Galat 2:8 - Labib An Kreol Seselwa

⁸ Bondye ki'n fer Pyer vin zapot pour bann sirkonsi, i'n osi fer mwan vin zapot pour bann ki pa'n ganny sirkonsi.

Galat 2:8 ပူးပေါင်းရင်းမြစ်များ

Akt de Zapot 1:25

pour pran koman fonksyon en zapot, plas ki Zida in kite, pour al dan sa enn ki ti pour li.”

Akt de Zapot 1:8

Me kan Lespri Sen pou desann lo zot, zot pou resevwar en lafors. Zot ava mon bann temwen dan Zerizalenm, dan rezyon Zide antye e dan Samari, ziska dan bout later.”

Akt de Zapot 15:12

Alor lasanble antye ti reste trankil. Zot ti ekout Pol ek Barnabas rakonte koman atraver zot, Bondye ti fer bokou siny ek mirak parmi bann non-Zwif.

Akt de Zapot 19:26

Me zot in war oubyen zot in tande sa ki pe pase: Sa zonm, Pol, pe dir ki bann bondye fer par zonm, pa bondye. I'n reisi konverti bokou dimoun, pa zis isi Efez, me preski dan provens Lazi antye.

Akt de Zapot 21:19

Pol ti dir zot bonzour e answit, i ti rakont an detay tou sa ki Bondye ti'n akonpli par son minister parmi bann pep non-Zwif.

Akt de Zapot 22:21

Me Senyer ti dir mwan, “Ale! Mon pou anvoy ou lwen, ver bann non-Zwif.”

Akt de Zapot 4:4

Me bokou parmi bann ki ti'n antann sa mesaz ti krwar, e lakantite krwayan ti ariv anviron 5,000 zonm.

Akt de Zapot 8:17

Alor, Pyer ek Zan ti enpoz lanmen lo zot e zot ti resevwar Lespri Sen.

Akt de Zapot 9:15

Me Senyer ti dir li, “Ale! Akoz mon'n swazir sa zonm pour ki tou bann nasyon, bann lerwa ek pep Izrael i konn mwan.

1 Korentyen 15:10

Me par lagras Bondye, mon sa ki mon ete, e son lagras pour mwan i pa'n initil. O kontrer, mon'n travay plis ki tou lezot; pa mwan, me lagras Bondye ki avek mwan.

1 Korentyen 9:2

Menm si serten i refize rekonnet mwan koman en zapot, pour zot, mon enn sertennman. Annefe, zot laprev ki mon en zapot dan Senyer.

Galat 3:5

Sa enn ki donn son Lespri e ki fer bann mirak parmi zot, eski i fer sa akoz zot obei Lalwa, oubyen akoz zot annan lafwa dan sa Bonn Nouvel ki zot in tande?

Kolosyen 1:29

Pour sa rezon ki mon travay dir pour ranpli sa misyon, e mon lite avek tou sa gran lafors Kris ki i azir dan mwan; lafors ki Kris in donn mwan.

1 Tesalonisyen 2:13

Nou pa arete remersye Bondye pour en lot rezon: Kan nou ti anons zot Parol Bondye, zot ti ekoute e aksepte li, pa koman en parol zonm, me koman Parol Bondye tel ki i ete, e ki aktif dan zot, bann krwayan.