Galat 5:3 - Labib An Kreol Seselwa

³ Mon konfirmen ankor en fwa: Tou zonm ki fer li ganny sirkonsi, i oblize met an pratik Lalwa antye.

Galat 5:3 ပူးပေါင်းရင်းမြစ်များ

Nehemi 9:34

Nou bann lerwa, nou bann sef, nou bann pret, e nou bann zanset, pa'n obei ou lalwa. Zot pa'n met an pratik ou bann komannman, ni pran ka avek bann lavertisman ki ou ti donn zot.

Matye 23:16

Maler lo zot, bann gid aveg! Zot dir: Si en dimoun i fer serman par Tanp, sa serman pa angaz li. Me si i fer en serman par lor Tanp, sa serman i valab.

Matye 23:18

Zot osi dir ki si en dimoun i fer en serman par lotel Tanp sa serman pa angaz li. Me si i fer en serman par lofrann ki lo lotel, i oblize gard son serman.

Levanzil dapre Lik 16:28

kot mon annan senk frer. Dir li averti zot, pangar zot osi, zot ava vin dan sa landrwa soufrans.

Akt de Zapot 15:1

Detrwa zonm ki ti sorti Zide ti konmans donn bann frer sa lansennyman: Si zot pa ganny sirkonsi parey Lalwa Moiz i demande, zot pa pou ganny sove.

Akt de Zapot 2:40

Pyer ti dir zot bokou keksoz ankor pour konvenk zot e ankouraz zot. I ti dir zot, “Separ zot avek sa zenerasyon koronpi.”

Akt de Zapot 20:21

Mon'n sipliy Zwif koman Grek pour tourn kot Bondye e krwar dan nou Senyer Zezi-Kri.

Romen 2:25

Si ou obei Lalwa, sirkonsizyon i itil pour ou. Me si ou dezobei Lalwa, i parey konmsi ou pa'n ganny sirkonsi.

Galat 3:10

Me tou dimoun ki kont lo lobeisans Lalwa, zot anba malediksyon. Annefe, Lekritir i deklare: Modi sa enn ki pa gard tou sa ki'n ekri dan sa liv Lalwa, e pa met li an pratik.

Galat 5:2

Aprezan, mwan Pol, mon dir zot: Si zot fer zot ganny sirkonsi, Kris pa pou servi zot dan nanryen.

Galat 5:6

Annefe, ni sirkonsizyon, ni ensirkonsizyon pa enportan. Lafwa ki azir par lanmour ini avek Kris Zezi ki konte.

Efezyen 4:17

Mon sipliy zot lo non Senyer: Aret viv koman sa bann ki pa konn Bondye. Zot mannyer reflesir pa vo nanryen.

Deterononm 27:26

Malediksyon lo sa enn ki pa gard bann parol sa lalwa i ki pa met zot an pratik. Lepep ava dir: Amenn!

Deterononm 31:21

Ler en kantite maler terib pou tonm lo zot, sa kantik ava servi koman en temwen pour akiz zot, akoz zot bann desandan pa pou zanmen oubliye. Annefe, avan menm ki mon anmenn zot dan sa pei ki mon'n promet zot par serman, mon konnen deza sa ki zot pe prepare pour fer.

Deterononm 8:19

Si ou oubliy SENYER, ou Bondye pour swiv lezot bondye, servi zot e ador zot, mon pe averti ou solannelman ozordi ki ou pou disparet.

1 Tesalonisyen 4:6

Personn pa devre fer ditor son prosen, ni tronp son frer dan sa zafer, akoz Senyer i pini bann aksyon parey. Nou'n deza averti zot lo sa size.

1 Zan 4:14

E nou, nou'n war e nou proklanmen ki Bondye Papa in anvoy son Garson koman Sover lemonn.