakoup annor ranpli avek bann aksyon degoutan ek salte son lavi prostitisyon.