Galat 2:9 - Labib An Kreol Seselwa

⁹ Kan zot ti rekonnet lagras ki mon ti'n gannyen, Zak, Pyer ek Zan ki ti ganny konsidere koman bann dirizan, bann kolonn, zot ti donn mwan ek Barnabas lanmen drwat; sa ti koman en siny lakominyon. Alor, nou ti tonm dakor ki Barnabas ek mwan, nou pou al kot bann non-Zwif e zot, zot pou al kot bann Zwif.

Galat 2:9 ပူးပေါင်းရင်းမြစ်များ

2 Rwa 10:15

Ler i ti kit Kan Berze, i ti rankontre Yonadab, garson Rekab ki ti vin zwenn li. I ti salye li e dir li, “Eski ou leker i senser parey mon leker anver ou leker?” Yonadab ti reponn, “Wi i senser.” Zehou ti reponn, “Si ou senser, donn mwan ou lanmen.” Yonadab ti donn li lanmen. Alor, Zehou ti fer li monte e fer li asiz dan bor li, dan son kales.

Matye 16:18

Mwan, mon deklare ki ou Pyer, e lo sa ros mon pou konstri mon Legliz, e pwisans lanmor pa pou ranport laviktwar kont li.

Levanzil dapre Lik 22:8

Alor, Zezi ti anvoy Pyer ek Zan fer preparasyon. I ti dir zot, “Al prepar repa Pak pour nou manz ansanm.”

Levanzil dapre Zan 1:42

I ti anmenn Simon kot Zezi. Zezi ti get li. I ti dir: Ou non i Simon, garson Zan, me ou pou apel Sefas, savedir Pyer, en ros.

Akt de Zapot 12:17

I ti fer siny avek son lanmen pour zot reste trankil e i ti eksplike koman Senyer ti'n delivre li dan prizon. I ti azoute, “Al anons sa Zak ek lezot bann frer.” Apre, i ti sorti e al en lot landrwa.

Akt de Zapot 15:13

Kan zot ti'n fini koze, Zak ti pran laparol. I ti dir, “Mon bann frer! Ekout mwan byen.

Akt de Zapot 15:7

Apre en long diskisyon, Pyer ti leve. I ti dir, “Mon bann frer! Zot tou zot konnen ki depi en bon pe letan, Bondye ti swazir mwan parmi zot, pour ki par mon labous, bann non-Zwif i antann parol Bonn Nouvel e krwar.

Akt de Zapot 4:36

Par egzanp, ti annan en zonm, Zozef, sorti dan tribi Levi, e ki ti'n ne dan zil Sip. Bann zapot ti'n apel li Barnabas, (savedir, sa enn ki donn lankourazman.)

Romen 1:5

Par li, nou'n resevwar lagras ek misyon koman zapot pour anmenn bann nasyon krwar dan li e obeir li.

Romen 12:3

Par lagras ki, dan son bonte, Bondye in donn mwan, mon dir avek zot tou: Pa bezwen ganny en tro gran lopinyon lo zot menm. O kontrer, reste rezonnab, mezir zot valer dapre lafwa ki Bondye in donn zot.

Romen 15:15

Pourtan, mon'n ekri zot avek en pe lodas dan plizyer pasaz mon let, pour revey zot souvenir. Sa i akoz lagras ki Bondye in akord mwan,

1 Korentyen 15:10

Me par lagras Bondye, mon sa ki mon ete, e son lagras pour mwan i pa'n initil. O kontrer, mon'n travay plis ki tou lezot; pa mwan, me lagras Bondye ki avek mwan.

2 Korentyen 11:5

Mon pa krwar ki mon enferyer avek sa bann zapot ki fer zot pas pour siperyer.

2 Korentyen 12:11

Mon'n koz koman en fou! Me zot ki'n fors mwan. Zot ki ti devre koz dan mon faver. Annefe, menm si mon en nanryen ditou, mon pa ditou enferyer avek zot bann gran zapot.

2 Korentyen 8:4

Zot in sipliy nou pour zot kapab partisip dan led an faver bann krwayan dan Zide.

Galat 1:16

I ti trouv bon pour revel mwan son Garson, pour ki mon anons li parmi bann non-Zwif.

Galat 1:18

Selman 3 an plitar ki mon ti mont Zerizalenm pour fer konnesans avek Pyer, e mon ti reste de semenn avek li.

Galat 2:1

Answit, 14 an plitar, mon ti retourn Zerizalenm avek Barnabas. Mon ti anmenn Tit osi avek mwan.

Galat 2:2

Mon ti al laba apre en revelasyon sorti kot Bondye. Dan en renyon prive ki mon ti fer avek bann dirizan, mon ti fer zot konnen, e mon ti eksplik zot Bonn Nouvel ki mon anons avek bann non-Zwif. Mon pa ti oule ki travay ki mon'n fer dan lepase oubyen aprezan i vin initil.

Galat 6:3

Si en dimoun i krwar ki i enportan, alor ki i en nanryen ditou, i pe anbet son prop lekor.

Efezyen 2:20

Zot osi, zot form parti sa konstriksyon ki annan bann zapot ek bann profet pour fondasyon, avek Zezi-Kri li menm koman premye pyer.

Efezyen 3:8

Mon pli pti parmi tou bann krwayan. Pourtan, Bondye in donn mwan sa privilez pour anons bann non-Zwif, larises Kris ki san limit.

Kolosyen 1:29

Pour sa rezon ki mon travay dir pour ranpli sa misyon, e mon lite avek tou sa gran lafors Kris ki i azir dan mwan; lafors ki Kris in donn mwan.

1 Timote 3:15

An tou ka, si mon tarde, ou ava konnen ki mannyer fodre konport ou dan lafanmir Bondye, savedir dan Legliz Bondye ki vivan, ki soutenir e protez laverite.

1 Zan 1:3

Tou sa ki nou'n war e tande, nou'n osi anons zot, pour ki zot osi, zot ava ini avek nou. Annefe, nou an kominyon avek Bondye, nou Papa e avek son Garson, Zezi-Kri.

Revelasyon 3:12

Sa enn ki ganny laviktwar, mon pou fer li vin en pilye dan tanp mon Bondye e i pa pou zanmen sorti. Mon pou ekri lo li, non mon Bondye, ek non lavil mon Bondye: Nouvo Zerizalenm ki desann sorti dan lesyel kot mon Bondye. Mon pou osi ekri mon nouvo non lo li.