Ezekyel 7:7 - Labib An Kreol Seselwa

⁷ Zabitan sa pei! Ou tour in arive. Ou letan in arive! Sa zour i pros, en zour konfizyon! I nepli zour selebrasyon lo montanny.

Ezekyel 7:7 ပူးပေါင်းရင်းမြစ်များ

Zenez 19:15

Koman lizour ti konmans fer, sa de zonm ti ensiste avek Lot, “Leve! Pran ou fanm ek ou de fiy ki la avek ou pour ou pa mor ansanm avek bann zabitan lavil.”

Zenez 19:24

Alor, SENYER ti anvoy lo Sodonm ek Gomor en lapli dife ek souf ki ti sorti kot SENYER, dan lesyel.

Ezai 13:22

Ou pou antann irlman bann yenn dan bann tour, bann sakal dan bann pale. Sa letan i pros, i pe vini, son bann zour in fini, son lafen pa lwen.

Ezai 16:10

Lazwa ek kontantman in disparet dan bann vale. Napa okenn sanson ki sorti dan plantasyon rezen, personn pa kriye avek kontantman. Personn pa vin kraz rezen pour fer diven; nepli antann okenn sanson avek lakadans.

Ezai 17:14

Aswar, i annan en lafreyer terib. Avan bomaten, tou in disparet. Lala sa ki arive avek sa bann ki depouy nou; sanmenm sor sa bann ki vol tou nou posesyon.

Ezai 22:5

Annefe, sa zour, SENYER Bondye liniver in anvoy lazitasyon, konfizyon ek lafreyer. Dan Vale Vizyon, miray i ganny kraze; en lapel osekour i monte dan montanny.

Zeremi 20:7

SENYER! Ou'n tronp mwan e mon'n les mwan ganny tronpe. Ou pli for ki mwan e ou'n pran mwan par lafors. Tou le zour, dimoun i riy mwan, e monk mwan.

Zeremi 50:27

Masakre tou bann toro! Fer zot desann dan labatwar. Lepep Babilonn in ganny modi! Letan pour li ganny pini in arive.

Ezekyel 12:28

Alor, dir zot: La sa ki Senyer BONDYE i deklare: Mon pou realiz tou mon parol san tarde. Senyer BONDYE ki'n deklare.

Ezekyel 30:3

Sa zour SENYER i pros, en zour ki lesyel pou kouver avek nyaz; i pou en zour maler pour tou nasyon.

Ezekyel 7:12

Letan in arive, sa zour pe aprose! Bann aster pa bezwen selebre, bann vander pa bezwen aflize, akoz en gran lakoler pou tonm lo tou dimoun.

Zoel 1:15

Maler! Zour SENYER i pros. Zour destriksyon ki Bondye Toupwisan pou anvoye.

Amos 4:13

Bondye i sa enn ki form bann montanny e kree divan. I revel son bann plan avek bann imen. I fer lizour vin lannwit. I mars lo bann oter. Son non: SENYER, Bondye liniver.

1 Pyer 4:17

Annefe, ler i'n arive pour zizman konmanse, e se par pep Bondye ki i pou konmanse. Alor, si zizman Bondye i konmans par nou, ki pou arive avek sa bann ki refize krwar dan Bonn Nouvel Bondye?