Habakouk 2:16 - Labib An Kreol Seselwa

¹⁶ Ou'n kouver ou avek laont plito ki loner. Akoz ou osi, pa ou bwar e tir ou touni? Lakoup ki dan lanmen drwat SENYER pou savir lo ou: Ou loner pou sanz an laont!

Habakouk 2:16 ပူးပေါင်းရင်းမြစ်များ

Psonm 75:8

SENYER i tenir dan son lanmen en lakoup ranpli avek diven for, byen fermante; i pou donn en pe bann malfeter lo later. Zot pou bwar ziska lanmar.

Proverb 3:35

Sa enn ki saz ava erit loner, sa enn ki bet ava erit laont.

Ezai 20:4

lerwa Asiri pou pran bann Ezipsyen prizonnyen e deport bann Nibyen, zenn ek vye, san sandal, touni, zot deryer deor. Sa pou en laont pour Lezip.

Ezai 47:3

Dimoun ava war ou touni e zot ava war sa ki fer ou laont. Mon pou revanze e mon pa pou eparny personn.

Ezai 49:26

Mon pou fors bann ki kraz ou, manz zot prop laser e bwar zot prop disan konmsi diven. Alor, tou et vivan ava konnen ki mwan menm zot SENYER, zot Sover e zot Redanmter, Bondye pwisan dan Zakob.

Zeremi 25:15

La parol ki SENYER, Bondye Izrael ti dir mwan: Pran sa lakoup ki dan mon lanmen. I ranpli avek diven mon lakoler. Al kot tou bann nasyon kot mon pou anvoy ou e fer zot bwar.

Zeremi 25:17

Alor, mon ti pran lakoup dan lanmen SENYER. Tou nasyon kot SENYER ti anvoy mwan, mon ti fer zot bwar.

Zeremi 51:57

Mon pou soul son bann sef, son bann saz, son bann gouverner, son bann gerye. Zot pou al dormi pour touzour e zot pa pou zanmen lev ankor, sa enn ki Lerwa, ki apel SENYER liniver i deklare.

Zeremi 51:7

Babilonn ti parey en lakoup annor dan lanmen SENYER. I ti soul later antye. Bann nasyon ti bwar son diven e zot in perdi latet.

Lamantasyon 4:21

Nou swete ki bann zabitan Edonm ek Our ava zwaye; zot ava fer lafet. Me mon pou pas lakoup avek zot osi; zot pou sou e zot pou ekspoz zot touni.

Ezekyel 23:33

Ou pou ranpli avek douler ek soufrans, en lakoup lafreyer ek devastasyon. Sanmenm sa lakoup ki ou ser Samari in bwar.

Oze 4:7

Pli zot in ogmante, pli zot pese kont mwan in ogmante. Mon pou fer zot laglwar vin laont.

Oze 7:5

Zour lafet pour lerwa, bann minis i bwar diven ziska zot malad; zot vin gaga e lerwa i fer parey.

Habakouk 2:10

Kan ou ti deside detri en kantite bann pep, Ou desizyon in fer laont ou fanmir. Ou pe detri ou prop lavi.

Habakouk 2:15

Maler pour sa enn ki fer bwar son prosen, e ki vers pwazon pour soul son prosen, pour fer li montre son touni!

Filipyen 3:19

Zot pe al ver zot prop pert. Zot vant i zot bondye; zot fyer pour sa ki ti devre fer zot onte; zot mazin zis bann keksoz materyel.

Revelasyon 18:6

Tret li parey i'n tret ou, e pey li doub pour son bann aksyon. Dan lakoup kot in mel son bann diven, double sa ki i ti'n prepare.