Ezekyel 6:3 - Labib An Kreol Seselwa

³ Ou ava dir: Bann montanny Izrael, ekout parol Senyer BONDYE! La sa ki Senyer BONDYE i dir avek bann montanny ek kolin, bann ranpar ek vale: Mwan, mon pou anvoy lager kont zot e detri zot bann landrwa sakre.

Ezekyel 6:3 ပူးပေါင်းရင်းမြစ်များ

1 Rwa 14:23

Zot osi, zot ti etabli bann landrwa sakre avek bann ros pilye ek poto sakre lo sak montanny e anba sak pye dibwa avek feyaz.

Ezai 27:9

Konmsa ki pese Zakob pou ganny efase. La rezilta pardon son pese: Tou bann ros ki ti servi pour fer bann lotel avek pou ganny kraze e vin koman lapousyer. Tou bann poto sakre, oubyen bann lotel lansan, pou disparet.

Ezai 30:25

Sa zour gran masak, bann tour pou tonbe, delo pou sorti lo montanny e lo oter tou bann kolin e pou koul annabondans.

Zeremi 2:20

La sa ki SENYER liniver i deklare: Izrael! Depi lontan ou pe revolte kont mwan. Ou'n refize obei mwan, ou'n refize ador mwan. Alor, lo nenport montanny e anba tou pye dibwa avek ver, ou'n donn ou lekor koman prostitye.

Zeremi 22:29

O mon pei! Mon pei! Mon pei! Ekout parol SENYER.

Zeremi 3:23

Annefe, tou sa ki sorti lao dan kolin, i zis pour tronp dimoun. Zis SENYER, nou Bondye ki kapab sov Izrael.

Zeremi 3:6

Dan letan ki Zosyas ti lerwa, SENYER ti dir mwan, “Eski ou'n war sa ki Izrael in fer? Parey en fanm ki tronp son mari, in al lo bann kolin bwaze kot i azir parey en prostitye anba sa pye dibwa ki son feyaz i ver.

Ezekyel 36:8

Me zot, montanny Izrael, zot pye dibwa pou bourzonnen e raport fri pour mon pep Izrael. Byento sa pou arive.

Levitik 26:25

Mon pou anvoy lager kont zot, pour pini zot akoz mon lalyans. Si zot al pran refiz dan bann lavil, mon pou anvoy lepidemi parmi zot, e zot ava tonm dan lanmen lennmi.

Levitik 26:30

Mon pou detri zot bann landrwa sakre e fer disparet zot bann lotel lansan. Mon pou met zot kadav an ta lo kadav zot bann zidol. Mon pou annan degou pour zot.

Amos 7:9

Mon pou detri bann landrwa sakre desandan Izaak. Bann sanktyer Izrael pou ganny demoli. Mon pou servi lepe kont lafanmir rwayal Zeroboanm.”

Mise 6:1

Ekout sa ki SENYER i deklare: Leve, defann ou devan bann montanny; fer tande ou lavwa devan bann kolin.

Mise 6:2

Bann montanny! Ekout lakizasyon ki SENYER i fer. Bann solid fondasyon later! Ekout lakizasyon ki SENYER i annan kont son pep. I'n konmans en prose kont Izrael.