Habakouk 1:8 - Labib An Kreol Seselwa

⁸ Zot bann seval i pli rapid ki bann leopar, pli feros ki bann loulou aswar. Zot bann kavalye i atake. Zot bann kales lager i sorti lwen. Zot anvole koman leg kan i atake pour li devore.

Habakouk 1:8 ပူးပေါင်းရင်းမြစ်များ

Liv Zob 9:26

I glise parey en pirog. I plonze parey en leg lo son prwa.

Ezai 11:14

Ansanm, zot pou atak bann Filisten dan Was. Ansanm, zot pou depouy bann zabitan dan Les. Edonm ek Moab pou tonm dan zot lanmen e bann Amonit pou anba zot dominasyon.

Zeremi 4:13

Gete! Lennmi pe vini parey en nyaz. Son bann kales lager i roul parey en tourbiyon. Son bann seval i pli vit ki bann leg. Maler i lo nou! I'n fini pour nou!

Zeremi 48:40

La sa ki SENYER i deklare: Gete! Lennmi i parey en leg ki pe plannen avek son lezel gran ouver par lao Moab.

Zeremi 5:6

Pour sa rezon, lyon sorti dan lafore pou atak zot. Loulou sorti dan dezer pou devor zot. Leopar in kasyet pre avek zot lavil. Sa enn ki sorti pou ganny devore. Zot in fer bokou pese; zot in abandonn mwan plizyer fwa.

Zeremi 50:42

Zot lev bann fles ek bann lans; zot kriyel e san pitye. Tapaz ki zot fer lo zot seval e parey en lanmer dan move tan. Zot in pare pour atak ou, Babilonn ki zoli.

Lamantasyon 4:19

Bann ki ti pe pourswiv nou ti pli vit ki bann votour dan lesyel; zot ti sas nou lo bann montanny, zot ti met bann latrap dan dezer pour nou.

Ezekyel 17:12

Demann sa bann rebel si zot konnen ki savedir sa parabol. Dir zot lerwa Babilonn ti al Zerizalenm kot i ti pran prizonnyen son lerwa ek bann sef pour anmenn zot avek li Babilonn.

Ezekyel 17:3

Dir zot: La sa ki Senyer BONDYE i deklare: Ti annan en gro leg, avek gran lezel, plim epe toudsort kouler. I ti anvol dan montanny Liban e kas leker bann pye sed.

Ezekyel 26:11

I pou kraz tou ou bann semen anba bann sabo son bann seval. I pou masakre ou bann zabitan; ou bann gro kolonn pou degrengole.

Oze 8:1

Met ou tronpet avek ou labous! Maler, parey en leg, in tonm lo lakaz SENYER, akoz zot in kas mon lalyans e zot in revolte kont mon lalwa.

Nahoum 2:5

Lerwa i apel son bann zofisye. Zot avanse me avek lezitasyon. Lennmi i fons dan direksyon miray lavil, pour met zot defans an plas.

Sofoni 3:3

Son bann sef i parey bann lyon ki pe kriye. Son bann ziz i parey bann loulou ki fer lasas aswar. Kan bomaten i fer, zot napa nanryen pour manze.

Matye 24:28

La kot i annan kadav, bann korbo pou rasanble.”

Levanzil dapre Lik 17:37

Bann disip ti demann li, “Senyer, kote sa pou arive?” I ti dir zot, “Votour pou rasanble la kot i annan kadav.”

Deterononm 28:49

SENYER ava anvoy kont ou en nasyon ki sorti lwen, dan lot bout later, ki ou pa pou konpran son langaz, e ki pou tonm lo ou parey en leg.