Galat 1:9 - Labib An Kreol Seselwa

⁹ Parey mon'n deza dir zot, e la mon repete: Si en dimoun i anons en Bonn Nouvel diferan avek sa ki zot in resevwar, ki i ganny modi!

Galat 1:9 ပူးပေါင်းရင်းမြစ်များ

Proverb 30:6

Pa azout nanryen avek sa bann parol sankwa ou pou ganny reprose e ou ava pas pour en manter.

Zeremi 23:16

La sa ki SENYER liniver i deklare: Pa ekout parol bann profet. Pa les zot tronp ou avek en bann fo promes. Sa ki zot pe dir i zot prop lenvansyon; zot pa pe anons mesaz sorti kot SENYER.

Akt de Zapot 18:23

Pol ti reste Antyos en pe letan. Apre, i ti ale. I ti travers rezyon Galasi ek Frizi, e fortifye bann disip dan zot lafwa.

Romen 16:17

Mon demann zot, frer ek ser, fer atansyon avek sa bann ki senm divizyon ek dezord kontrerman avek lansennyman ki zot in gannyen. Evit bann tel dimoun.

Romen 9:3

Mon ti ava swete ki mon ganny modi par Bondye e separe avek Kris, pour dibyen mon bann frer, mon prop ras.

2 Korentyen 1:17

Eski kan mon ti form sa proze, mon pa ti serye? Oubyen, eski mon bann plan i en bann proze zonm, de sort ki i annan dan mwan, anmenmtan wi ek non?

Deterononm 12:32

Ou ava byen met an pratik tou sa ki mon'n ordonn ou. Ou pa pou ni azoute, ni tir nanryen.

Deterononm 4:2

Zot pa devre azout nanryen, ni tir nanryen dan sa bann parol ki mon ordonn zot. Gard bann komannman SENYER, zot Bondye parey mon'n donn zot.

Filipyen 3:1

Aprezan, mon bann frer ek ser! Mon dir zot, rezoui zot ini avek Senyer. I pa deranz mwan pour repet sa ki mon'n deza ekri; pour zot, i bon fer li.

Filipyen 4:4

Reste touzour dan lazwa, ini avek Senyer. Mon repete: Reste dan lazwa.