Ezekyel 9:9 - Labib An Kreol Seselwa

⁹ I ti reponn, “Pese pep Izrael ek Zida i tre grav. Pei i ranpli avek disan e lavil i ranpli avek lenzistis akoz zot pe dir: SENYER in abandonn sa pei e SENYER pa war nou.

Ezekyel 9:9 ပူးပေါင်းရင်းမြစ်များ

2 Rwa 21:16

Manase ti osi fer koule bokou disan inosan ziska ki i ti ranpli Zerizalenm antye, san kont bann pese ki i ti fer Zida komet. Annefe, i ti pous pep Izrael fer sa ki mal devan SENYER.

2 Rwa 24:4

I ti'n fer koule telman disan inosan, ki Zerizalenm ti'n ranpli avek disan. SENYER pa ti oule pardonnen.

Liv Zob 22:13

Ou dir: Ki Bondye i konnen? Eski i kapab ziz nou atraver bann gro nyaz?

Psonm 10:11

I dir dan li menm: Bondye in oubliye; in kasyet son figir, i pa pou zanmen war nanryen.

Psonm 94:7

Zot dir: SENYER pa pou war nanryen; Bondye Zakob pa pou remarke.

Ezai 1:4

Maler! Nasyon koupab: Pep sarze avek krim, ras ki fer sa ki mal, zanfan koronpi. Zot in abandonn SENYER. Zot in mepriz Bondye Sen Izrael. Zot in tourn zot ledo avek li e zot kontinyen revolte!

Ezai 29:15

Maler pour sa bann ki kasyet zot plan lwen avek SENYER! Ki fer proze dan fernwanr e ki dir: Lekel ki war nou? Lekel ki konn nou?

Ezai 47:10

Ou annan konfyans dan ou bann move pratik e ou mazinen: Personn pa war mwan. Ou swadizan lasazes ek ou konnesans in anmenn ou lo move semen e ou ti dir dan ou leker: Mwan ki la; napa koman mwan!

Zeremi 2:34

Menm ou lenz in ganny tase avek disan bann pov inosan. Ou byen konnen ki sa pa disan dimoun ki ou'n atrape pe kas ou lakaz.

Zeremi 22:17

Me ou, ou pe rod zis ou profi personnel. Ou fer touy sa enn ki inosan, ou kraz dimoun avek britalite.

Lamantasyon 1:5

Son bann ladverser in vin son sef son bann lennmi i trankil. SENYER in fer Zida soufer akoz tou son bann dezobeisans. Son bann zanfan in vin prizonnyen; zot in ganny anmennen annegzil.

Ezekyel 7:23

Fabrik en lasenn, akoz pei i ranpli avek krim, lavil i ranpli avek vyolans.

Ezekyel 8:12

I ti demann mwan, “Ou ki en imen, eski ou'n war ki bann ansyen pep Izrael pe fer dan fernwanr, sakenn dan son lasal dekore avek bann zimaz? Zot dir: SENYER pa war nou, SENYER in abandonn pei.”

Ezekyel 8:17

I ti dir mwan, “Ou ki en imen, ou'n war sa? I pa ase ki zabitan Zida i komet sa bann keksoz degoutan isi? Eski zot bezwen ranpli sa pei avek vyolans pour provok mon lakoler plis ankor? Pour ensilte mwan, zot met en brans anba mon nennen.

Habakouk 1:4

Alor, lalwa nepli ganny pratike. Personn pa rann lazistis koman fodre. Malfeter i atak sa enn ki bon. Alor, lazistis i ganny bafwe bann ziz i rann bann zizman enzis.

Sofoni 1:12

Dan sa lepok, mon pou pran en lalanp; mon pou fouy dan Zerizalenm. Mon pou pran aksyon kont bann zonm ki viv trankilman e ki les lanmar poze parey dan en fon boutey. Zot dir: SENYER pa fer ni sa ki byen, ni sa ki mal.

Levanzil dapre Lik 11:50

Alor, disan tou bann profet ki'n koule depi fondasyon lemonn, pou tonm lo sa zenerasyon konmela,

Deterononm 31:29

Annefe, mon konnen ki apre mon lanmor, zot pou vin koronpi, zot pa pou swiv semen ki mon'n ordonn zot. A lavenir, maler pou tonm lo zot, akoz zot pou fer sa ki mal devan SENYER e provok son lakoler par zot bann aksyon.

Deterononm 32:5

Zot in vin koronpi, zot ki ti ganny kree san defo, en zenerasyon dezenere e fourb.