Filipyen 3:5 - Labib An Kreol Seselwa

⁵ Mon ti ganny sirkonsi kan mon ti annan wit zour. Mon en vre Izraelit par nesans, mon sorti dan tribi Benzamen. Mon en vre Ebre e mon bann zanset, zot Ebre. Mon ti pratik Lalwa Zwif, koman en bon Farizyen.

Filipyen 3:5 ပူးပေါင်းရင်းမြစ်များ

Zenez 14:13

En zonm ki ti'n reisi sove ti al anons Abranm, sa Ebre, ki ti pe reste pre avek bann gran pye dibwa sakre Manmre, sa Amorit, frer Eskol ek Aner, ki ti bann alye Abranm.

Zenez 17:12

Ou ava sirkonsi tou mal ki annan wit zour parmi zot, atraver tou zenerasyon, menm sa lesklav ki'n ne dan ou lakaz, oubyen ki'n ganny aste avek en etranze, ki pa sorti dan ou desandans.

Zenez 40:15

Annefe, mon ti ganny anmennen pardfors sorti dan pei bann Ebre, e isi osi, mon pa'n fer nanryen mal pour merit ganny met dan prizon.”

Zenez 41:12

Ti annan en zenn Ebre, serviter komandan bann gard ki ti la avek nou. Nou ti rakont li nou rev e i ti enterpret zot pour nou.

Zonas 1:9

I ti dir zot, “Mon en Ebre e mon ador SENYER, Bondye lesyel ki'n kree lanmer ek later.”

Levanzil dapre Lik 1:59

Wit zour plitar, zot ti vin sirkonsi sa baba e zot ti oule apel li Zakari, parey son papa.

Levanzil dapre Lik 2:21

Wit zour apre son nesans, sa pti baba ti ganny sirkonsi. Zot ti apel li Zezi, non ki lanz ti dir avan ki son manman ti ansent.

Levanzil dapre Lik 5:38

Me, fodre met diven nef dan bann sak diven nef.

Akt de Zapot 22:3

“Mwan, mon en Zwif, mon'n ne Tars, an Silisi, me mon'n grandi isi, Zerizalenm. Mon'n ganny koman profeser, Gamalyel ki'n ansenny mwan Lalwa nou bann zanset. Parey zot ozordi, mon ti ranpli avek devouman pour Bondye.

Akt de Zapot 23:6

Pol ti remarke ki dan konsey ti annan serten ki ti dan group Farizyen e serten ti Sadiseen. Alor, i ti kriye devan zot, “Mon bann frer! Mon en Farizyen e mon bann paran ti osi Farizyen. Mon pe ganny zize la devan zot akoz mon espere ki bann mor pou resisite!”

Akt de Zapot 6:1

Pandan sa bann letan, koman lakantite disip ti'n ogmante, ti annan konplent ant bann Zwif ki koz Grek ek bann Zwif ki koz Ebre. Bann Zwif ki koz Grek ti plennyen an dizan ki zot bann vev ti pe ganny neglize dan distribisyon manze.

Romen 11:1

Alor mon demande: Eski Bondye in rezet son pep? Pa ditou! Mwan menm, mon en Izraelit, en desandan Abrahanm, manm tribi Benzamen.

2 Korentyen 11:22

Eski zot Ebre? Mwan osi. Eski zot Izraelit? Mwan osi. Eski zot desandan Abrahanm? Mwan osi.

1 Samyel 4:6

Bann Filisten ti antann sa tapaz laklamasyon e zot ti demande: Ki savedir sa tapaz dan kan pep Ebre? Zot ti aprann ki Kof SENYER ti'n ariv dan kan.