Ezekyel 5:8 - Labib An Kreol Seselwa

⁸ Alor, la sa ki Senyer BONDYE i deklare: Mwan menm, mon pou tourn kont ou! Mon pou egzekit mon zizman kont ou devan tou bann nasyon.

Ezekyel 5:8 ပူးပေါင်းရင်းမြစ်များ

Ezekyel 15:7

Mon pou azir kont zot; zot krwar zot in sove dan dife, me dife pou detri zot. Kan mon pou azir kont zot, zot ava konnen ki mwan menm SENYER.

Zeremi 24:9

Mon pou fer en tel maler tonm lo zot, ki tou nasyon lo later pou tranble avek lafreyer. Dimoun pou mepriz zot, rakont zistwar lo zot, ridikiliz zot, asosye zot non avek en malediksyon.

Ezekyel 21:3

Dir bann Izraelit: La sa ki SENYER i deklare: Mon pou pran aksyon kont ou. Mon pou servi mon lepe pour detri tou dimoun, bon koman move.

Zeremi 21:13

Mon kont zot ki reste dan vale, la kot bann ros i plat, SENYER i deklare. Annefe, zot dir: Personn pa pou kapab desann pour atak nou ni penetre dan nou landrwa kasyet.

Zeremi 21:5

Mwan menm, mon pou lager kont ou avek tou mon lafors e dan en lakoler terib e vyolan.

Matye 22:7

Alor, lerwa ti ankoler. I ti anvoy son larme touy sa bann kriminel e met dife dan zot lavil.

Ezekyel 39:1

Ou ki en imen, anons mon parol kont Gog. Dir li: La sa ki Senyer BONDYE i deklare: Mon kont ou, Gog, gran sef dan Mesek ek Toubal!

Ezekyel 35:3

Dir zot: La sa ki Senyer BONDYE i deklare: Mon pou pran aksyon kont ou, montanny Edonm! Mon pou montre mon pwisans e ou pou vin en landrwa dezer.

Ezekyel 28:22

La sa ki Senyer BONDYE i deklare: Mon kont ou, Sidon! Mon pou montre mon laglwar parmi zot. Kan mon pou egzekit zizman kont li, Kan mon pou montre mon sentete, tou dimoun pou konnen ki mwan menm SENYER.

Ezekyel 11:9

Mon pou sas ou dan Zerizalenm e livre ou dan lanmen bann etranze. Mon pou egzekit mon bann zizman kont ou.

Lamantasyon 3:3

Kont zis mwan, tou le zour i tourn son lakoler, i kontinyen tourmant mwan san pitye.

Lamantasyon 2:5

SENYER in azir parey en lennmi. I'n detri Izrael, i'n detri son bann pale. I'n kraz son bann miray proteksyon. I'n ogmant latristes ek maler partou dan Zida.

Zeremi 50:7

Zot in ganny devore par tou dimoun ki war zot. Zot bann lennmi ti dir: Nou pa'n fer nanryen mal, akoz sa bann zans in komet pese kont SENYER ki zot vre berze, lespwar zot bann zanset.

Deterononm 29:20

SENYER pa pou pardonn zot, akoz lakoler ek zalouzi SENYER pou monte kont zot. Tou bann malediksyon ki'n ganny ekri dan sa liv ava tonm lo zot e SENYER ava efas zot non anba lesyel.

Ezekyel 5:15

Kan mon pou egzekit mon zizman avek tou mon gran lakoler, mon pinisyon pou terib. Bann nasyon dan zalantour pou monk zot e ensilte zot. Zerizalenm pou vin en lavertisman e en lafreyer pour bann nasyon. Mwan SENYER ki deklare.

Ezekyel 13:8

Alor, la sa ki Senyer BONDYE i deklare: Akoz zot parol ki zot dir i zis ilizyon, e zot vizyon zis mansonz, mon pou azir kont zot. Senyer BONDYE ki'n deklare.

Ezekyel 30:19

Konmsa, ki mon pou egzekit zizman lo Lezip. Alor, zot ava konnen ki mwan menm SENYER.

Ezekyel 34:10

La sa ki Senyer BONDYE i deklare: Mon pou pran aksyon kont bann berze; mon pou fer zot rann mwan kont mon bann mouton. Mon pou repran mon troupo; mon pa pou kontinyen les zot ansarz, pour ki bann berze nepli kontinyen profit lo zot. Mon pou aras mon bann mouton dan zot labous; zot pa pou kontinyen servi zot pour zot nouritir.

Nahoum 2:13

La sa ki SENYER liniver i deklare: Mon kont ou, e mon pou fer ou bann kales lager vin lafimen; ou bann zenn lyon pou ganny masakre. Mon pou aras ou tou sa ki ou ti pran lo later. Zot pa pou antann lavwa ou bann mesaze ankor.

Ezekyel 16:41

Zot pou met dife dan ou bann lakaz. Zot pou egzekit kondannasyon dapre zizman kont ou dan prezans en lafoul fanm. Mon pou met en lafen avek ou lavi prostitisyon, e dezormen, ou ava osi aret donn larzan ou bann galan.