Ezekyel 5:2 - Labib An Kreol Seselwa

² Ou ava bril en tyer dan dife, dan milye lavil. Apre letan ki Zerizalenm in ganny anserkle in fini, pran en lot tyer ki ou ava koup koupe avek lepe otour lavil. Ou ava fann sa dernyen tyer dan divan e mwan, mon ava servi mon lepe kont Zerizalenm.

Ezekyel 5:2 ပူးပေါင်းရင်းမြစ်များ

Zeremi 13:24

SENYER pou dispers ou parey bren lapay ki divan sorti dan dezer i fer anvole.

Zeremi 15:2

Si zot demann ou kote fodre zot ale, dir zot: Serten in destinen pour mor par maladi zot ava mor par maladi. En bann pou ganny masakre. En bann pou mor par lafanmin. En bann pou ganny deporte.

Zeremi 24:10

Mon pou anvoy lager, lafanmin ek lepidemi lo zot, ziska zour pou nepli annan en sel parmi zot ki reste vivan dan sa pei ki mon ti donn zot zanset ek zot menm.

Zeremi 38:2

La sa ki SENYER i deklare: Tou dimoun ki kontinyen reste dan sa lavil pou mor par lepe, par lafen ou byen par lepidemi. Me sa enn ki sorti pour rann son lekor avek bann Babilonyen, pou reste vivan. Omwen i ava sov son lavi.

Zeremi 39:1

Dan nevyenm lannen ki Sedesyas ti lerwa Zida dan nevyenm mwan, Naboukodonozor, lerwa Babilonn, ti vin atak Zerizalenm avek tou son bann gerye.

Zeremi 39:2

Lo nevyenm zour, katriyenm mwan, onzyenm lannen ki Sedesyas ti lerwa, bann miray lavil ti degrengole.

Zeremi 9:15

Alor, ekout byen sa ki mwan, SENYER liniver, Bondye Izrael, mon pou fer: Mon pou donn sa pep en plant anmer pour li manze e delo anpwazonnen pour li bwar.

Zeremi 9:16

Mon pou anvoy li annegzil dan en kantite pei diferan ki ni li, ni son zanset pa'n deza antann koze. Mon pou anvoy bann gerye kont li ziska ki mon ava'n detri li konpletman.

Ezekyel 12:14

Mon pou dispers dan tou direksyon divan, tou bann ki otour li, son lantouraz ek tou son troup. Mon pou pourswiv zot avek lepe.

Ezekyel 17:21

Bann meyer gerye pou ganny touye dan lager. Bann sirvivan pou disperse dan tou kote. Alor, zot ava konnen ki mwan SENYER, mon'n koze.

Ezekyel 5:10

Akoz sa, dan sa lavil, bann paran pou manz zot zanfan e zanfan pou manz zot paran. Mon pou egzekit mon zizman kont ou e dispers tou bann sirvivan, dan tou kote.

Ezekyel 5:12

En tyer ou zabitan pou mor, swa par lepidemi, oubyen par lafanmin dan lavil; en tyer pou ganny masakre dan zalantour; en tyer, mon pou disperse par tou kote e mon pou servi mon lepe kont zot.

Ezekyel 5:3

Ou ava gard detrwa bren seve ki ou ava kasyet dan fon ou pos ou rob.

Levitik 26:33

Mon pou dispers zot parmi bann nasyon e anvoy lager kont zot. Zot pei pou vin en dezolasyon e zot bann lavil ava vin en ta debri.

Amos 9:4

Si zot bann lennmi i deport zot, mon pou donn lord touy zot. Mon lizye pou reste fikse lo zot, pour zot maler, pa pour zot boner.

Zakari 13:8

La sa ki SENYER i deklare: Alor, dan pei antye, de tyer bann zabitan pou mor, e en tyer pou ganny sove.