Ezekyel 38:12 - Labib An Kreol Seselwa

¹² Ou ava depouy zot e sezi bann larises. Ou ava atak bann zabitan ki reste dan bann landrwa ki ti'n deza ganny detri. Zot en pep ki'n rasanble sorti parmi bann nasyon etranze. Zot in ganny bokou troupo ek lezot larises, zot reste dan milye lemonn.

Ezekyel 38:12 ပူးပေါင်းရင်းမြစ်များ

Ezai 10:6

Mon pe anvoy li kont en nasyon enfidel. Mon pe anvoy li kont en pep ki eksit mon lakoler, pour depouy zot e sezi tou zot byen; ki pou mars lo zot konmsi labou dan semen.

Zeremi 30:16

Alor, sa bann ki devor ou pou ganny devore. Ou bann lennmi, san eksepsyon, pou ganny deporte. Sa bann ki vol ou pou ganny vole. Sa bann ki pran sa ki ou annan pou konn menm sor.

Ezekyel 29:19

Alor, la sa ki Senyer BONDYE i dir: Mon pou donn Naboukodonozor, lerwa Babilonn, Lezip. I pou depouy li konpletman e detri li. I pou servi tou son larises pour pey bann gerye.

Ezekyel 38:8

Dan ankor en bon pe letan, ou pou ganny enstale dan ou plas. Plitar, mon pou donn ou lord pour atak pei avek en pep ki'n sape dan lager. Zot pou sorti parmi bann nasyon kot zot ti reste e rasanble lo bann montanny Izrael ki'n reste san zabitan depi lontan. Aprezan ki zot in sorti parmi sa bann nasyon, zot ava kapab viv an sekirite.

Amos 1:8

Mon pou detri bann zabitan Asdod; mon pou fer disparet lerwa Askelonn; mon pou tourn mon lanmen kont pep Ekronn, e leres bann Filisten pou disparet. Senyer BONDYE ki'n deklare. Kont bann Fenisyen

Zakari 1:12

Alor, lanz ti dir, “SENYER liniver! Ankor konbyen letan eski ou pa pou pran pitye pour Zerizalenm ek bann lavil dan Zida kont ki ou ankoler depi deza 70 an?”

Zakari 1:17

Anons ankor sa mesaz: La sa ki SENYER liniver i deklare: Mon bann lavil pou ranpli ankor en fwa avek en kantite larises. Ankor en fwa, SENYER pou rekonfort Siyon e swazir Zerizalenm.

Zakari 13:7

La sa ki SENYER liniver i deklare: Lepe! Leve kont mon berze, kont mon zanmi pros. Atak berze pour dispers bann mouton; mon lanmen pou atak bann ki pti.

Ziz 9:37

Gaal ti reponn ankor, “I vre; en group dimoun pe desann dan milye kolin; e en lot troup pe vini par semen pye dibwa bann sorsye.”