Galat 4:9 - Labib An Kreol Seselwa

⁹ Me aprezan ki zot konn Bondye, ou plito, ki Bondye i konn zot, ki mannyer i posib pour zot anvi retourn kot sa bann eleman san valer e revin zot lesklav?

Galat 4:9 ပူးပေါင်းရင်းမြစ်များ

1 Rwa 8:43

depi ou demer dan lesyel, ekoute kan sa etranze i envok ou; egzos tou son reket ver ou, parey ou pep Izrael. Zot ava rekonnet ki ou non i ganny envoke la, dan sa lakaz ki mon'n konstri.

1 Kronik 28:9

Kanta ou, mon garson Salomon, konn Bondye ou papa. Servi li avek tou ou lespri e avek tou ou leker; akoz SENYER i konsider sak lentelizans e i konn tou proze e tou sa ki ou mazinen. Si ou rod li, ou pou trouv li; me si ou oubliy li, i pou abandonn ou pour touzour.

Psonm 1:6

Annefe, SENYER i protez semen bann ki zis. Me bann malfeter i pran semen ki anmenn dan perdisyon.

Psonm 9:10

Bann ki konn ou non, zot met zot konfyans dan ou. Akoz ou SENYER, zanmen ou abandonn sa enn ki vin kot ou.

Egzod 33:17

SENYER ti dir Moiz, “Mon pou fer egzakteman sa ki ou'n demande akoz ou'n resevwar mon faver, e mon konn ou par ou non.”

Proverb 2:5

alor, ou ava konpran ki savedir respe pour Bondye e ou ava reisi konn Bondye.

Zeremi 31:34

Personn pa pou bezwen enstri son prosen oubyen son frer, SENYER i deklare, akoz zot tou, depi pli pti ziska pli gran, pou konn mwan. Mon pou pardonn zot fot, e oubliy zot pese, SENYER i deklare.

Habakouk 2:14

Me, parey delo i ranpli lanmer, later antye pou konn grander SENYER.

Matye 11:27

Mon Papa in donn mwan tou keksoz. Personn pa konn son Garson, eksepte son Papa, e personn pa konn son Papa, eksepte son Garson ek bann ki son Garson in swazir pour revel son Papa.

Levanzil dapre Lik 5:38

Me, fodre met diven nef dan bann sak diven nef.

Levanzil dapre Zan 10:14

Mwan menm sa bon berze. Mon konn mon bann mouton, e mon bann mouton zot konn mwan.

Levanzil dapre Zan 10:27

Mon bann mouton i ekout mon lavwa, mon konn zot e zot swiv mwan.

Levanzil dapre Zan 17:3

Lavi eternel, se ki zot konn ou koman sel vre Bondye, ek Zezi-Kri ki ou'n anvoye.

Romen 8:29

Annefe, tou bann ki Bondye in swazir davans, in osi deside davans pour rann zot parey son Garson. Konmsa, son Garson i vin lene parmi en kantite frer.

Romen 8:3

Bondye in fer sa ki Lalwa Moiz pa ti kapab, akoz febles natir imen ti rann lalwa enpwisan. Bondye in anvoy son prop Garson dan en natir parey natir pese. I'n kondann pese dan natir imen.

1 Korentyen 13:12

Aprezan, nou war en zimaz flou ki reflekte dan en laglas; me plitar, nou pou war fas a fas. Sa ki mon konnen ozordi, i enkonplet; me plitar, mon pou konn Bondye konpletman, parey li menm i konn mwan.

1 Korentyen 15:34

Serye zot, e aret fer pese. Serten parmi zot pa konn Bondye; sa i fer zot laont.

1 Korentyen 8:3

Me sa enn ki kontan Bondye, Bondye i konn li.

2 Korentyen 11:20

Annefe, zot aksepte ganny trete koman lesklav, ganny eksplwate, vole, meprize, oubyen ganny zifle.

2 Korentyen 4:6

Annefe, Bondye ki'n dir: Lalimyer pour briye omilye teneb. Se li menm ki'n briye dan nou leker, pour donn lalimyer konnesans son laglwar ki ilimin vizaz Kris.

Galat 3:3

Ki mannyer zot kapab telman bet? Sa ki zot in konmans avek Lespri Bondye, eski zot oule aprezan fini avek zot prop lafors?

Galat 4:3

Nou osi, letan ki nou ti ankor zanfan, nou ti lesklav bann lespri ki kontrol lemonn.

Efezyen 1:17

Mon demann Bondye nou Senyer Zezi-Kri, nou Papa merveye, donn zot Lespri lasazes ki ava revel avek zot e fer zot konn li vreman.

2 Timote 2:19

Pourtan, sa baz solid ki Bondye in poze i reste solid. Sa bann parol i reste grave: Senyer i konnen lekel ki lo son kote. E ankor: Sa enn ki nonm non Senyer, i devre detourn li avek lemal.

Ebre 7:18

Sa i fer ki en vye regleman i'n ganny met de kote. Akoz i pa parfe, i'n vin initil.

2 Pyer 2:20

Annefe, i annan ki'n sape anba move lenfliyans lemonn, gras a konnesans nou Senyer e Sover Zezi-Kri. Me, si zot les zot reganny atrape e reganny anpaye, e ganny bate, zot kondisyon i vin pir ki avan.

1 Zan 5:20

Nou konnen ki Garson Bondye in vini. I'n donn nou disernman pour konn sa enn ki vre Bondye. Nou, nou reste ini avek vre Bondye, gras a son Garson Zezi-Kri. Li menm vre Bondye; li menm lavi eternel.