Habakouk 2:1 - Labib An Kreol Seselwa

¹ Mon pou reste dan mon plas koman santinel; mon pou debout lo miray pour gete ki Bondye pou dir mwan. Ki i pou reponn lo size mon bann konplent?

Habakouk 2:1 ပူးပေါင်းရင်းမြစ်များ

2 Samyel 18:24

David ti pe asiz ant sa de laport lavil. En geter ki ti mont lo twa, ki trouv par lao laport, e lo miray. I ti get dan lwen e apersevwar en zonm pe taye li tousel.

2 Rwa 17:9

Pep Izrael ti'n fer an sekre, bann keksoz ki defann kont SENYER zot Bondye. Zot ti'n konstri bann landrwa sakre dan tou zot bann lavil, depi dan bann post obzervasyon, ziska bann lavil fortifye.

2 Rwa 9:17

Santinel ki ti'n ganny plase lo tour Zizreel, ti war lafoul dimoun ki ti pe vini avek Zehou. I ti dir, “Mon war en lafoul.” Yoranm ti dir, “Pran en kavalye e anvoy zwenn zot. Sa kavalye ava demann zot: Eski ou anmenn lape?”

Liv Zob 31:35

Mon ti ava kontan si en dimoun ti ava ekout mwan! Sa i mon dernyen mo! Aprezan mon demann Bondye liniver reponn mwan. Bann lakizasyon ki mon ladverser in mete kont mwan,

Liv Zob 31:37

Mon ava rann li kont tou mon lepa; e prezant devan li parey en sef.

Psonm 5:3

SENYER! Byen bomaten, ou antann mon lavwa; tou le bomaten mon met mwan pare e mon espere.

Psonm 85:8

Mon pou ekout sa ki SENYER Bondye i annan pour li dir. I promet lape pour son pep, pour dimoun ki reste fidel anver li, me ki pa retonm dan menm betiz.

Psonm 85:9

SENYER i pare pour sov sa enn ki obei li, pour ki son laglwar i reste dan pei.

Ezai 21:5

Zot prepar latab; santinel pe veye; zot manze, zot bwar. Leve bann zofisye! Gres zot boukliye!

Ezai 21:6

Akoz, la sa ki SENYER ti dir mwan: Ale! Al plas en santinel; I ava anons sa ki i war.

Ezai 21:8

Alor sa santinel ti kriye: SENYER! Mon debout tou lazournen; mon pe veye lo mon tour. Mon lo post pe veye tou lannwit.

Ezai 62:6

Zerizalenm! Mon'n plas bann santinel lo miray; lizour koman lannwit zot pou veye san poze. Fer SENYER rapel son bann promes; napa repo pour zot.

Zeremi 12:1

SENYER! Ou tro zis pour mwan akiz ou. Malgre sa, mon oule koz lo lazistis avek ou. Akoz malfeter i prospere dan lavi? Akoz bann malfeter i viv trankilman?

Zeremi 6:17

Mon'n met bann santinel pour veye. Ekout byen ler tronpet i sonnen. Me ou'n reponn: Mon pa pou port atansyon.

Ezekyel 3:17

Ou ki en imen, mon'n etabli ou koman en gardyen lo pep Izrael. Sak fwa ou antann en parol sorti dan mon labous, ou ava transmet pep Izrael mon lavertisman.

Ezekyel 33:7

Alor, ou ki en imen, mon plas ou koman santinel pour pep Izrael. Ou devre ekout mon parol, e pas zot lavertisman ki sorti kot mwan.

Mise 7:7

Mwan, mon pou tourn ver SENYER, mon pou esper Bondye, mon sover. Mon Bondye pou antann mwan.

2 Korentyen 13:3

Zot pe demann laprev ki Kris i koz atraver mwan; mon pou donn zot sa laprev. Kris pa feb anver zot; i montre son pwisans parmi zot.

Galat 1:16

I ti trouv bon pour revel mwan son Garson, pour ki mon anons li parmi bann non-Zwif.