Filipyen 2:9 - Labib An Kreol Seselwa

⁹ Pour sa rezon, Bondye in elev li dan en plas pli o ki tou, e donn li en non pli enportan ki tou lezot non.

Filipyen 2:9 ပူးပေါင်းရင်းမြစ်များ

Zenez 3:15

Mon pou met ostilite ant ou e sa fanm, ant ou desandans ek son desandans: I pou kraz ou latet e ou pou mord son talon.

Psonm 110:1

SENYER ti dir avek mon senyer lerwa: Asiz lo mon kote drwat, ziska ki mon met ou bann lennmi anba ou lipye.

Psonm 110:5

SENYER i lo ou kote drwat. Zour son lakoler i leve, i pou kraz bann lerwa.

Psonm 89:27

Mon pou fer li vin mon premye garson, pli gran parmi bann lerwa lo later.

Psonm 91:14

Mon pou delivre sa enn ki kontan mwan. Mon pou protez sa enn ki konn mon non.

Ezai 52:13

Mon serviter pou prospere; i pou ganny egzalte, i pou monte e ganny gran loner.

Ezai 53:12

Pour sa rezon ki mon pou donn li en par avek bann gran. I ava ganny en parti larises bann lennmi. I'n depouy li ziska lanmor e i ti'n ganny plase parmi bann bandi. Sepandan, i'n pran lo li pese en kantite dimoun e pled pour bann kriminel.

Ezai 9:7

Son lotorite pou kontinyen grandi e lape pou rennyen pour touzour pour tronn David ek son rwayonm. I pou etabli son renny e rann li solid lo lalwa ek lazistis, apartir ozordi e pour touzour. SENYER liniver pou fer tousala akoz son gran lanmour.

Danyel 7:14

I ti resevwar lotorite, loner ek rwayote; tou bann pep, tou bann nasyon, dimoun ki sorti dan tou langaz ti servi li. Son pouvwar pou reste pour touzour. Son renny pa pou zanmen fini. Son rwayonm pa pou zanmen ganny detri.

Matye 11:27

Mon Papa in donn mwan tou keksoz. Personn pa konn son Garson, eksepte son Papa, e personn pa konn son Papa, eksepte son Garson ek bann ki son Garson in swazir pour revel son Papa.

Matye 28:18

Zezi ti apros zot e dir zot, “Mon'n ganny tou pouvwar dan lesyel ek lo later.

Levanzil dapre Lik 10:22

Mon Papa in donn mwan tou pouvwar. Personn pa konnen ki son Garson i ete, eksepte son Papa, e personn pa konn mon Papa, eksepte son Garson ek bann ki son Garson in swazir pour revel li.”

Levanzil dapre Zan 13:3

Zezi ti konnen ki i ti'n sorti kot Bondye e ki i ti pe retourn kot Bondye. I ti osi konnen ki son Papa ti'n donn li tou pouvwar.

Levanzil dapre Zan 17:11

Aprezan, mon nepli dan lemonn, me zot, zot dan lemonn, e mwan, mon pe vin kot ou. Papa Sen! Prezerv zot par pouvwar ou non, sa non ki ou ti donn mwan, pour ki zot ava vin en sel, parey ou ek mwan nou en sel.

Levanzil dapre Zan 17:12

Pandan ki mon ti avek zot, mon ti gard zot avek pouvwar ou non, sa non ki ou ti donn mwan. Mon ti prezerv zot e napa enn ki'n perdi, eksepte sa enn ki devre perdi, pour ki Lekritir i ganny akonpli.

Levanzil dapre Zan 17:5

Aprezan Papa, glorifye mwan dan ou prezans avek sa menm mazeste ki mon ti annan avek ou, avan kreasyon lemonn.

Akt de Zapot 5:31

Bondye in elev li lo son kote drwat e i'n etabli li koman Sef ek Sover pour donn pep Izrael lokazyon pour sanz zot lavi e resevwar pardon zot pese.

Efezyen 1:10

Sa plan ki pou ganny egzekite dan letan lafen, pour reini tou keksoz ki dan lesyel e lo later, anba en sel sef: Kris.

Kolosyen 1:18

I latet sa lekor, ki son Legliz; li menm konmansman, lene parmi bann ki'n resisite, pour li vin premye dan tou keksoz.

2 Tesalonisyen 1:12

Alor, non nou Senyer Zezi ava ganny glorifye par zot, e Senyer ava onor zot. Tousala i en don ki sorti kot nou Bondye, ek Senyer Zezi-Kri.

Ebre 1:4

Annefe, Bondye in etabli son Garson dan en pozisyon pli o ki bann lanz, e i'n donn li en non siperyer ki pour zot.

Ebre 1:9

Ou kontan lazistis, e ou deteste lemal. Pour sa rezon, Bondye, ou Bondye in konsakre ou avek en delwil lazwa, e i'n fer ou pli gran ki ou bann zanmi avek ou.

Ebre 12:2

Annou gard nou regar fikse lo Zezi ki lorizin nou lafwa, ki anmenn li ziska perfeksyon. Olye lazwa ki i ti merite, i'n aksepte lanmor lo lakrwa, san okenn laont. Aprezan i'n asiz lo kote drwat tronn Bondye.

Ebre 2:9

Me nou konstate ki pandan en pti pe letan, Zezi ti'n ganny abese pli ba ki bann lanz. Konmsa, akoz soufrans son lanmor, i'n ganny kouronnen avek laglwar ek loner. Ensi, par lagras Bondye, i'n mor pour tou dimoun.

1 Pyer 3:22

ki'n mont dan lesyel. I'n asiz dan kote drwat Bondye, kot bann lanz ek tou lotorite ek pwisans dan lesyel in ganny soumet avek li.

2 Pyer 1:17

Annefe, i ti resevwar loner ek laglwar sorti kot Bondye, son Papa, kan i ti antann sa lavwa sorti dan laglwar siprenm: Sa i mon Garson byenneme, dan ki mon'n met tou mon lazwa.

3 Zan 1:7

Annefe, se pour non Senyer ki zot pe fer sa vwayaz, san resevwar okenn led sorti kot bann ki pa konn Bondye.

Revelasyon 1:5

e delapar Zezi-Kri, temwen fidel, premye ne parmi bann mor, sef parmi bann lerwa later. Zezi-Kri i kontan nou. Par son disan, i'n delivre nou avek tou nou bann pese.

Revelasyon 11:15

Setyenm lanz ti soufle dan son tronpet. Dan lesyel, bann lavwa tre for ti rezonnen. Zot ti pe dir: Aprezan, rwayonm lemonn in vin pour nou Senyer, e pour son Kris. I pou rennyen pour touzour.

Revelasyon 19:16

Lo son rob e lo son kwis, en non in ganny enskri: Lerwa tou bann lerwa, Senyer tou bann senyer.

Revelasyon 3:21

Sa enn ki ganny laviktwar, mon pou met li asiz avek mwan lo mon tronn, parey mwan mon'n ganny laviktwar e mon'n asiz avek mon Papa lo son tronn.

Revelasyon 5:12

Zot ti sante avek en lavwa byen for: Zenn Mouton ki'n ganny egorze, i diny pour resevwar pwisans, larises, lasazes, lafors, loner, laglwar ek louanz.