Ezekyel 38:4 - Labib An Kreol Seselwa

⁴ Mon pou met en lanmson dan ou lanmaswar e trenn ou pardfors. Mon pou fors ou sorti avek ou larme: Seval ek son kavalye abiye dan liniform. Zot ava form en gran latroup gerye, zot tou arme avek zot boukliye ek lepe.

Ezekyel 38:4 ပူးပေါင်းရင်းမြစ်များ

2 Rwa 19:28

Ou'n pran lakoler avek mwan e ou bann parol larogans in ariv ziska mon zorey. Mon pou met en lanmson dan ou nennen e en mor dan ou labous, e mon pou fer ou retourn kot ou sorti.

1 Kronik 12:8

Parmi bann Gadit ti annan bann brav gerye ki ti al zwenn zot avek David dan bann fortifikasyon dan dezer. Zot ti bann zonm brav eksperyanse dan lager avek lans ek boukliye; zot figir ti parey figir lyon e zot ti rapid koman gazel dan montanny.

2 Kronik 25:5

Amasya ti rasanble tou bann zonm dan son rwayonm dan tribi Zida ek Benzamen. I ti plas zot dapre fanmir anba bann komandan 1000, ek bann komandan 100. I ti fer en resansman bann zennzan 20 an, an montan e i ti ganny 300,000 zonm ki kapab lager avek lans ek boukliye.

Ezai 37:29

Ou'n pran lakoler kont mwan e ou bann parol larogans in ariv ziska mon zorey. Mon pou met en lanmson dan ou nennen e en mor dan ou labous e mon pou fer ou retourn kot ou sorti.

Ezai 43:17

ki fer sorti kales lager ek son seval, larme ek son bann konbatan: Zot alonze e zot nepli kapab leve; zot toufe e tennyen parey en lanmes lalanp.

Zeremi 46:9

Bann seval! Atake. Bann kales lager! Bann gerye ki sorti Letyopi ek Pout; ki mannye bann boukliye; lezot gerye ki sorti Loud e ki konn mannye fles! Fonse.

Ezekyel 23:12

I ti abandonn son lekor avek bann Asiriyen, bann sef ek bann komandan, bann gerye dan liniform ek bann kavalye. Zot tou, zot ti bann zennzan byen galan.

Ezekyel 29:4

Mon pou agraf en lanmson dan ou lanmaswar e fer bann pwason ou larivyer kol avek ou lekay. Mon pou redi e tir ou dan ou larivyer avek tou bann pwason larivyer ki'n kole lo ou lekay.

Ezekyel 38:15

Ou ava sorti dan ou pei dan lekstrenm Nor; ou ava anmenn en kantite dimoun avek ou lo seval pour form en troup, en larme byen for.

Ezekyel 38:3

Dir li: La sa ki Senyer BONDYE i deklare: Mon kont ou, Gog, gran sef pep Mesek ek Toubal.

Ezekyel 39:2

Mon pou vir ou e fer ou fer demi tour; ou pou sorti dan lekstrenm Nor pour ou al atak bann montanny Izrael.

Ezekyel 39:20

Dan sa gran repa, zot pou manz ziska zot rasazye: Seval ek son kavalye, solda ek toudsort konbatan. Senyer BONDYE ki'n deklare.

Danyel 11:40

Kan letan lafen pou arive, lerwa Sid pou atak li. Me, lerwa Nor pou atak li avek kales lager, bann kavalye e avek bokou bato. I pou penetre dan bokou pei e travers zot frontyer parey en lavalas.

Amos 4:2

Senyer BONDYE in fer sa serman: Par mon sentete, sa zour pe vini kan zot pou ganny trennen parey pwason ki'n pri dan lanmson.