Habakouk 1:13 - Labib An Kreol Seselwa

¹³ Ou lizye i tro pir pour kontanple lemal. Ou pa kapab get maler, pourtan, ou get bann tret san dir nanryen. Kan bann malfeter i detri bann pli zis ki zot, akoz ou reste trankil?

Habakouk 1:13 ပူးပေါင်းရင်းမြစ်များ

2 Samyel 4:11

Ki pli gran rekonpans mon pou donn sa bann move dimoun ki'n touy en inosan dan son prop lakaz lo son lili, pa mon pou bezwen fer zot peye e debaras later avek zot?”

1 Rwa 2:32

SENYER ava fer li anmenn responsabilite son akt kriminel. San ki mon papa David ti konnen, i ti atak e touy de zonm, meyer ki li: Abner, garson Ner, komandan larme Izrael, ek Amasa, garson Yeter, komandan larme Zida.

Ester 4:14

Si ou reste trankil dan en tel sityasyon, led ek delivrans bann Zwif ava sorti dan en lot landrwa; me ou, avek lafanmir ou papa, zot pou ganny detri. Dayer, lekel ki dir si ou pa'n ganny o plase dan sa rwayonm pour en letan parey?

Liv Zob 15:15

Si Bondye napa konfyans dan son bann lanz; si pour li, lesyel pa vreman pir,

Liv Zob 21:7

Akoz bann malfeter i kontinyen viv? Zot viv vye e ganny ankor plis pouvwar?

Liv Zob 24:23

I ti les zot krwar ki zot an sekirite. Me son lizye pa sorti lo sa ki zot fer.

Psonm 10:15

Kas lebra bann malfeter. Fer zot pey pour tou zot bann move aksyon, ziska ki zot disparet devan ou.

Psonm 18:26

Ou pir avek sa enn ki pir; sever avek sa enn ki rize.

Psonm 25:3

Pa les sa ki'n met zot konfyans dan ou ganny tronpe. Me fer onte sa enn ki trai ou san rezon.

Psonm 35:17

Ankor konbyen letan, SENYER, ou pou zis gete? Delivre mwan kont sa bann malfeter! Aras mwan dan grif sa bann lyon!

Psonm 35:22

SENYER! Ou menm, ou'n war. Pa gard silans. SENYER! Pa reste lwen avek mwan.

Psonm 35:25

Pa les zot dir ant zot: Nou'n ganny sa ki nou ti pe rode. Pa les zot dir: Nou'n debaras nou avek li!

Psonm 50:21

Tousala, ou'n fer e oule mon gard silans? Ou ti krwar mon ti parey ou? Aprezan mon denons ou, e mon pou akiz ou anfas.

Psonm 50:3

Nou Bondye pe vini, i pa pe gard silans. Devan li, en dife ki devor tou. Otour li, i annan en tanpet vyolan.

Psonm 73:3

Ler mon ti war koman bann malfeter pe prospere, mon ti zalou sa bann arogan.

Psonm 83:1

Mon Bondye! Pa gard silans. Mon Bondye! Pa reste trankil san nanryen fer.

Ezai 21:2

Mon'n ganny en vizyon terib: Tret i trai, destrikter i detri. Elanm! Monte e Med atake. Mon pe met en lafen avek tou bann soufrans.

Ezai 24:16

Bann ki sorti lwen pou sant louanz, e laglwar, an loner Bondye lazistis. Me mwan, mon dir ki mon'n perdi; mon'n perdi. Maler lo mwan! Bann tret in trai! Traizon! Wi! Bann tret in trai!

Ezai 33:1

Maler lo ou ki detri tou me ki pa'n ganny detri! Ki trai lezot me ki pa'n ganny trai! Ler ou ava'n fini detri, ou osi, ou pou ganny detri. Ler ou ava'n fini trai, ou pou ganny trai.

Ezai 64:12

SENYER! Devan tousala, eski ou pou reste san azir? Eski ou pou gard silans e pini nou osi severman?

Lamantasyon 3:36

SENYER pa i war, kan dan en zafer ankour, lazistis i ganny fose.

Habakouk 1:14

Ou tret bann imen koman pwason dan lanmer, parey bann pti zensek ki napa okenn met.

Zakari 8:17

La sa ki SENYER i deklare: Pa mazin fer dimal ou prosen dan ou leker. Pa soutir dimoun ki fer fo serman; mon deteste tel keksoz.

Akt de Zapot 2:23

Sa zonm ki Bondye, par son prop volonte e konnesans, ti'n etabli davans dan son plan, i'n ganny livre dan zot lanmen. Bann zonm kriminel ti touy li e klout li lo lakrwa.

Deterononm 23:15

Ou pa pou retourn, kot son met, en lesklav ki'n sove oubyen ki'n vin ki vin rod landrwa kasyet kot ou.