Filipyen 2:3 - Labib An Kreol Seselwa

³ Pa fer nanryen dan en lespri konpetisyon ni par lorgey. O kontrer avek limilite, konsider lezot pli enportan ki ou.

Filipyen 2:3 ပူးပေါင်းရင်းမြစ်များ

Proverb 13:10

Larogans i provok zis dispit; lasazes i avek sa enn ki ekout konsey.

Levanzil dapre Lik 18:14

Mon dir zot, sa kolekter taks ti retourn kot li son pese pardonnen, me pa sa Farizyen. Annefe, tou dimoun ki esey pas pour pli enportan, pou ganny abese e bann ki abes zot, pou vin pli enportan.”

Romen 12:10

Annan en gran lafeksyon ant zot, parey bann frer ki kontan kanmarad; setaki, montre plis respe pour kanmarad.

Romen 13:13

Annou konport nou avek dinyite parey dimoun ki pe viv an plen zour. Annou prezerv nou kont bann move fason viv tel ki: Fer parti bwar, dezord ek vis, dispit ek zalouzi.

Romen 2:8

Me i ava montre son lakoler ek son mekontantman anver bann ki revolte kont li, bann ki opoz laverite e ki ganny enfliyanse par lenzistis.

1 Korentyen 15:9

Annefe, mwan mon dernyen parmi tou bann zapot; mon pa menm merite ganny apele zapot, akoz mon'n persekit Legliz Bondye.

1 Korentyen 3:3

akoz zot ankor annan natir imen. Annefe, si i ankor annan zalouzi ek kerel parmi zot, sa pa i montre ki zot ankor annan natir imen? Zot pe konport zot dan fason imen.

2 Korentyen 12:20

Mon per ki ler mon ariv kot zot, mon pa pou war zot parey mon ti ava kontan e ki zot osi, zot pa pou war mwan parey zot ti ava kontan. Mon per ki pou annan kerel, zalouzi, lannimozite, dispit, kalonmni, bavardaz, lorgey ek dezord.

Galat 5:15

Me si zot morde e devor kanmarad, fer byen atansyon: Zot pou fini par detri kanmarad.

Galat 5:26

Annou pa orgeye, annou pa pran lakoler avek kanmarad, e annou pa zalou kanmarad.

Efezyen 4:2

Viv touzour dan limilite, ladouser ek pasyans. Siport kanmarad dan lanmour.

Efezyen 5:21

Par respe ki zot annan pour Kris, obei kanmarad.

Filipyen 2:14

Fer tou keksoz san okenn konplent, ni diskisyon.

Kolosyen 3:12

Alor, koman en pep ki Bondye in swazir, en pep konsakre pour li e ki i kontan, ranpli zot avek konpasyon, labonte, limilite, ladouser ek lapasyans.

Kolosyen 3:8

Me aprezan, debaras zot avek tousala: Lakoler, vyolans ek mesanste. Pa les okenn parol kalonmni ek parol obsenn sorti dan zot labous.

1 Timote 6:4

sa dimoun i gonfle avek lorgey e i pa konn nanryen. I ganny maladi diskisyon ek dispit lo size bann mo. Sa i lakoz zalouzi, dispit, kalonmni, move soupson,

1 Pyer 3:8

Anfen, zot tou, zot devre annan menm panse ek menm santiman. Kontan kanmarad koman frer; annan konpasyon pour kanmarad e viv dan limilite.

1 Pyer 5:5

Demenm, zot bann zennzan! Obei bann ki pli aze ki zot. Montre bokou limilite dan zot relasyon avek kanmarad. Annefe, Lekritir i deklare: Bondye i kont bann orgeye, me i bon anver bann ki annan limilite.