Ezekyel 8:2 - Labib An Kreol Seselwa

² Mon ti war en laform ki ti parey en laform imen. Son lekor, apartir son leren an desandan, ti koman en dife; par lao, i ti briye parey bronz dan dife.

Ezekyel 8:2 ပူးပေါင်းရင်းမြစ်များ

Ezekyel 1:4

Kan mon ti gete, en rafal divan ti soufle sorti dan Nor e anmenn avek li en gro nyaz; en rebor lalimyer ti ilimin lesyel otour li. Laflanm dife ti sorti dan son milye; i ti klate parey bronz ki pe fonn dan dife.

Ezekyel 40:3

La kot i ti anmenn mwan, mon ti war en zonm ki ti klate koman bronz. Dan son lanmen ti annan en latres an linenn ek en baton pour mezire. I ti pe debout devan laport lavil.

Ezekyel 8:1

Senkyenm zour, sizyenm mwan dan sizyenm lannen, mon ti pe asiz dan mon lakaz; bann ansyen sorti dan Zida ti pe asiz devan mwan. En sel kou, lanmen Senyer BONDYE ti sezi mwan.

Danyel 10:6

Son lekor ti briye parey pyer presyez krizolit, son figir ti briye parey zekler, son lizye ti resanble en flanbo, son lebra ek son lazanm ti klate parey bronz ki'n ganny poli, e son lavwa ti rezonnen parey tapaz en gran lafoul.