Galat 4:3 - Labib An Kreol Seselwa

³ Nou osi, letan ki nou ti ankor zanfan, nou ti lesklav bann lespri ki kontrol lemonn.

Galat 4:3 ပူးပေါင်းရင်းမြစ်များ

Matye 11:28

Vin kot mwan zot tou ki fatige anba en fardo; mwan, mon ava donn zot repo.

Levanzil dapre Zan 8:31

Alor, Zezi ti dir avek bann Zwif ki ti krwar dan li, “Si zot obei byen mon bann parol, zot ava vin vreman mon disip.

Akt de Zapot 15:10

Aprezan, pour ki rezon fodre ki nou provok Bondye par enpoz lo bann krwayan, en fardo ki ni nou bann zanset, ni nou menm, nou pa'n kapab anmennen?

Romen 7:14

Nou konnen ki Lalwa i spirityel, me mwan, mon zis en dimoun avek en lekor mortel ki'n ganny vann avek pese koman en lesklav.

Romen 8:15

Annefe, zot pa'n resevwar en Lespri ki rann zot lesklav, ki ranpli zot ankor avek lafreyer. Me zot in resevwar en Lespri ki fer zot vin zanfan Bondye e ki permet nou kriye: Aba! Mon Papa!

2 Korentyen 11:20

Annefe, zot aksepte ganny trete koman lesklav, ganny eksplwate, vole, meprize, oubyen ganny zifle.

Galat 2:4

Ti annan serten, sepandan, bann fo frer, ki ti pretann ki zot bann krwayan. Zot ti zwenn avek nou group an sekre koman bann espyon pour obzerv laliberte ki nou posede dan Zezi-Kri, pour fer nou vin lesklav lalwa.

Galat 3:19

Alor, akfer Lalwa? I ti ganny entrodwir akoz pese, ziska ki sa desandan Abrahanm avek ki promes ti ganny fer, i arive. Sa Lalwa ti ganny anonse par bann lanz ki'n servi en lentermedyer.

Galat 4:2

An realite, i bezwen soumet li anba en titer ek bann administrater, ziska letan fikse par son papa.

Galat 4:24

Sa zistwar i annan en sinifikasyon: Sa de fanm i reprezant de lalyans. Sa enn par Agar ki donn nesans zanfan pour lesklavaz i reprezant montanny Sinai.

Galat 4:25

Agar i reprezant montanny Sinai ki dan Arabi. I koresponn avek lavil Zerizalenm aktyel ki dan lesklavaz avek tou son bann zabitan.

Galat 4:31

Kanta zot, mon bann frer ek ser! Nou pa bann zanfan sa fanm lesklav, me nou zanfan sa fanm lib.

Galat 4:8

Lontan, zot pa ti konn Bondye e zot ti lesklav bann keksoz ki zot ti apel bondye me ki an realite, pa ti li.

Galat 4:9

Me aprezan ki zot konn Bondye, ou plito, ki Bondye i konn zot, ki mannyer i posib pour zot anvi retourn kot sa bann eleman san valer e revin zot lesklav?

Kolosyen 2:20

Si zot in mor avek Kris, zot in ganny libere avek bann lespri ki kontrol lemonn. Alor, akoz zot pe viv konmsi zot ankor fer parti lemonn e aksepte bann regleman ki ganny enpoze lo zot:

Kolosyen 2:8

Fer atansyon ki zot pa ganny atrape par bann fo largiman filozofik, ki pa fonde lo Kris, me lo lasazes imen, lo tradisyon zonm, ek bann lespri ki kontrol lemonn.

Ebre 5:12

Depi tou sa letan, zot ti'n devre vin bann profeser. Me zot ankor bezwen ganny ansennyen bann prensip elemanter lo mesaz Bondye. Zot ankor pe bezwen dile olye nouritir solid.

Ebre 7:16

En pret, ki pa'n ganny etabli dapre bann relasyon avek desandans imen. In vin pret par pwisans en lavi ki eternel.