Filipyen 2:7 - Labib An Kreol Seselwa

⁷ Me, par son prop volonte, i ti renons tou sa ki i ti posede, pour pran kondisyon en serviter. I ti pran natir imen.

Filipyen 2:7 ပူးပေါင်းရင်းမြစ်များ

Psonm 22:6

Mon nepli en zonm. Mon ganny trete koman en lever. Dimoun i ensilte mwan, zot tou zot mepriz mwan.

Ezai 42:1

Mon prezant mon serviter ki mon tenir par lanmen; mon'n swazir li avek lazwa. Mon'n fer mon lespri repoz lo li pour ki i pratik lazistis devan bann nasyon.

Ezai 49:3

In dir mwan: Izrael! Ou menm mon serviter. Par ou, mon pou montre mon laglwar.

Ezai 53:11

Akoz lasoufrans ki i'n siporte, i ava war lalimyer e i ava ganny rekonpanse. Mon serviter, sa enn ki zis, ava anmenn lazistis pour en lafoul dimoun; i ava pran lo li zot bann pese.

Danyel 9:26

Apre sa 62 semenn, sa enn ki'n resevwar lonksyon pou ganny detri, san personn pour defann li. Sef en larme ki pou vini, pou detri lavil ek sanktyer, me i pou ganny detri, e lager pou kontinyen ziska lafen; pou annan gran destriksyon.

Zakari 3:8

Zozye! Ou ki Gran-Pret! Mon demann ou, ek ou bann koleg ki asiz devan ou, mon demann ou ekoute aprezan. Sa bann zonm i anons lavenir: Mon pe fer vin mon serviter ki apel Bourzon.

Zakari 9:9

Fiy Siyon! Danse avek lazwa. Fiy Zerizalenm! Kriy byen for! Ou lerwa pe vin kot ou! I pe vin an triyonf e viktorye; i pe vini koman en dimoun senp, lo en bourik, en pti bourik, piti en femel bourik.

Matye 12:18

La mon serviter ki mon'n swazir, sa enn ki mon kontan, e dan ki mon'n met tou mon lazwa. Mon pou met mon Lespri lo li, pour li anons lazistis avek tou bann nasyon.

Matye 20:28

Dan sa menm fason, Fis-de-Lonm pa'n vini pour ganny servi, me pour servi e donn son lavi koman pri pour liber bokou dimoun.”

Mark 9:12

Zezi ti reponn zot, “I vre: Eli i bezwen vini avan, pour remet tou annord. Me akoz Lekritir i osi dir ki Fis-de-Lonm i bezwen soufer en kantite e ganny meprize?

Levanzil dapre Lik 22:27

Annefe, lekel ki pli enportan: Sa enn ki asiz atab, oubyen sa ki pe servi? Pa sa enn ki asiz atab? Me mwan, mon parmi zot koman sa enn ki pe servi.

Levanzil dapre Zan 1:14

Laparol in vin en et imen. I'n vin reste parmi nou. Nou'n war son laglwar; laglwar son sel Garson ki sorti kot Papa, ranpli avek lagras ek laverite.

Romen 1:3

Sa i konsern son Garson Zezi-Kri, nou Senyer. Koman en zonm, i ti desandan lerwa David.

Romen 15:3

Kris pa ti fer sa ki fer li plezir, me parey Lekritir i deklare: Lensilt bann ki ensilte ou, in tonm lo mwan.

Romen 15:8

Annefe, mon dir zot ki Kris in fer li serviter bann Zwif pour akonplir bann promes ki Bondye i'n fer avek zot bann zanset, bann patriars. Ensi, in montre ki Bondye i fidel.

Romen 8:3

Bondye in fer sa ki Lalwa Moiz pa ti kapab, akoz febles natir imen ti rann lalwa enpwisan. Bondye in anvoy son prop Garson dan en natir parey natir pese. I'n kondann pese dan natir imen.

2 Korentyen 13:4

I vre ki kan i ti ganny krisifye, i ti dan febles; me aprezan i vivan par pwisans Bondye. Nou osi nou feb akoz nou ini avek li; me pour zot, nou pou viv avek li par pwisans Bondye.

2 Korentyen 8:9

Annefe, zot konn lagras nou Senyer Zezi-Kri: Ris ki i ti ete, i'n fer li pov pour zot, pour ki zot vin ris par son povrete.

Galat 4:4

Me, kan letan fikse ti'n arive, Bondye ti anvoy son prop Garson ki ti ne koman en et imen, anba soumisyon Lalwa.

Filipyen 2:6

Menm si i ti vreman posed natir Bondye, Zezi-Kri pa ti oule fer li pas pour egal avek Bondye.

Ebre 12:2

Annou gard nou regar fikse lo Zezi ki lorizin nou lafwa, ki anmenn li ziska perfeksyon. Olye lazwa ki i ti merite, i'n aksepte lanmor lo lakrwa, san okenn laont. Aprezan i'n asiz lo kote drwat tronn Bondye.

Ebre 13:3

Mazin bann prizonnyen, konmsi ou ti dan prizon avek zot. Mazin bann ki ganny tortire, konmsi ou osi, ou pe ganny tortire.

Ebre 4:15

Annefe, nou Gran-Pret i enn ki kapab soufer avek nou dan nou febles. I sa enn ki'n ganny tante dan tou keksoz, parey nou, me san komet okenn pese.