Ezekyel 9:2 - Labib An Kreol Seselwa

² Alor, sis zonm ti arive par laport siperyer ki vir lo kote Nor. Sakenn ti annan son zarm pour masakre dan son lanmen. Parmi zot, ti annan en zonm abiye dan lenz linenn ki ti annan son lekipman pour ekri dan son kote. Zot ti antre e debout akote lotel an bronz.

Ezekyel 9:2 ပူးပေါင်းရင်းမြစ်များ

2 Rwa 15:35

Me, bann landrwa sakre pa ti ganny detri; lepep ti kontinyen ofer bann sakrifis e bril lansan lo bann oter. Yotanm ti konstri laport dan letaz tanp SENYER.

2 Kronik 27:3

Yotanm ti rekonstri laport siperyer dan tanp SENYER. I ti osi fer bokou konstriksyon lo miray Ofel.

2 Kronik 4:1

Lerwa Salomon ti fer fabrik en lotel an bronz ki ti mezir 10 met sak kote e 5 met oter.

Egzod 40:29

I ti plas lotel sakrifis dan lantre sanktyer, Latant Rankont, e ofer sakrifis konplet ek lofrann vezetal, parey SENYER ti'n ordonn li.

Zeremi 1:15

Annefe, mon pe apel tou bann tribi ki reste dan Nor. Tou bann lerwa pou vini; sakenn ava plas son lotorite devan bann laport Zerizalenm. Zot ava anserkle son bann miray e miray tou lezot lavil ki dan rwayonm Zida.

Zeremi 25:9

mon pou anvoy tou bann zabitan sorti dan Nor avek zot sef, mon serviter, Naboukodonozor, lerwa Babilonn ki fer sa ki mon oule. Mon pou fer zot lager kont Zida, kont son bann zabitan ek tou bann nasyon vwazen. Mon pou detri sa nasyon ek son bann vwazen. Mon pou fer li vin en ta larin pour touzour, en keksoz terib e sokan ki pa pou ditou gou pour war.

Zeremi 26:10

Kan bann sef dan Zida ti antann sa ki'n arive, zot ti depese pou sorti dan pale lerwa pour al dan tanp. Zot ti rasanble kot laport tanp ki apel laport Nef.

Zeremi 4:6

Met en poto pour montre direksyon Siyon. Pa tarde al rod en labri. Pa aret dan semen. SENYER pe anvoy en dezas e en gran destriksyon sorti dan Nor.

Ezekyel 10:2

Bondye ti dir sa zonm dan lenz linenn, “Antre dan sa tourbiyon larou ki anba bann seriben. Ranpli ou lanmen avek labrez sarbon ki ant bann seriben e fann zot lo lavil.” Mon ti war li ale.

Ezekyel 8:3

En keksoz dan laform en lanmen ti sezi mwan par mon seve. Lespri ti soulev mwan ant later ek lesyel e transport mwan dan en vizyon dan Zerizalenm, devan lantre lo kote Nor dan tanp, kot zot ti'n plas sa stati zalouzi, ki provok zalouzi.

Ezekyel 9:11

Sa menm moman, sa zonm dan lenz linenn ek son ekritwar ti vin fer son rapor, “Mon'n fini fer sa ki ou'n ordonnen.”

Ezekyel 9:3

Laglwar Bondye Izrael ti mont par lao bann seriben e al dan direksyon lantre tanp; i ti apel sa zonm dan lenz linenn ki ti annan lekipman ekri dan son kote.

Danyel 10:5

Mon ti lev mon lizye e mon ti war en zonm abiye dan lenz linenn, avek en sentir annor pir otour son leren.

Danyel 12:6

Enn ant zot ti dir avek sa zonm dan lenz linenn, ki ti par lao larivyer, “Konbyen letan ankor pour lafen sa bann keksoz ekstraordiner arive?”

Levitik 16:4

I devre met lo li son lenz sakre an linenn, son kannset linenn, en sentir linenn otour son leren, e kouver son latet avek en tirban linenn. Tousala i fer parti son labiyman sakre. I ava met sa labiyman apre ki i'n pran en ben.

Amos 9:1

Mon ti war SENYER debout kot lotel. I ti dir: Tap kornis bann kolonn e son fondasyon i ganny sekwe! Kraz zot e fer tonm lo zot latet; Mon pou fer masakre sa bann ki reste. Personn pa pou sape; personn pa pou kapab sove.

Revelasyon 15:6

Sa set lanz ki ti pe tenir sa set fleo ti sorti dan Tanp. Zot ti'n abiye dan rob linenn blan klate, avek sentir annor otour zot leren.