Ezekyel 7:8 - Labib An Kreol Seselwa

⁸ Aprezan, la mon pe al fer ou santi mon lakoler avek tou son lafors. Mon pou ziz ou dapre ou kondwit; mon pou fer ou peye pour tou ou bann aksyon degoutan.

Ezekyel 7:8 ပူးပေါင်းရင်းမြစ်များ

2 Kronik 34:21

“Al konsilte avek SENYER pour mwan e pour leres pep Izrael ek Zida, konsernan konteni sa liv ki nou'n fek dekouver. I vre ki nou bann zanset pa'n obei bann komannman ki ladan, e zot in sibir konsekans gran lakoler SENYER kont nou.”

Psonm 79:6

Fer ou lakoler tourn lo bann nasyon ki pa konn ou e lo bann rwayonm ki pa ador ou.

Ezai 42:25

Pour sa rezon ki i devers lo son pep larder son lakoler e vyolans lager. I'n met dife partou, me zot pa'n oule konpran; i'n bril tou, me zot pa'n pran kont.

Zeremi 36:31

Mon pou pini li, son bann desandan ek son bann sef pour bann pese ki zot tou zot in komet. Personn parmi zabitan Zerizalenm oubyen Zida in ekout mon bann avertisman. Alor, mon pou anmenn lo zot, tou sa bann maler ki mon ti menas zot avek.

Zeremi 7:20

Alor, mwan Senyer BONDYE, mon pou les mon gran lakoler deborde lo sa lavil. Mon pou devers mon lakoler lo dimoun ek zannimo, lo bann pye dibwa ek bann rekolt. Mon lakoler pour brile parey en dife ki personn pa pou kapab tennyen.

Lamantasyon 2:17

Parey i ti'n deside depi byen lontan, SENYER in detri Zerizalenm san pitye. Sa ki i'n fer avek nou i'n fer lennmi rezoui lo ou maler; i'n fer ou bann lennmi vin pli for.

Lamantasyon 2:4

Parey en lennmi, i'n viz son fles lo nou, son lanmen drwat i pare pour tire. I'n touy tou sa ki nou ti pli kontan admire. I'n devers son lakoler, parey en dife lo Siyon.

Lamantasyon 4:11

SENYER in les deborde son lakoler; i'n repann son lakoler partou. I'n alim en dife dan Zerizalenm ki'n bril ziska son fondasyon.

Ezekyel 11:21

Me bann ki zot leker i reste atase avek bann pratik degoutan ek bann lobze degoutan, zot pou sibir konsekans zot prop aksyon. Mwan Senyer BONDYE ki deklare.

Ezekyel 14:19

Oubyen si mon anvoy en lepidemi dan sa pei e mon montre mon lakoler kont li avek disan, pour fer tou disparet, imen koman zannimo,

Ezekyel 16:43

Ou'n fer monte mon lakoler avek tousala, akoz ou nepli rapel letan ou lazenes. Alor, mon tour, mon pou fer ou bann aksyon retonm lo ou. Senyer BONDYE ki'n deklare. Annefe, an plis ki sa bann pratik onte, pa ou'n komet bann aksyon ankor pli degoutan?

Ezekyel 16:59

La sa ki Senyer BONDYE i deklare: Mon pou tret ou dapre sa ki ou merite. Ou pa'n respekte ou serman e ou'n kas lalyans.

Ezekyel 18:30

Alor, pep Izrael! Mon pou ziz sakenn dapre son prop aksyon, Senyer BONDYE i deklare. Sanz ou lavi e abandonn ou bann move mannyer fer. Pa les ou pese detri ou.

Ezekyel 20:13

Me pep Izrael ti revolte kont mwan dan dezer. Zot pa ti swiv mon bann lalwa e zot ti rezet mon bann regleman ki zonm devre obei pour viv. Zot in montre mepri pour mon saba. Dan mon lakoler, mon ti anvi detri zot dan dezer.

Ezekyel 20:21

Me sa bann zanfan ti revolte kont mwan, zot pa ti obei mon bann lalwa; zot pa ti swiv mon bann regleman ki zonm i devre obei pour viv. Me zot in profann mon saba. Alor, mon ti'n pare pour tir mon gran lakoler san okenn kontrol lo zot dan dezer.

Ezekyel 20:33

Osi vre ki mon vivan, Senyer BONDYE i deklare: Mon pou servi tou mon lafors ek tou mon pwisans: Mon pou les mon lakoler deborde kont zot; mon pou vin zot lerwa.

Ezekyel 20:8

Me zot ti revolte kont mwan e refize ekout mwan. Personn pa'n oule abandonn sa bann lobze degoutan ki ti atir zot lizye, ni rezet bann zidol Ezipsyen. Alor, mon ti annan lentansyon tir mon gran lakoler lo zot san okenn pitye e les zot ale ziska Lezip.

Ezekyel 22:31

Alor, mon'n devers mon lakoler kont zot. Mon'n bril zot avek dife mon lakoler. Mon'n fer zot pey konsekans zot move konportman. Senyer BONDYE ki deklare.

Ezekyel 24:14

Mwan SENYER mon'n koze e sa pou realize. Mon pa pou rekile, mon pou fer li san pitye. Mon pa pou regret nanryen, mon pou ziz ou dapre ou lavi ek ou bann aksyon. Senyer BONDYE ki deklare.

Ezekyel 30:15

Mon pou tir mon lakoler lo Sin, sa lavil ki protez Lezip. Mon pou osi detri Teb.

Ezekyel 33:20

Me pep Izrael i dir: Mannyer ki SENYER i azir i pa zis. Alor, pep Izrael! Mon pou ziz sakenn dapre son kondwit.

Ezekyel 6:12

Sa enn ki lwen pou mor avek lepidemi e sa enn ki pre pou ganny masakre. Sa enn ki reste e ki'n sirviv, pou mor par lafanmin. Konmsa, mon ava egzekit mon lakoler ziska dan bout.

Ezekyel 7:27

Zot lerwa pou met dey, bann sef pou tonm dan dezespwar. Lanmen lepep dan pei antye pou tranble. Mwan, mon pou azir dapre zot kondwit; mon pou ziz zot dapre sa ki zot merite. Alor, zot ava konnen ki mwan menm SENYER.

Ezekyel 7:9

Mon pa pou pran konpasyon pour ou; mon pa pou montre okenn pitye pour personn. Mon pou fer ou peye pour tou ou move kondwit; ou bann aksyon degoutan pou ganny revele. Alor, ou ava konnen ki mwan SENYER ki pe tap ou.

Ezekyel 9:10

Mwan, mon pa pou montre okenn konpasyon, ni pitye pour personn, me mon pou fer zot siport konsekans zot bann aksyon.”

Ezekyel 9:8

Pandan ki zot ti pe fer sa masak, mon ti reste tousel. Mon ti tonm lafas ater e plere, “A wi! Senyer BONDYE! Dan ou gran lakoler kont Zerizalenm, eski ou pou detri tou restan Izraelit?”

Danyel 9:11

Izrael antye in pas akote ou lalwa e i'n detournen san ekout ou parol. Alor, bann malediksyon ki asosye avek bann serman dan lalwa Moiz, serviter Bondye, in ganny deverse lo nou, akoz nou bann pese.

Danyel 9:27

I pou fer en lalyans solid avek bokou pour en semenn; e pandan lanmwatye en semenn, i pou fer arete sakrifis ek lofrann. En devastater pou met anplas en pratik degoutan, ziska son prop destriksyon, dapre sa ki'n ganny deside.

Oze 12:3

Dan vant son manman, i ti atrap son frer par son talon, e kan in grand, i'n lager avek Bondye.

Oze 5:10

Bann sef Zida! Zot fer parey sa bann ki deplas bann taso balizaz; Mon pou devers lo zot mon lakoler, parey delo larivyer.

Nahoum 1:6

Lekel ki kapab reziste dan son lakoler? Lekel ki kapab siport lasaler son lakoler? Son rankin i propaze parey dife. Bann ros i fann devan li.

Revelasyon 14:10

li osi, i pou bwar diven lakoler Bondye ki'n ganny verse san melanz, dan lakoup son lakoler. I pou ganny tourmante dan dife ek souf, devan bann lanz sen e devan Zenn Mouton.