Galat 2:7 - Labib An Kreol Seselwa

⁷ O kontrer, zot ti war ki Bondye ti'n konfye mwan responsabilite pour anons Bonn Nouvel avek bann non-Zwif parey i ti'n konfye Pyer sa responsabilite pour anons Bonn Nouvel avek bann sirkonsi.

Galat 2:7 ပူးပေါင်းရင်းမြစ်များ

Akt de Zapot 15:12

Alor lasanble antye ti reste trankil. Zot ti ekout Pol ek Barnabas rakonte koman atraver zot, Bondye ti fer bokou siny ek mirak parmi bann non-Zwif.

Akt de Zapot 18:6

Me akoz bann Zwif ti opoz li e ensilte li, i ti sekwe lapousyer son lenz kont zot. I ti dir zot, “Si zot pa ganny sove, i ava par zot prop lafot. Mwan, mon pa responsab. Apartir ozordi mon pou al ver bann non-Zwif.”

Akt de Zapot 28:28

Alor mon oule ki zot konnen ki sa mesaz delivrans Bondye, i'n ganny anvoye kot bann non-Zwif. Zot, zot ava ekoute!”

Akt de Zapot 9:15

Me Senyer ti dir li, “Ale! Akoz mon'n swazir sa zonm pour ki tou bann nasyon, bann lerwa ek pep Izrael i konn mwan.

Romen 1:5

Par li, nou'n resevwar lagras ek misyon koman zapot pour anmenn bann nasyon krwar dan li e obeir li.

Romen 11:13

Aprezan, mon koz avek zot, bann non-Zwif: Koman zapot pour bann non-Zwif, mon kontan sa minister.

1 Korentyen 9:17

Si mon ti'n swazir pour fer li par mon prop volonte, mon ti devre annan en saler. Me akoz mon'n ganny oblize fer li, mon ranpli senpleman sa tas ki mon'n ganny konfye.

Galat 1:16

I ti trouv bon pour revel mwan son Garson, pour ki mon anons li parmi bann non-Zwif.

Galat 1:18

Selman 3 an plitar ki mon ti mont Zerizalenm pour fer konnesans avek Pyer, e mon ti reste de semenn avek li.

Galat 1:6

Mon etonnen ki byen vit, zot in abandonn sa Enn ki'n swazir zot par lagras Kris, e ki zot pe tourn ver en lot Bonn Nouvel.

Galat 2:11

Me kan Pyer ti vin Antyos, mon ti reprimann li devan tou dimoun, akoz sa ki i ti pe fer, ti mal.

Galat 2:14

Kan mon ti war ki zot ti pe mal fer, e ki zot fason azir pa ti dapre laverite Bonn Nouvel, mon ti dir avek Pyer devan tou dimoun ki ti la: Si ou ki Zwif, ou viv parey bann non-Zwif, e non pa parey Zwif, ki mannyer ou, oule fors bann non-Zwif viv parey bann Zwif?

Galat 2:9

Kan zot ti rekonnet lagras ki mon ti'n gannyen, Zak, Pyer ek Zan ki ti ganny konsidere koman bann dirizan, bann kolonn, zot ti donn mwan ek Barnabas lanmen drwat; sa ti koman en siny lakominyon. Alor, nou ti tonm dakor ki Barnabas ek mwan, nou pou al kot bann non-Zwif e zot, zot pou al kot bann Zwif.

1 Tesalonisyen 2:4

Me Bondye in teste nou pour konfye nou son Bonn Nouvel. Nou pa prese pour fer plezir zonm, me pour fer plezir Bondye ki war dan fon nou leker.

1 Timote 1:11

Sa lansennyman i dapre Bonn Nouvel laglwar ki Bondye ki sours nou boner, in konfye mwan.

1 Timote 2:7

Pour sa rezon, ki mon'n ganny anvoye koman en zapot e ansennyan kot bann non-Zwif, pour anons mesaz lafwa ek laverite. Mon pa pe koz manti, mon pe dir laverite.

2 Timote 1:11

Bondye in swazir mwan koman en zapot e en ansennyan pour anons Bonn Nouvel.

2 Pyer 3:15

Konsider pasyans nou Senyer koman en mwayen pour sov nou, parey nou frer Pol in ekri zot avek lasazes ki Bondye in donn li.