Ezekyel 7:16 - Labib An Kreol Seselwa

¹⁶ Si okenn sirvivan i sov dan montanny, zot tou, parey pizon ki plennyen, zot pou zemir akoz zot pese.

Ezekyel 7:16 ပူးပေါင်းရင်းမြစ်များ

Ezai 59:11

Nou tou, nou gronnyen parey lours; nou pa arete roukoule parey pizon. Nou esper lazistis, me i pa vini; nou esper nou delivrans, me i reste lwen avek nou.

Ezai 38:14

Mon kriye parey en zirondel; mon plennyen parey en tourtrel. Mon lizye i fatige afors get anler ver lesyel. SENYER! Sekour mwan dan mon lapenn.

Esdras 9:15

SENYER, Bondye Izrael, ou ki zis, ou'n permet ki ozordi, ki serten parmi nou i reste ankor vivan. Nou bann sirvivan; sanmenm sa ki nou ete ozordi. Nou la devan ou avek nou bann fot, alor ki personn pa ti devre kapab sibziste konmsa, devan ou.

Ezai 37:31

Bann sirvivan dan lafanmir Zida, ava repran rasin anba e raport fri lao.

Ezekyel 36:31

Alor, zot ava rapel zot bann move lavi ek zot bann aksyon ki fer onte. Zot pou kanmi pour zot bann fot ek bann aksyon degoutan ki zot in komet.

Zeremi 44:28

Sof en pti group ki pa pou ganny eksterminen, e ki pou kit Lezip pour retourn Zida. Me sa restan dimoun ki sorti Zida e ki'n vin viv dan pei Lezip pou rekonnet lekel parol ki pe ganny realize: Mon parol, oubyen zot parol!

Zeremi 44:14

Konmsa, bokou parmi sa bann ki ti ankor vivan dan pei Zida e ki'n al reste Lezip pa pou kapab sove, ni sov zot lavi, sof en pti group refizye.

Zeremi 31:9

Zot pou ariv an pleran; mon pou akonpanny zot e konsol zot; mon pou anmenn zot kot bann larivyer; mon pou fer zot mars lo en semen san danze, kot zot pa pou riske tonbe. Annefe, mon en papa pour Izrael, e Efraim i mon premye garson.

Ezai 1:9

Si SENYER liniver pa ti'n les detrwa sirvivan, nou ti ava'n pas parey lavil Sodonm, nou ti ava'n pas parey lavil Gomor.

Psonm 55:2

Port atansyon lo mwan, reponn mwan. Mon nepli konnen sa ki mon dir. Mon divage

Zeremi 9:19

Sa tapaz plere in ganny tande dan Zerizalenm: Nou'n ganny rinen! Nou onte! Nou bezwen kit nou pei. Lennmi in detri nou lakaz.

Ezekyel 14:22

serten sirvivan pou reste; zot pou sov zot garson ek zot fiy. Zot pou vin kot ou; ou ava war zot konportman e ou ava ganny konsolasyon dan bann gran maler ki'n tonm lo Zerizalenm. Mwan ki'n fer tousala tonm lo li.

Ezekyel 34:6

Mon troupo in disperse partou dan bann montanny ek kolin. I'n disperse partou dan pei antye. Personn pa pran swen avek li; personn pa rod li.

Nahoum 2:7

Zot tir larenn touni e anmenn li. Son bann servant i lamante. Zot plennyen parey bann pizon, e tap zot lestoma.

Sofoni 1:14

Sa gran zour SENYER i pros; i tre pros, i pe arive byen vit. Menm bann gerye i kriy osekour.

Ezai 59:12

Tou nou fot i la devan ou e nou bann pese i akiz nou. Nou bann fot pa kit nou e nou konn byen nou fot.

Zeremi 3:21

Tapaz ki sorti lao dan kolin, i lavwa bann zanfan Izrael ki pe plere e ki pe sipliye. Zot in oubliy mwan, SENYER zot Bondye e zot in pran en move semen.