Galat 1:7 - Labib An Kreol Seselwa

⁷ An realite, napa en lot Bonn Nouvel, me i annan dimoun ki pe trouble zot e ki oule sanz Bonn Nouvel Kris.

Galat 1:7 ပူးပေါင်းရင်းမြစ်များ

Zeremi 23:26

Sa pa kapab kontinyen pour lontan ankor. Zot pa kapab kontinyen senm sa bann mansonz ki zot fabrike zot menm!

Zeremi 23:36

Fodre pa ki lepep i koz lo fardo ki SENYER in met lo nou, akoz parol SENYER i zanmen en fardo. Si ou koz konmsa, ou pe detourn Parol Bondye ki vivan, SENYER liniver, nou Bondye.

Matye 24:24

Annefe, bann fo mesi ek bann fo profet pou aparet. Zot pou fer bann gran mirak ek bann gran siny, si posib pour tronp menm bann ki Bondye in swazir.

Akt de Zapot 13:10

I ti dir li, “Ou piti dyab, lennmi tou sa ki byen, ranpli avek riz ek malis! Kan eski ou pou arete fos laverite ek plan Senyer?

Akt de Zapot 15:24

Nou konnen ki i annan serten dimoun ki sorti kot nou, ki'n vin trouble e fatig zot par serten parol. Nou pa ti'n donn sa bann dimoun okenn manda pour fer sa.

Akt de Zapot 20:30

Menm parmi zot, pou annan dimoun ki pou leve pour ansenny bann mansonz pour antrenn bann krwayan avek zot.

2 Korentyen 11:13

Bann endividi parey, zot bann fo zapot, bann zouvriye manter, degize koman zapot Kris.

2 Korentyen 2:17

Nou pa parey sa kantite lezot dimoun ki fer komers avek Parol Bondye. O kontrer, akoz Bondye ki'n anvoy nou, nou koz avek senserite delapar Bondye, devan Bondye, ini avek Kris.

2 Korentyen 4:2

Nou'n fini rezet tou sa bann aksyon sekre oubyen ki fer onte. Nou pa fer nanryen pour tronp dimoun, e nou pa sanz Parol Bondye. O kontrer, nou montre laverite klerman. Nou fer tou pour ganny konfyans tou dimoun devan Bondye.

Galat 1:6

Mon etonnen ki byen vit, zot in abandonn sa Enn ki'n swazir zot par lagras Kris, e ki zot pe tourn ver en lot Bonn Nouvel.

Galat 2:4

Ti annan serten, sepandan, bann fo frer, ki ti pretann ki zot bann krwayan. Zot ti zwenn avek nou group an sekre koman bann espyon pour obzerv laliberte ki nou posede dan Zezi-Kri, pour fer nou vin lesklav lalwa.

Galat 4:17

Sa bann dimoun i montre bokou lentere pour zot, me zot lentansyon pa bon. Sa ki zot oule, se separ zot avek mwan. Konmsa, tou latansyon ava pour zot.

Galat 5:10

Sepandan, mon annan konfyans dan Senyer pour sa ki konsern zot: Zot ava mazin parey mwan. Me sa dimoun ki pe trouble zot, pou ganny son pinisyon.

Galat 5:12

Mon demande ki sa bann dimoun ki pe trouble zot, zot sizle zot prop lekor!

Galat 6:17

Dan lavenir, fodre pa ki personn i donn mwan plis traka. Annefe, mon annan bann mark Zezi dan mon lekor.

2 Timote 2:18

Zot i'n ekart zot avek laverite, an dizan ki nou rezireksyon in fini pase. An fezan sa, zot pe met dout dan lafwa serten dimoun.

1 Zan 2:26

Mon ti bezwen ekri zot lo size bann ki pe fer mannyer tronp zot.

1 Zan 4:1

Mon bann zanmi! Pa bezwen krwar tou sa bann ki pretann ki zot posed Lespri. Teste zot dabor pour konnen si sa lespri i sorti kot Bondye. Annefe, i annan bokou fo profet dan lemonn.

2 Zan 1:10

Si en dimoun i vin kot ou avek en lot lansennyman, pa resevwar li se ou, e refize menm dir li bonzour.

2 Zan 1:7

Annefe, bokou manter in fannen partou dan lemonn, bann dimoun ki pa aksepte ki Zezi-Kri in vin koman en zonm vreman. En tel dimoun, i en manter e Ladverser Kris.

Let Zid 1:4

Annefe, i annan serten dimoun move ki'n antre sekretman parmi nou. Zot deform lansennyman konsernan lagras nou Bondye, pour zistifye zot lavi imoral. Zot rezet Zezi-Kri, nou sel Met e Senyer. Depi lontan, Lekritir in anons zot kondannasyon.

Revelasyon 12:9

Sa gran dragon, ti ganny zet deor. Li menm li sa serpan lantikite, ki apel dyab oubyen Satan, e ki tronp lemonn antye. I ti ganny zete lo later ansanm avek son bann lanz.

Revelasyon 13:14

Par sa bann mirak ki i ti'n ganny pouvwar fer dan prezans sa premye bebet, i ti tronp bann zabitan later. I ti demann zot fer en stati sa bebet ki ti'n ganny blese par lepe e ki'n reviv.

Revelasyon 19:20

Sa bebet ti ganny kaptire, ensi ki sa fo profet ki ti'n fer bann siny devan li; bann siny ki ti tronp bann ki ti'n resevwar mark sa bebet ek bann ki ti ador son stati. Tou le de ti ganny zete vivan dan lak dife kot souf ti pe brile.

Revelasyon 2:2

Mon konn tou ou bann aktivite, mon konn ou travay ek ou perseverans. Mon konnen ki ou pa kapab toler bann malfeter. Ou'n teste bann ki apel zot lekor zapot, me ki an realite pa vre, e ou'n dekouver ki zot bann manter.

Revelasyon 2:20

Me la sa ki mon annan kont ou: Ou toler Zezabel, sa fanm ki pas li pour en profet. I tronp mon bann serviter e ansenny zot pratik limoralite, pour fer zot manz lavyann ki'n ganny ofer avek bann zidol.

Revelasyon 2:6

Me la sa ki dan ou faver: Parey mwan, ou deteste sa ki bann Nikolait i fer.

Revelasyon 20:3

Lanz ti zet li dan labim, ki i ti fermen e sele pour ki i nepli kapab tronp bann nasyon ziska ki 1,000 an ava'n fini pase. Apre sa, fodre ki i ganny large pour en pti pe letan.