Galat 2:2 - Labib An Kreol Seselwa

² Mon ti al laba apre en revelasyon sorti kot Bondye. Dan en renyon prive ki mon ti fer avek bann dirizan, mon ti fer zot konnen, e mon ti eksplik zot Bonn Nouvel ki mon anons avek bann non-Zwif. Mon pa ti oule ki travay ki mon'n fer dan lepase oubyen aprezan i vin initil.

Galat 2:2 ပူးပေါင်းရင်းမြစ်များ

Eklezyas 10:1

Detrwa mous mor i enfekte e detri en parfen; en pe sotiz i gat lasazes ek loner.

Matye 10:16

Mon pe anvoy zot parey bann mouton parmi bann loulou. Alor, zot bezwen rize parey bann serpan e inosan parey bann pizon.

Akt de Zapot 15:12

Alor lasanble antye ti reste trankil. Zot ti ekout Pol ek Barnabas rakonte koman atraver zot, Bondye ti fer bokou siny ek mirak parmi bann non-Zwif.

Akt de Zapot 15:2

En gran diskisyon ti leve lo sa size, ant sa bann zonm, avek Pol ek Barnabas. Alor, zot ti deside ki Pol ek Barnabas, akonpannyen par detrwa lezot frer, zot mont Zerizalenm pour diskit sa problenm avek bann zapot ek bann ansyen.

Akt de Zapot 15:4

Kan zot ti ariv Zerizalenm, zot ti ganny byen resevwar par Legliz, par bann zapot ek bann ansyen. Zot ti rakont tou sa ki Bondye in fer pour zot.

Akt de Zapot 18:9

En swar, Pol ti ganny en vizyon. Senyer ti dir li, “Pa bezwen per, kontinyen koze. Pa bezwen reste trankil,

Akt de Zapot 23:11

Aswar, Senyer ti aparet avek Pol. I ti dir li, “Pran kouraz! Parey ou'n rann temwannyaz lo mwan isi dan Zerizalenm, i neseser ki ou al fer li osi Ronm.”

Akt de Zapot 5:34

Me enn parmi zot, en Farizyen ki ti apel Gamalyel, en profeser Lalwa, byen estimen, ti debout devan Konsey. I ti demande pour fer bann zapot sorti.

Romen 9:16

Alor, sa pa depann lo sa ki zonm i oule, ni lo son zefor, me zis lo Bondye ki pran pitye.

1 Korentyen 1:23

Kanta nou, nou anons Kris ki'n ganny krisifye, en mesaz skandal pour bann Zwif, en lafoli pour bann non-Zwif.

1 Korentyen 2:2

Annefe, mon ti deside pour pa pres nanryen parmi zot eksepte Zezi-Kri, spesyalman Zezi-Kri krisifye.

1 Korentyen 9:24

Zot konnen ki menm si tou dimoun i taye dan en stad, zis enn ki ganny premye pri. Alor, fer fason taye pour ganny sa premye pri.

1 Korentyen 9:26

Pour sa rezon mon pa tay an bonnavini. Mon parey en bokser ki pa donn koudpwen dan vid.

2 Korentyen 12:1

Mon bezwen vant mon lekor, menm si i pa itil. Me aprezan, mon pou koz lo bann vizyon ek bann revelasyon ki Senyer in donn mwan.

Galat 1:12

Mon pa ti ganny li oubyen aprann li avek en zonm, me mon'n resevwar li par en revelasyon Zezi-Kri.

Galat 1:16

I ti trouv bon pour revel mwan son Garson, pour ki mon anons li parmi bann non-Zwif.

Galat 1:6

Mon etonnen ki byen vit, zot in abandonn sa Enn ki'n swazir zot par lagras Kris, e ki zot pe tourn ver en lot Bonn Nouvel.

Galat 2:6

Me bann ki ti ganny konsidere koman dirizan parmi zot, pa fer mwan nanryen pour konnen ki zot ti ete, akoz Bondye pa ziz dapre laparans; sa bann dirizan pa ti enpoz okenn nouvo lord lo mwan.

Galat 2:9

Kan zot ti rekonnet lagras ki mon ti'n gannyen, Zak, Pyer ek Zan ki ti ganny konsidere koman bann dirizan, bann kolonn, zot ti donn mwan ek Barnabas lanmen drwat; sa ti koman en siny lakominyon. Alor, nou ti tonm dakor ki Barnabas ek mwan, nou pou al kot bann non-Zwif e zot, zot pou al kot bann Zwif.

Galat 5:7

Zot ti'n byen konmanse. Lekel ki'n fer zot arete obeir laverite?

Filipyen 2:16

akoz zot port parol lavi. Sa i ava rann mwan fyer zour Kris ava retournen, akoz mon pa ava'n travay pour nanryen.

Filipyen 2:29

Alor, akey li avek en gran lazwa, parey en frer dan Senyer. Zot devre annan bokou respe pour bann zonm parey li.

1 Tesalonisyen 3:5

Pour sa rezon, akoz mon ti nepli kapab siporte espere, mon ti anvoy Timote pran nouvel zot lafwa. Mon ti per ki dyab ti'n tant zot e ki tou nou travay ti ava'n vin initil.

2 Timote 4:7

Mon'n konbat en bon konba, mon'n fini sa lakours, mon'n gard lafwa.

Ebre 12:1

Nou osi, nou'n ganny antoure par en tel gran lafoul temwen. Annou debaras nou avek tou fardo ki ralanti nou lamars, partikilyerman avek tou pese ki anserkle nou si fasilman. Annou, avek determinasyon, fer sa lakours ki nou'n ganny propoze.