Habakouk 1:12 - Labib An Kreol Seselwa

¹² SENYER, mon Bondye, mon Sen! Ou ki SENYER, depi touzour. Ou pa pou mor. SENYER! Ou'n swazir bann Babilonyen pour egzekit ou zizman. Mon Ros protekter! Ou'n etabli zot pour pini nou.

Habakouk 1:12 ပူးပေါင်းရင်းမြစ်များ

Zenez 21:33

Abrahanm ti plant en pye dibwa la Berseba, pour mark sa landrwa akoz la, i ti envok non SENYER, Bondye eternel.

2 Rwa 19:25

Eski ou pa ti konnen ki mon'n fer tousala depi lontan? Depi lontan, mon'n fer plan sa ki mon pe realize aprezan, pour fer ou kraz bann lavil fortifye e fer zot vin en ta debri.

Psonm 102:24

Mon dir: Mon Bondye! Ou ki viv pour touzour! Pa pran mon lavi ler mon ankor zenn.

Psonm 118:17

Mon pa pou mor, mon pou viv e mon pou rakont bann mervey ki SENYER in fer.

Psonm 149:2

Izrael! Montre ou lazwa akoz ou Kreater. Zabitan Zerizalenm! Selebre zot lerwa.

Psonm 17:13

Leve SENYER! Konfront zot. Fer zot tonbe. Avek ou lepe, liber mwan kont mon bann lennmi.

Psonm 18:1

SENYER! Mon kontan ou. Ou menm mon lafors.

Psonm 74:12

Pourtan, Bondye i mon Lerwa depi touzour. Ou'n donn nou souvan laviktwar dan nou pei.

Psonm 90:1

SENYER! Depi touzour, ou nou labri.

Psonm 90:2

Avan ki ou ti kree bann montanny, avan ki ou ti form later ek lemonn, depi touzour e pour touzour, ou Bondye!

Psonm 93:2

Ou tronn i'n ganny etabli depi dan lantikite; ou egziste depi touzour.

Ezai 31:1

Maler pour sa bann ki desann Lezip pour rod led! Zot kont lo bann seval; zot met zot konfyans dan bann kales lager akoz i annan en kantite e dan bann kavalye, akoz zot tre for. Me zot pa lev lizye ver Bondye Sen Izrael ni konsilte SENYER!

Ezai 37:23

Lekel ki ou'n ensilte e meprize? Kont lekel ou'n lev ou lavwa e lev en regar ensolan? Kont Bondye sen Izrael!

Ezai 37:26

Eski ou pa ti konnen ki mon'n fer tousala depi lontan? Depi lontan, mon'n fer plan sa ki mon pe realize aprezan pour fer ou kraz bann lavil fortifye e fer zot vin en ta debri.

Ezai 40:28

Eski zot pa konnen? Eski zot pa'n tande? SENYER ki Bondye depi touzour e pour touzour, i Kreater later antye. I pa zanmen afebli; zanmen i fatige, son lentelizans napa okenn limit.

Ezai 43:15

Mwan menm SENYER, ou Bondye Sen, Kreater Izrael, ou Lerwa.

Ezai 49:7

La sa ki SENYER i deklare, Sover Izrael, son Bondye ki Sen, avek sa enn ki ganny meprize, deteste par bann nasyon, lesklav bann dirizan: Ler bann lerwa ava war ou, zot ava debout e bann sef ava prosternen lafas ater. Sa pou arive akoz SENYER i fidel e Sen Izrael, in swazir ou.

Ezai 57:15

La sa ki sa enn ki plase tre, tre o, ki son demer i dan leternite, ki port non Sen i deklare: Mon reste lao dan en landrwa ki sen, me osi avek bann ki'n ganny kraze, osi avek bann ki'n ganny abese; pour relev lespri bann ki'n ganny kraze, pour relev lespri bann ki'n ganny abese.

Zeremi 30:11

Mon avek ou pour sov ou, SENYER i deklare. Mon pou detri tou bann nasyon kot mon ti deport ou. Me ou, mon pa pou detri ou. Sepandan, mon pou koriz ou dapre lazistis. Annefe, mon pa pou kapab tret ou konmsi ou ti inosan.

Zeremi 4:27

La sa ki SENYER in deklare: Pei antye in ganny devaste; me mon pa pou detri li konpletman.

Zeremi 46:28

Izrael! Ou ki mon serviter, Pa bezwen per, SENYER i deklare. Mon pou vin sov ou. Mon pou detri tou bann nasyon kot mon ti fer ou ganny deporte. Me mon pa pou detri ou. Menm si mon ti bezwen pini ou akoz ou ti merite, mon pa ti kapab tret ou koman en inosan.

Zeremi 5:18

Malgre sa, SENYER i deklare, mon pa pou detri zot konpletman.

Lamantasyon 5:19

Me ou SENYER! Ou renny i pour touzour; ou tronn pou touzour la atraver bann zenerasyon.

Ezekyel 30:25

Mon pou fer lebra lerwa Babilonn vin for, me lebra Faraon pou tonm anpandan. Alor, zot ava konnen ki mwan menm SENYER. Mon pou met mon lepe dan lanmen lerwa Babilonn e i pou pran aksyon kont Lezip.

Mise 5:2

Ou, Betlehenm Efrata! Ou pli pti parmi bann klan dan Zida. Kot ou, pou sorti pour mwan, sa enn ki pou gouvern Izrael. Son lorizin i remont dan lwen, lontan.

Habakouk 3:2

SENYER! Mon'n antann koz lo ou bann mervey. SENYER! Mon tranble devan ou bann gran aksyon. Pandan ki nou ankor vivan, fer ankor sa bann mervey. Fer zot ganny konnen! Me dan ou lakoler, pa oubliy ou konpasyon.

Habakouk 3:6

Kan i arete, later i tranble. I get bann nasyon, zot tranble. Bann montanny ansyen i fann an de; bann kolin ek bann santye ki la depi lontan, zot afese; zot ki otrefwa ti son semen.

Malasi 3:5

Alor, mon pou apros zot pour zizman. Mon pou deswit pas zizman kont bann sorsye, bann ki komet adilter, bann ki fer fo serman, bann ki eksplwat zot travayer e ki abiz lo bann vev ek bann orfelen, e ki maltret bann etranze. Tou sa bann dimoun napa respe pour mwan. SENYER liniver ki deklare.

Malasi 3:6

Mwan, SENYER, mon pa sanze. Pour sa rezon ki zot, bann desandans Zakob, ki pa'n ganny eksterminen.

Akt de Zapot 3:14

Zot in renye sa enn ki sen e zis, e zot in prefere demann Pilat pour donn laliberte en kriminel.

Deterononm 32:4

I en Ros protekter. Son bann aksyon i parfe e tou son bann semen i zis. I en Bondye fidel, zanmen enzis. I zis e drwat.

Deterononm 33:27

Bondye ki egziste dan tou letan i en labri; depi touzour son pwisans i gran. I ti sas lennmi devan ou. I ti dir: Detri zot!

1 Timote 1:17

Annou rann loner ek laglwar anver Lerwa eternel, sel Bondye imortel e envizib pour touzour! Amenn.

1 Timote 6:16

I sa sel Bondye imortel. I reste dan lalimyer ki personn pa kapab aprose. Personn pa'n zanmen war li, ni kapab war li. I merit tou loner ek pwisans eternelman. Amenn.

Ebre 13:8

Zezi-Kri i reste parey, yer, ozordi, demen e pour touzour.

Revelasyon 1:11

ki ti dir: Ekri sa ki ou war dan en liv, e anvoy li kot sa set Legliz ki Efez, Smirn, Perganm, Tyatir, Sard, Filadelfi ek Laodise.

Revelasyon 1:8

La sa ki Senyer Bondye i deklare: Mwan menm Alfa ek Omega, sa enn ki egziste, ki ti egziste e ki pe vini, Bondye Toupwisan.

1 Samyel 2:2

Zis SENYER ki sen. Napa personn parey li. Okenn Ros protekter pa parey nou Bondye.