Galat 3:2 - Labib An Kreol Seselwa

² Dir mwan: Eski zot ti resevwar Lespri Bondye akoz zot ti pratik sa ki Lalwa i ordonnen, oubyen akoz zot ti antann e krwar dan Bonn Nouvel?

Galat 3:2 ပူးပေါင်းရင်းမြစ်များ

Akt de Zapot 15:8

Bondye ki konn leker dimoun, ti vin temwanny an zot faver kan i ti aksepte zot e donn zot son Lespri Sen parey i ti'n donn nou.

Akt de Zapot 2:38

Pyer ti reponn zot, “Sanz zot mannyer viv e ki sakenn i ganny batize lo non Zezi-Kri, pour li ganny pardon son bann pese. Alor, zot ava resevwar kado Bondye: Lespri Sen.

Akt de Zapot 8:15

Kan zot ti ariv Samari, Pyer ek Zan ti priye pour ki bann krwayan i ganny Lespri Sen.

Romen 1:17

Annefe, Bonn Nouvel i revele koman Bondye i rann bann imen zis devan li: Sa i selman par lafwa depi konmansman ziska lafen, parey Lekritir i deklare: Sa enn ki zis, pou viv par lafwa.

1 Korentyen 9:21

Demenm, parmi bann ki pa konn Lalwa Moiz, mon vin parey bann ki pa konn Lalwa, pour mwan ganny zot. Pourtan, devan Bondye, mon obei lalwa, akoz mon soumet mwan anba lalwa Kris.

2 Korentyen 11:4

Annefe, zot pare pour aksepte nenport ki, ki vin anons zot en lot Zezi ki sa enn ki nou'n anons zot. Zot osi pare pour resevwar fasilman en lespri ek en mesaz ki diferan avek sa Lespri ek sa Bonn Nouvel ki zot in resevwar avek nou.

Galat 3:14

Konmsa ki benediksyon ki ti'n ganny promet avek Abrahanm, in osi ganny donn avek bann non-Zwif, gras a Zezi-Kri. Alor, par lafwa, nou resevwar Lespri ki Bondye in promet.

Galat 3:3

Ki mannyer zot kapab telman bet? Sa ki zot in konmans avek Lespri Bondye, eski zot oule aprezan fini avek zot prop lafors?

Galat 3:5

Sa enn ki donn son Lespri e ki fer bann mirak parmi zot, eski i fer sa akoz zot obei Lalwa, oubyen akoz zot annan lafwa dan sa Bonn Nouvel ki zot in tande?

Ebre 2:4

Anmenmtan, Bondye in konfirm sa temwannyaz par bann siny, bann levennman ekstraordiner ek toudsort mirak. I'n osi distribye bann don Lespri Sen dapre son lavolonte.

Ebre 4:2

Annefe, nou'n resevwar mesaz Bonn Nouvel parey zot, me sa mesaz ki zot in tande pa'n servi zot dan nanryen, akoz sa dimoun ki ti antann li pa ti resevwar li avek lafwa.

Ebre 6:4

Ki pou arive avek sa bann ki'n retonm dan zot vye mannyer viv? Zot in deza ganny eklere par lalimyer Bondye. Zot i'n gout bann don ki sorti dan lesyel; zot in ganny par dan don Lespri Sen.

1 Pyer 1:12

Zot ti ganny revele ki sa mesaz pa ti pour zot menm bann profet, me pour zot. Aprezan, zot in resevwar sa mesaz par bann predikater Bonn Nouvel. Zot in anons sa Bonn Nouvel par pwisans Lespri Sen sorti dan lesyel, ki menm bann lanz ti ava byen kontan konnen.