Filipyen 3:9 - Labib An Kreol Seselwa

⁹ e vin konpletman ini avek li. Pa lobeisans Lalwa ki rann mwan zis, me lafwa dan Kris. Bondye ki rann mwan zis e i rann zis sa enn ki krwar dan li.

Filipyen 3:9 ပူးပေါင်းရင်းမြစ်များ

Zenez 7:23

SENYER ti detri tou kreatir lo later: Depi dimoun ziska bann zannimo, zannimo domestik ek bann pti bebet. Menm bann zwazo dan lezer ti ganny detri. Ti reste zis Noe avek bann dimoun ki ti avek li dan lars.

1 Rwa 8:46

Kan zot ava'n fer pese kont ou, akoz napa imen ki fer pa pese; kan ou pou ankoler kont zot e livre zot avek zot lennmi; kan zot ava ganny anmennen koman prizonnyen dan pei zot lennmi, pre koman lwen,

2 Kronik 32:25

Me Ezekyas pa ti montre rekonesans pour benediksyon ki i ti gannyen; i ti plito montre larogans. SENYER ti ankoler kont li, kont Zida e kont Zerizalenm.

2 Kronik 32:31

Me dan zafer bann anbasader ki ti sorti Babilonn, Bondye ti les li lib pour teste li, pour war tou sa ki i ti annan dan fon son leker. Bann sef Babilonyen ti anvoy mesaze pour kestyonn li lo levennman ekstraordiner ki'n arive dan son pei.

Psonm 14:3

Zot tou, zot in egare; zot tou, zot in koronpi. Personn pa fer sa ki byen, pa menm en sel.

Psonm 143:2

Pa ziz ou serviter, akoz napa personn ki zis devan ou.

Psonm 19:12

Lekel ki kapab konn tou son fot? Pardonn mwan mon bann pese sekre.

Eklezyas 7:20

Lo later, napa en sel zis, ki fer zis sa ki byen san komet en pese.

Ezai 46:13

Mon pe al egzekit mon lazistis, i pa lwen. Delivrans pa pou tarde. Mon pou anmenn delivrans Siyon, pour Izrael, mon laglwar.

Ezai 53:11

Akoz lasoufrans ki i'n siporte, i ava war lalimyer e i ava ganny rekonpanse. Mon serviter, sa enn ki zis, ava anmenn lazistis pour en lafoul dimoun; i ava pran lo li zot bann pese.

Ezai 53:6

Nou tou, nou ti eran. Parey en troupo mouton, ki'n perdi semen, sakenn ti al dan son prop direksyon. SENYER in plas lo li tou nou bann krim.

Ezai 6:5

Alor, mon ti dir: Maler lo mwan! Fini pour mwan! Mon en zonm avek lalev enpir, e mon pe viv parmi en pep ki lalev i enpir; mon lizye in war Lerwa, SENYER liniver!

Zeremi 23:6

Pandan son renny, rwayonm Zida pou ganny libere e pep Izrael pou viv dan lape. I pou ganny apele: SENYER ki nou lazistis.

Zeremi 33:16

Dan sa bann zour, bann zabitan Zida pou ganny libere, e bann zabitan Zerizalenm pou viv an sekirite. Lavil li menm pou ganny apele: SENYER i nou lazistis!

Danyel 9:24

En peryod 70 semenn in ganny fikse pour ou pep e pour ou lavil sen, pour fer arete transgresyon, e met en lafen avek pese; pour fer disparet tou sa ki mal; pour etabli lazistis pour touzour; pour realiz vizyon ek mesaz sa profet e konsakre en Lasal Tre Sen.

Matye 9:13

Al rode ki savedir sa bann parol Lekritir: Konpasyon ki mon oule, pa sakrifis zannimo. Annefe mon pa'n vin apel bann dimoun ki zis, me bann peser.”

Romen 1:17

Annefe, Bonn Nouvel i revele koman Bondye i rann bann imen zis devan li: Sa i selman par lafwa depi konmansman ziska lafen, parey Lekritir i deklare: Sa enn ki zis, pou viv par lafwa.

Romen 10:10

Annefe, kan nou krwar avek tou nou leker, nou ganny zistifye, e sa enn ki anons avek son labous i ganny sove.

Romen 16:7

Fer salanm Andronik ek Zinyas, mon bann fanmir ki ti ansanm avek mwan dan prizon. Zot ganny byen estimen parmi bann zapot e zot ti'n vin kretyen avan mwan.

Romen 5:21

Ensi, pese in rennyen par son pouvwar lanmor. Demenm, lagras i renny par lazistis pour lavi eternel par Zezi-Kri nou Senyer.

Romen 8:1

Aprezan, i nepli annan okenn kondannasyon pour sa bann ki ini avek Zezi-Kri.

Romen 8:3

Bondye in fer sa ki Lalwa Moiz pa ti kapab, akoz febles natir imen ti rann lalwa enpwisan. Bondye in anvoy son prop Garson dan en natir parey natir pese. I'n kondann pese dan natir imen.

1 Korentyen 1:30

Me Bondye in ini zot avek Zezi-Kri ki i'n fer vin nou lasazes: Kris ki rann nou zis devan Bondye, ki permet nou viv pour Bondye e ki delivre nou dan pese.

2 Korentyen 5:17

Osi, si en dimoun i ini avek Kris, i en kreasyon nouvo: Sa ki vye in disparet; sa ki nouvo ki la.

2 Korentyen 5:21

Kris pa'n fer okenn pese. Me Bondye in sarz li avek tou nou pese, pour ki par li, Bondye i rekonnet nou koman zis.

Galat 2:16

Nou konnen ki en dimoun pa ganny zistifye devan Bondye an pratikan sa ki Lalwa Moiz i ordonnen, me par lafwa dan Zezi-Kri. Nou osi nou'n krwar dan Zezi-Kri, pour ki nou ganny zistifye par lafwa dan Kris, e non pa akoz nou pratik tou sa ki Lalwa Moiz i ordonnen. Annefe, personn pa pou ganny zistifye akoz i pratik sa ki Lalwa Moiz i ordonnen.

Deterononm 27:26

Malediksyon lo sa enn ki pa gard bann parol sa lalwa i ki pa met zot an pratik. Lepep ava dir: Amenn!

Filipyen 3:6

Mon ti telman fanatik, ki mon ti en persekiter Legliz. Pour sa ki konsernan lobeisans Lalwa, mon ti san repros.

2 Timote 1:9

Li menm ki'n sov nou e ki'n apel nou pour vin son pep, pa akoz nou bann bon aksyon, me akoz son prop plan ek son lagras. Depi touzour, i'n akord nou sa lagras par Zezi-Kri.

Let Pol pour bann Tit 3:5

I'n sov nou, pa akoz nou bon e zis, me akoz in annan konpasyon pour nou. I'n lav nou par Lespri Sen ki'n donn nou en nouvo nesans ek en nouvo lavi.

Ebre 6:18

Donk, sa de aksyon pa kapab zanmen sanze: Bondye pa kapab manti. Alor, nou ki'n kit tou, nou'n trouv dan li sa lasirans ek en gran lankourazman pour sezi sa lesperans ki i'n propoz nou.

Let Zak 3:2

Nou tou, nou komet lerer dan plizyer mannyer. Si en dimoun pa zanmen komet lerer dan sa ki i dir, i en dimoun parfe ki kapab kontrol son lekor antye.

2 Pyer 1:1

Sa let i sorti kot Simon Pyer, en serviter e zapot Zezi-Kri, pour bann ki'n resevwar en lafwa osi presye ki pour nou, par lazistis nou Bondye e nou Sover Zezi-Kri.

1 Zan 3:4

Sa enn ki fer pese, i kas Lalwa Bondye, akoz pese i dezobeisans Lalwa Bondye.