Filipyen 4:1 - Labib An Kreol Seselwa

¹ Mon bann frer e ser! Mon telman anvi revwar zot! Zot menm ki mon lazwa, mon kouronn laviktwar. Alor, mon bann zanmi! Reste ini, fidelman avek Senyer.

Filipyen 4:1 ပူးပေါင်းရင်းမြစ်များ

Liv Zob 31:36

mon pou anmenn lo mon zepol; mon pou met lo mon latet koman en kouronn.

Psonm 125:1

Sa enn ki met son konfyans dan SENYER, i parey montanny Siyon: Personn pa kapab bouz li; i reste la pour touzour.

Psonm 27:14

Met ou lespwar dan SENYER; reste for, repran kouraz. Met ou lespwar dan SENYER.

Matye 10:22

Tou dimoun pou ay zot akoz mwan. Me sa enn ki persevere ziska lafen, pou ganny sove.

Levanzil dapre Zan 8:31

Alor, Zezi ti dir avek bann Zwif ki ti krwar dan li, “Si zot obei byen mon bann parol, zot ava vin vreman mon disip.

Akt de Zapot 11:23

Kan i ti ariv Antyos, i ti war ki mannyer Bondye ti'n beni son pep. I ti kontan e i ti ankouraz zot pour reste fidel anver Senyer.

Akt de Zapot 14:22

Zot ti fortifye leker bann krwayan e ankouraz zot pour reste solid dan lafwa. Zot ti dir ki zot bezwen pas par bokou soufrans pour antre dan Rwayonm Bondye.

Akt de Zapot 2:42

Zot ti konsakre bokou letan pour aprann lansennyman bann zapot. Zot ti viv ansanm, koman frer; zot ti partaz dipen, e pas letan dan lapriyer.

Romen 2:7

Bann ki fer lebyen, pou ganny laglwar, loner ek limortalite.

1 Korentyen 15:58

Alor, mon bann zanmi! Reste ferm e solid. Montre touzour plis lentere pour travay Senyer, akoz zot konnen ki avek Senyer, zot travay pa initil.

1 Korentyen 16:13

Veye! Reste ferm dan lafwa. Pran kouraz e fortifye zot!

2 Korentyen 1:14

Annefe, zot i'n deza konpran en pe: Zour Zezi nou Senyer ava retournen, zot ava fyer akoz nou, parey nou, nou pou fyer akoz zot.

Galat 5:1

Kris in liber nou pour ki nou vin vreman lib. Alor, tenir for dan sa liberte e pa retonm dan lesklavaz.

Filipyen 1:27

Me i enportan ki zot konport zot dan en fason diny anver Bonn Nouvel Kris. Alor, ki mon vin war zot, oubyen ki mon pa vini, mon swete tande ki zot pe reste ini solidman dan en menm lespri; ki ansanm, avek en menm leker, zot pe konbat pour lafwa ki baze lo Bonn Nouvel.

Filipyen 1:8

Bondye i mon temwen ki mon kontan zot avek sa profon lafeksyon Zezi-Kri.

Filipyen 2:16

akoz zot port parol lavi. Sa i ava rann mwan fyer zour Kris ava retournen, akoz mon pa ava'n travay pour nanryen.

Filipyen 2:26

I byen anvi revwar zot tou; i trakase akoz zot ti'n aprann ki i ti malad.

Kolosyen 4:12

Epafras osi ki sorti kot zot i fer zot salanm. Sa serviter Zezi-Kri pa zanmen aret lite pour zot dan lapriyer, pour ki zot reste solid, koman bann dimoun matir, dan lobeisans lavolonte Bondye dan tou.

1 Tesalonisyen 3:13

I ava fortifye zot leker e rann zot sen e parfe devan Bondye nou Papa, pour sa zour ki nou Senyer Zezi ava retournen avek tou son bann ki i'n konsakre pour li. Amenn.

2 Tesalonisyen 2:15

Alor, mon bann frer ek ser! Reste solid e gard byen bann lansennyman ki nou'n transmet zot, swa par parol oubyen par let.

2 Timote 2:1

Alor ou, mon garson, pran ou lafors dan lagras ki sorti kot Zezi-Kri.

Ebre 10:23

Annou tenir ferm nou lesperans, akoz sa enn ki'n fer sa promes i fidel.

Ebre 3:14

Annefe, nou kolaborater Kris, si nou gard solidman ziska lafen, sa konfyans ki nou'n resevwar depi o konmansman.

Ebre 4:14

Alor, pandan ki nou annan en Gran-Pret siprenm, Zezi, Garson Bondye ki'n travers lesyel, annou tenir byen for lafwa ki nou proklanmen.

2 Pyer 3:17

Me zot, mon bann zanmi! Aprezan, zot in ganny averti. Alor, fer byen atansyon, pangar zot ganny antrennen par lerer sa bann lennmi Bondye. Konmsa, zot ava reste solid dan lafwa.