Ezekyel 7:4 - Labib An Kreol Seselwa

⁴ Mon pa pou pran pitye; mon pa pou montre okenn konpasyon pour personn. Mon pou pini ou move kondwit, mon pou met deor tou ou bann aksyon degoutan. Alor, ou ava konnen ki mwan menm SENYER.

Ezekyel 7:4 ပူးပေါင်းရင်းမြစ်များ

Zeremi 13:14

Mon pou bat zot latet ansanm, papa kont zanfan, SENYER i deklare. Personn pa pou ganny eparnyen. Mon pa pou annan okenn bonte, okenn pitye, okenn konpasyon. Personn pa pou anpes mwan detri zot.

Zeremi 16:18

Me avan sa, mon pou fer zot pey doub pour zot move mannyer fer e pour zot pese, akoz zot in sali mon pei avek zot bann zidol degoutan. Zot in ranpli mon landrwa avek zot bann fo zidol.

Zeremi 25:14

Mon pou fer bann Babilonyen peye pour sa ki zot in fer. Zot pou anba dominasyon bokou nasyon ek bann gran pwisans. Konmsa mon pou fer zot rann kont pour zot aksyon e ditor ki zot in fer.

Ezekyel 11:21

Me bann ki zot leker i reste atase avek bann pratik degoutan ek bann lobze degoutan, zot pou sibir konsekans zot prop aksyon. Mwan Senyer BONDYE ki deklare.

Ezekyel 12:20

Bann lavil kot i annan zabitan pou ganny devaste e pei pou tonm anrin. Alor, zot ava konnen ki mwan menm SENYER.

Ezekyel 16:43

Ou'n fer monte mon lakoler avek tousala, akoz ou nepli rapel letan ou lazenes. Alor, mon tour, mon pou fer ou bann aksyon retonm lo ou. Senyer BONDYE ki'n deklare. Annefe, an plis ki sa bann pratik onte, pa ou'n komet bann aksyon ankor pli degoutan?

Ezekyel 22:31

Alor, mon'n devers mon lakoler kont zot. Mon'n bril zot avek dife mon lakoler. Mon'n fer zot pey konsekans zot move konportman. Senyer BONDYE ki deklare.

Ezekyel 23:31

Akoz ou'n pran menm semen ki ou ser, mon pou plas son lakoup dan ou lanmen.

Ezekyel 23:49

Zot ava port konsekans zot lavi imoral ek zot bann pese idolatri. Alor, zot ava rekonnet ki mwan menm Senyer BONDYE.

Ezekyel 24:14

Mwan SENYER mon'n koze e sa pou realize. Mon pa pou rekile, mon pou fer li san pitye. Mon pa pou regret nanryen, mon pou ziz ou dapre ou lavi ek ou bann aksyon. Senyer BONDYE ki deklare.

Ezekyel 33:29

Mon pou konpletman detri sa pei, akoz zot bann aksyon degoutan, e zot ava konnen ki mwan menm SENYER.

Ezekyel 5:11

Alor, osi vre ki mon vivan, la sa ki mwan Senyer BONDYE mon deklare: Akoz ou'n rann mon sanktyer enpir par ou move konportman, par ou bann aksyon degoutan, mwan osi, mon pou abandonn ou e aret protez ou san pitye.

Ezekyel 6:14

Mon pou montre zot mon pwisans. Mon pou detri zot pei e fer tou zabitan disparet depi dezer dan Sid ziska Ribla dan Nor. Alor, zot ava konnen ki mwan menm SENYER.

Ezekyel 6:7

Bokou parmi zot pou mor. Alor, zot ava rekonnet ki mwan menm SENYER.

Ezekyel 7:27

Zot lerwa pou met dey, bann sef pou tonm dan dezespwar. Lanmen lepep dan pei antye pou tranble. Mwan, mon pou azir dapre zot kondwit; mon pou ziz zot dapre sa ki zot merite. Alor, zot ava konnen ki mwan menm SENYER.

Ezekyel 7:3

Aprezan, lafen in ariv lo ou. Mon pou tir mon lakoler lo ou, mon pou ziz ou dapre ou kondwit, mon pou fer ou peye pour tou ou bann aksyon degoutan.

Ezekyel 7:9

Mon pa pou pran konpasyon pour ou; mon pa pou montre okenn pitye pour personn. Mon pou fer ou peye pour tou ou move kondwit; ou bann aksyon degoutan pou ganny revele. Alor, ou ava konnen ki mwan SENYER ki pe tap ou.

Ezekyel 8:18

Alor, aprezan mon tour: Mon pou azir avek lakoler san pitye; mon pa pou eparny personn. Zot ava kriye avek tou zot lafors, mon pa pou ekout zot.”

Ezekyel 9:10

Mwan, mon pa pou montre okenn konpasyon, ni pitye pour personn, me mon pou fer zot siport konsekans zot bann aksyon.”

Oze 12:2

SENYER in fer en lakizasyon kont Zida. I pou pini Zakob dapre son move kondwit, e fer li peye pour son bann aksyon.

Oze 9:7

Sa zour in arive, zour rann kont in arive: Izrael pou konnen! Profet in vin fou, sa zonm ki'n ganny enspire pe rabase, akoz grander ou krim ek latak vyolan.

Amos 7:8

SENYER ti poz mwan sa kestyon: Amos, ki ou war? Mon ti reponn, “En filaplon.” Alor, SENYER ti dir mwan, “Mon pe servi sa filaplon pour montre mon pep ki i parey en miray ki pa daplon. Mon pa pou eparny li.

Zakari 11:6

La sa ki SENYER i deklare: Mon pou nepli annan pitye pour bann zabitan later. Mon pou fer sakenn zot tonm dan lanmen son vwazen e sakenn zot dan lanmen son lerwa. Bann lerwa pou devaste later e mon pa pou delivre personn dan zot lanmen.

Ebre 10:30

Annefe, nou konn sa enn ki ti deklare: Mwan ki pou fer vanzans, mwan ki pou donn lapey an retour. I'n osi dir: Senyer pou ziz son pep.