Ezekyel 37:10 - Labib An Kreol Seselwa

¹⁰ Alor, mon ti profetize parey i ti'n ordonn mwan. Souf lavi ti antre dan zot, zot ti vin vivan e zot ti lev debout lo zot lipye. Zot ti form en gran larme.

Ezekyel 37:10 ပူးပေါင်းရင်းမြစ်များ

Revelasyon 11:11

Me apre sa trwa zour edmi, en souf lavi ki sorti kot Bondye ti antre dan zot. Zot ti debout lo zot de lipye. Alor, en gran lafreyer ti tonm lo bann ki ti war zot.

Psonm 104:30

Ler ou soufle lo zot, zot tou, zot reganny lavi e tou i vin nouvo lo later.

Zeremi 30:19

Bann zabitan pou sant bann kantik remersiman; zot pou riye avek kontantman. Avek mon benediksyon, zot popilasyon pou ogmante, olye diminyen; Zot ava en pep ki ganny respekte; personn pou nepli mepriz li.

Zeremi 33:22

Parey i pa posib kont bann zetwal dan lesyel, ni bann gren disab dan lanmer, mon pou osi ogmant desandans mon serviter David e bann desandan Levi ki servi mwan koman pret.

Ezekyel 12:7

Mon ti sorti avek mon bagaz parey SENYER ti'n ordonn mwan: Mon ti fer sorti mon bagaz lizour, koman en egzile; aswar, mon ti fer en trou dan miray avek mon prop lanmen. Mon ti met mon bagaz lo mon zepol devan zot e mon ti sorti dan fernwanr.

Ezekyel 37:5

La sa ki Senyer BONDYE i deklare avek sa bann lezo: Mon pou met en souf lavi dan zot e zot ava viv.