Filemon 1:14 - Labib An Kreol Seselwa

¹⁴ Me mon pa'n oule fer nanryen san ou konsantman. Mon napa lentansyon fors ou fer mwan en faver; me fer li avek bonker.

Filemon 1:14 ပူးပေါင်းရင်းမြစ်များ

1 Kronik 29:17

SENYER! Mon konnen ki ou konn nou leker e ki ou pran plezir dan ladrwatir. Alor, avek en leker drwat ki mon'n ofer ou, volonterman, tou sa bann keksoz. Mon dan lazwa aprezan, ler mon war ou pep rasanble isi, pe ofer ou avek lazwa e volonterman.

Psonm 110:3

Ou pep i volonter zour ou al lager. Bann zennzan pou vin ver ou lo montanny sen.

1 Korentyen 9:17

Si mon ti'n swazir pour fer li par mon prop volonte, mon ti devre annan en saler. Me akoz mon'n ganny oblize fer li, mon ranpli senpleman sa tas ki mon'n ganny konfye.

1 Korentyen 9:7

Lekel sa solda ki servi dan en larme, ki bezwen pey son prop fre? Lekel ki plant rezen e napa drwa manz fri son plantasyon? Lekel ki gard mouton san ganny dile son troupo pour li bwar?

2 Korentyen 1:24

I pa vedir ki nou ti oule komann zot lafwa. Annefe, zot pe reste solid dan lafwa; me nou oule plito kontribye pour rann zot ere.

2 Korentyen 8:12

Annefe, si nou met nou bonn volonte, Bondye i aksepte nou don, pa dapre sa ki nou napa, me dapre sa ki nou annan.

2 Korentyen 9:5

Pour sa rezon ki mon'n war li neseser demann sa bann frer pour vin kot zot avan mwan, pour prepar sa bann don zenere ki zot in deza promet. Konmsa, sa don ava pare kan mon ava arive e i ava prouve ki zot pa pe donn kontreker, me avek bonker.

2 Korentyen 9:7

Fodre ki sakenn i donn dapre sa ki i'n deside, pa avek regre oubyen par lobligasyon. Annefe, Bondye i kontan sa enn ki donn avek lazwa.