Filipyen 2:1 - Labib An Kreol Seselwa

¹ Si Kris i rann zot pli for, si son lanmour i donn zot kouraz? Si son lespri i ini zot. Si zot annan lafeksyon ek labonte pour kanmarad.

Filipyen 2:1 ပူးပေါင်းရင်းမြစ်များ

Psonm 133:1

I bon, i gou war bann frer viv ini ansanm.

Ezai 16:11

Alor, konmsi en laarp anndan mwan pe plennyen lo Moab, mon leker i plere pour Kir Eres.

Levanzil dapre Lik 2:25

Ti annan en zonm dan Zerizalenm ki ti apel Simeon. I ti en zonm zis ki ti annan respe pour Senyer. I ti pe esper konsolasyon pep Izrael e Lespri Sen ti avek li.

Levanzil dapre Zan 14:18

Kan mon ava'n ale, mon pa pou les zot tousel konman bann orfelen. Mon pou retourn kot zot.

Levanzil dapre Zan 14:27

Mon kit lape avek zot, mon donn zot mon lape. Selman, mon pa donn zot lape parey lemonn i donnen. Pa bezwen enkyet e pa bezwen per sa ki pou arive.

Levanzil dapre Zan 17:13

Aprezan, mon pe vin kot ou. Mon pe dir sa bann keksoz pandan ki mon ankor dan lemonn, pour ki zot leker ava ranpli avek lazwa.

Akt de Zapot 2:46

Tou le zour, zot ti reini regilyerman dan Tanp. Zot ti partaz dipen dan zot lakaz, manz dan lazwa, avek kontantman ek senplisite dan zot leker.

Akt de Zapot 4:32

Tou bann krwayan ti annan en sel leker ek en sel lespri. Personn pa ti apel sa ki i annan son byen personnel, me zot ti partaz ant zot, tou sa ki zot ti posede.

Romen 5:5

Sa lesperans pa tronp nou, akoz lanmour Bondye in ganny deverse dan nou leker par Lespri Sen ki Bondye in donn nou.

Romen 8:26

Pareyman, Lespri i ed nou dan tou nou febles. Annefe, nou pa konn priye koman fodre. Me Lespri li menm i pled pour nou avek bann siplikasyon ki nou pa kapab eksprim an parol.

1 Korentyen 12:13

Nou tou, Zwif oubyen non-Zwif, lesklav oubyen dimoun lib, nou'n ganny batize dan en sel Lespri, pour vin en sel lekor. Nou tou, nou'n bwar dan en sel Lespri.

1 Korentyen 15:31

Mon bann frer ek ser! Sak zour mon fer fas devan lanmor. I vre ki mon fyer lo zot size, dan lakominyon avek Zezi-Kri, nou Senyer.

1 Korentyen 3:16

Pa zot konnen ki zot tanp Bondye e ki Lespri Bondye i reste dan zot?

2 Korentyen 2:14

Nou loue Bondye ki'n fer nou ranport laviktwar ini avek Kris. Par nou, i fer ki Kris i ganny konnen partou e ki i repann parey loder en parfen.

Galat 4:6

Laprev ki zot in vin son bann zanfan, Bondye in anvoy dan nou leker Lespri son Garson ki kriye: Aba! Papa!

Galat 5:22

Me la bann fri ki Lespri i prodwi: Lanmour, lazwa, lape, pasyans, labonte, zenerozite, fidelite,

Efezyen 4:4

I annan en sel lekor ek en sel Lespri, parey ki i annan en sel lesperans ver lekel Bondye in apel zot.

Filipyen 1:8

Bondye i mon temwen ki mon kontan zot avek sa profon lafeksyon Zezi-Kri.

Filipyen 3:3

Nou ki'n resevwar vre sirkonsizyon, akoz nou ador Bondye par son Lespri e nou met nou lafyerte dan Zezi-Kri. Nou konfyans pa baz lo bann privilez imen.

Kolosyen 2:2

Mon swete ki zot leker ava ranpli avek kouraz; ki zot reste ini dan lanmour, e posed tou bann larises konplet ki rezilta vre disernman. Konmsa, zot ava kapab konn sekre Bondye, setadir Kris li menm.

Kolosyen 3:12

Alor, koman en pep ki Bondye in swazir, en pep konsakre pour li e ki i kontan, ranpli zot avek konpasyon, labonte, limilite, ladouser ek lapasyans.

Ebre 6:18

Donk, sa de aksyon pa kapab zanmen sanze: Bondye pa kapab manti. Alor, nou ki'n kit tou, nou'n trouv dan li sa lasirans ek en gran lankourazman pour sezi sa lesperans ki i'n propoz nou.

1 Pyer 1:2

Pour tou bann ki'n ganny swazir e destinen pour ganny sove par Bondye nou Papa, e ki'n vin en pep sen par Lespri pour obei Zezi-Kri, e ganny pirifye par son disan, nou demann lagras ek lape annabondans pour zot.

1 Zan 3:24

Sa enn ki obei komannman Bondye i viv dan Bondye, e Bondye i prezan dan li. Nou konnen ki Bondye i prezan dan nou, gras a Lespri Sen ki i'n donn nou.

1 Zan 4:12

Personn pa'n deza war Bondye. Si nou kontan kanmarad, Bondye i viv dan nou e son lanmour i parfe dan nou.

1 Zan 4:16

Nou, nou konn sa lanmour ki Bondye i annan pour nou, e nou krwar dan sa lanmour. Bondye i lanmour. Sa enn ki reste dan lanmour i reste dan Bondye e Bondye i reste dan li.